Алексеева Любовь Феогнидовна
| Ҫын пирки | |
| Алексеева Любовь Феогнидовна | |
| Çуралнă вăхăт | 1939 ҫулхи юпан 3-мӗшӗ (86 ҫулта) |
|---|---|
| Çуралнă вырăн | |
| Гражданлăх | |
| Ĕçлев тĕсĕ | экономист |
Алексеева Любовь Феогнидовна (1939 ҫулхи юпан 3-мӗшӗ, Ҫӗньял-Покровски, Шупашкар районӗ) — организатор-экономист[1]. Чӑваш Республикин тава тивӗҫлӗ экономисчӗ[2].
Кун-ҫулӗ
Вӑтам пӗлӗве Ишлей вӑтам шкулӗнче илнӗ[3].
1961 ҫулта Чӑваш патшалӑх ял хуҫалӑх институчӗн зоотехника факультетӗнче аслӑ пӗлӳ илнӗ. 1972 ҫулта Мускав облаҫӗнчи Балашиха хулинче вырнаҫнӑ Пӗтӗм союзри куҫамсӑр вӗрентекен ял хуҫалӑх институтӗнче пӗлӗвне ӳстернӗ[1].
1961–1963 ҫулсенче Ял хуҫалӑх министерствин Сӗнтӗр районӗнчи хурт-хӑмӑр ӗрчетессин конторинче аслӑ зоотехник пулнӑ. 1963–1965 ҫулсенче Ял хуҫалӑх министерствин Етӗрне районӗнчи хурт-хӑмӑр ӗрчетессин конторинче аслӑ зоотехник пуса ӗҫленӗ[2].
1965–1973 ҫулсенче Етӗрнери спирт савутӗнче микробиолог пулнӑ. Каярах, 1973–1967 ҫулсенче районти «Сельхозтехника» пӗрлешӗвӗн начальникӗ, ун хыҫҫӑн, 1976–1981 ҫулсенче аслӑ экономисчӗ вырӑнӗсенче ӗҫленӗ. 1981–1986 ҫулсенче районти ял хуҫалӑха производствӑпа техника тӗлӗшӗнчен тивӗҫтерекен пӗрлешӗвӗн планпа производство пайӗн начальникӗ пулнӑ[2].
1986 ҫулта ӑна районти аграрипе промышленность пӗрлешӗвӗн председатель ҫумӗ пулма шанса панӑ, вӑл экономика ыйтӑвӗсемшӗн яваплӑ пулнӑ[2].
1986–1992 ҫулсенче Етӗрне районӗн халӑх депутачӗсен канашӗн ӗҫ тӑвакан комитетӗнче вӑй хунӑ, план комиссийӗн председателӗ пулнӑ, 1987–1992 ҫулсенче ҫавӑн пекех ӗҫтӑвком председателӗн ҫумӗ пулнӑ[1].
1992–2001 ҫулсенче Етӗрне район администрацийӗн экономика управленийӗн начальникӗ пулнӑ[1].
Ҫемье
Мӑшӑрӗ: Алексеев Викентий Алексеевич. 2012 ҫулта вӗсем мӑшӑрланнӑранпа 50 ҫул ҫитнӗ май (1962 ҫулта пӗр йӑва ҫавӑрнӑ) ылтӑн туй ирттернӗ[3]. 2012 ҫулхи ҫӗртмен 27-мӗшӗнче кӑларнӑ Чӑваш Республикин Хушӑвӗпе вӗсен ҫемйине «Юратушӑн тата шанчӑклӑхшӑн» медальпе чысланӑ[4].
Ӑнлантарусем
- ^ 1, 2, 3, 4 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 45. — 505 с.
- ^ 1, 2, 3, 4 http://энциклопедии.наследиечувашии.рф/a/article/1582.html
- ^ 1, 2 https://yadrin.cap.ru/press-centr/2012/02/29/uvazhaemaya-i-pochitaemaya-semjya
- ^ http://sovch.chuvashia.com/?p=62159
Вуламалли
- Шаблон:Кӗнеке/Кӗске Етӗрне район энциклопедийӗ
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 45. — 505 с.