Алексеев Анатолий Алексеевич (вӑрманҫӑ)

	Ҫын пирки
	Алексеев Анатолий Алексеевич
Çуралнă вăхăт	1949 ҫулхи авӑнӑн 4-мӗшӗ (76 ҫулта)
Çуралнă вырăн	Ураскасси, Элпуç ял тăрăхĕ, Тăвай районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Гражданлăх	СССР; Раҫҫей Федерацийӗ;
Альма-матер	Атӑлҫи патшалӑх технологи университечӗ[d];

Алексеев Анатолий Алексеевич (1949 ҫулхи авӑнӑн 4-мӗшӗ(19490904), Ураскасси, Тӑвай районӗ, Чӑваш АССР) — Чӑваш Республикин тава тивӗҫлӗ вӑрманҫи.

Пурнӑҫӗ

1949 ҫулхи авӑн уйӑхӗн 4-мӗшӗнче Чӑваш АССРӗнчи Тӑвай районӗнчи Ураскасси ялӗнче ҫуралнӑ. М. Горький ячӗллӗ Мари патшалӑх политехника институтӗнчен вӗренсе тухнӑ (1971), «Вӑрман хуҫалӑхӗ» специальноҫа алла илнӗ. Совет Ҫарӗнче хӗсметре тӑнӑ. «Удмуртлес» комбинатӑн Менил вӑрманпромхозӗнче, Канаш механизациленӗ вӑрман хуҫалӑхӗнче инженер пулса ӗҫленӗ. Унтан Тӑвайри кирпӗч завочӗн директорӗ (1975—1986 ҫҫ.), парти ӗҫченӗ, Тӑвай райповӗн ҫӗвӗ цехӗн пуҫлӑхӗ, Тӑвай вӑрман хуҫалӑхӗн директорӗ (1993—2005 ҫҫ.), Ҫут ҫанталӑкпа усӑ курас йӗркене тӗрӗслесе тӑракан федераци службин Чӑваш Республикинчи управленийӗн пуҫлӑхӗн ҫумӗ (2005—2007 ҫҫ.), Федерацин ветеринарипе фитосанитари надзорӗн службин Чӑваш Республикинчи управленийӗн пай пуҫлӑхӗ, Чӑваш Республикин Ҫут ҫанталӑк ресурсӗсен тата экологи министерствин тӗрӗслев пайӗн пуҫлӑхӗ (2007—2011 ҫҫ.), Тӑвай район администрацийӗн пуҫлӑхӗн ҫумӗ — строительство, ҫул-йӗр тата ЖКХ пайӗн пуҫлӑхӗ (2011—2014) пулса вӑй хунӑ.

Хисепӗсем

Чӑваш Республикин тава тивӗҫлӗ вӑрманҫи (2001);
Чӑваш АССР Аслӑ Канашӗн Президиумӗн Хисеп грамоти (1981).

Ӑнлантарусем

Вуламалли

Юнусов Д.Р., Петрова Т.Г., Николаев В. Д. По труду и честь(выр.). — Новое время, 2023. — С. 130. — 168 с.

Каҫӑсем