Анат Чаткас тӗп шкулӗ
| «Чӑваш Республикин Шӑмӑршӑ муниципаллӑ округӗн «Пӗтӗмӗшле пӗлӳ паракан Анат Чаткас тӗп шкулӗ» муниципаллӑ пӗтӗмӗшле вӗренӳ бюджет учрежденийӗ | |
|---|---|
 | |
| Кӗскен | Анат Чаткас тӗп шкулӗ |
| Никӗсленӗ | 1840 |
| Директор | Воробьёва Татьяна Валериевна |
| Тӗс | Пӗтӗмӗшле пӗлӳ паракан тӗп шкул |
| Адрес | 429173, Чӑваш Республики, Шӑмӑршӑ муниципаллӑ округӗ, Анат Чаткас ялӗ, Чапаев урамӗ, 27 ҫурт |
| Сайт | chepkas-shemur.edu21.cap.ru |
Анат Чаткас тӗп шкулӗ — Шӑмӑршӑ муниципаллӑ округне кӗрекен Анат Чаткас ялӗнче вырнаҫнӑ тӗп шкул.
Адресӗ: 429173, Чӑваш Республики, Шӑмӑршӑ муниципаллӑ округӗ, Анат Чаткас ялӗ, Чапаев урамӗ, 27 ҫурт.
Шкул директорӗ — Воробьёва Татьяна Валериевна[1].
Историйӗ
Чӑваш Республикин Шӑмӑршӑ районӗнчи Анат Чаткас ялӗнче 1840 ҫулта земство шкулӗ уҫӑлнӑ.
1856 ҫулта хӗрачасем валли шкул уҫнӑ, 1876 ҫулта Тури Чаткасра хӗрачасем валли пуҫламӑш шкул уҫнӑ.
1873 ҫулта Анат Чаткас шкулне халах училищисен инспекторӗ Назарьев В. Н. ҫитсе курнӑ. Иккӗмӗш хут Чӗмпӗр кӗпӗрнинчи халӑх училищисен инспекторӗ Стржалковский Н. С. 1877 ҫулта килсе кайнӑ. Вӑл тӗрӗслев хучӗсенче ҫапла ҫырса хӑварнӑ: «Шкулта 34 арҫын ача тата 12 хӗрача вӗренет».
1887 ҫулта Пӑва уесӗнчи училищӗсен Канашӗ йышӑнӑвӗпе Анаткас Чаткасра шкул ҫуртне тунӑ, унччен ачасене харпӑр килсенче вӗрентнӗ.
Совет влаҫӗ вӑхӑтӗнче ялти учительсем Патов Н. В., Афанасьев Ф. А., Крылов М. Д., Сайкин И. Ф. тата ыттисем те ачасене вӗрентнисӗр пуҫне аслисене те вулама-ҫырма-шутлама вӗрентнӗ.
1932 ҫулта ӑна колхоз ҫамрӑкӗсен шкулӗ туса хунӑ. 7 ҫул вӗренмелли шкулӑн пӗрремӗш директорне Афанасьев Филипп Афанасьевича ҫирӗплетнӗ.
1958 ҫулта шкул сакӑр ҫул вӗренмелли — тулли мар вӑтам шкул — пулса тултарать.
1975 ҫултанпа – Анат Чаткас вӑтам шкулӗ.
1985 ҫулта виҫӗ хутлӑ харӑс 464 ача вӗренмелӗх кирпӗч шкул хута янӑ. Ун чух шкул директорӗнче Афанасьев Геннадий Филиппович вӑй хунӑ.
1990 ҫулхи раштав уйӑхӗнче шкул хӑйӗн 150 ҫулхи юбилейне паллӑ тунӑ[2].
Хальхи вӑхӑтра
2009 ҫултан — Анат Чаткасри пӗтӗмӗшле пӗлӳ паракан тӗп шкул (9 класс).
Шкулта 10 вӗренӳ пӳлӗмӗ. Ҫавӑн пекех акт залӗ, спортзал, мастерской тата апатлану пӳлӗмӗ пур.
Шкула 2004 ҫулта газпа ӑшӑтаҫҫӗ. Кӳршӗ ялсенчен ачасене шкул автобусӗпе турттараҫҫӗ.
Шкул библиотекинче 3 пин ытла кӗнекепе тӗрлӗ пособисем[3].
Шкул директорӗсем
- Афанасьев Филипп Афанасьевич (1934—1937),
- Патов Никифор Васильевич (1937—1938),
- Сайкин Иван Фёдорович (1938—1941),
- Алексеева Александра Фёдоровна (1941—1946),
- Тихонов Никита Михайлович (1946—1948),
- Сайкин Иван Фёдорович (1948—1963),
- Ухваркин Михаил Николаевич (1963—1967),
- Тяпушов Фёдор Захарович (1967—1968),
- Кириллов Александр Кириллович (1968—1970),
- Идрисов Зайнулла Зайдуллович (1970—1981),
- Афанасьев Геннадий Филиппович (1981—1990),
- Тихонов Владимир Ильич (1990—1994),
- Нянин Леонид Николаевич (1994—1998),
- Азизова Фаина Алексеевна (1998—2008),
- Нянина Людмила Петровна (2008—2012),
- Воробьёва Татьяна Валериевна (2012 ҫултан вара)[2].
Ӑнлантарусем
- ^ Руководство (выр.). Муниципальное бюджетное общеобразовательное учреждение "Чепкас-Никольская основная общеобразовательная школа" Шемуршинского муниципального округа Чувашской Республики.
- ^ 1, 2 История школы (выр.). МОУ "Чепкас-Никольская средняя общеобразовательная школа".
- ^ Материально - техническое обеспечение и оснащенность образовательного процесса. Доступная среда. (выр.). Муниципальное бюджетное общеобразовательное учреждение "Чепкас-Никольская основная общеобразовательная школа" Шемуршинского муниципального округа Чувашской Республики.
Вуламалли
- Энциклопедия Шемуршинского района / [сост. Г. Н. Ларшников, П. И. Фомин, В. К. Андронов, 2018. — 382 с. — 313-314 стр.