Андреев Василий Алексеевич (Совет Союзĕн Паттăрĕ)

Андреев Василий Алексеевич
Андреев Василий Алексеевич
Ҫуралнӑ вӑхӑт	1920 ҫулхи утӑн 10-мӗшӗ
Ҫуралнӑ вырӑн	Комиссаровка[d], Березанская поселковая община[d], Березанский район[d], Николаевская область[d], Украина Советлӑ Социализмлӑ Республики;
Вилнӗ вӑхӑт	1961 ҫулхи чӳкӗн 6-мӗшӗ (41 ҫул)
Вилнӗ вырӑн	Нижний Ломов[d], Пенза облаçĕ, Раççей Федерациллĕ Социализмлă Совет Республики, СССР;
Пӑхӑнни	СССР
Ҫар тӗсӗ	пехота
Звани	Лейтенант
Часть	Воронеж фрончĕн 47-мĕш çарĕн 218-мĕш стрелоксен дивизийӗн 667-мĕш стрелоксен полкĕ
Командӑланӑ	взвод
Вӑрҫӑсем/ҫапӑҫусем	Иккӗмӗш Тӗнче вӑрҫи

Андреев Василий Алексеевич (1920 ҫулхи утӑн 10-мӗшӗ, Комиссаровка^[d], Николаевская область^[d] — 1961 ҫулхи чӳкӗн 6-мӗшӗ, Нижний Ломов^[d], Пенза облаçĕ) — Тӑван Ҫӗршывӑн аслӑ вӑрҫинче Воронеж фрончӗн 47-мӗш ҫарӗн 218-мӗш стрелоксен дивизийӗн 667-мӗш стрелоксен полкӗн разведка взвочӗн командирӗ, лейтенант, Совет Союзӗн Паттӑрӗ (03.06.1944)^[1]^[2]^[3].

Пурнӑҫӗпе ӗҫӗ-хӗлӗ

1920 ҫулхи утӑ уйӑхӗн 10-мӗшӗнче Украинӑри Николаев облаҫӗнчи Березанка районӗнчи Комиссаровка ялӗнче хресчен кил-йышӗнче ҫуралнӑ. Украин. Вӗренӳ — пуҫламӑш шкул. Одессӑра (Украина) сахӑр заводӗнче ӗҫленӗ.

ВКП (б) /КПСС пайташӗ 1943 ҫултанпа.

Хӗрлӗ Ҫарта 1939 ҫултанпа. 1941 ҫулхи ҫӗртме уйӑхӗнчен пуҫласа Тӑван Ҫӗршывӑн Аслӑ вӑрҫине хутшӑннӑ. Украинӑна ирӗке кӑларнӑ ҫӗре хутшӑннӑ.

667-мӗш стрелоксен полкӗн разведка взвочӗн командирӗ Андреев лейтенант Днепр урлӑ каҫнӑ чухне паттӑрлӑх кӑтартнӑ. 1943 ҫулхи авӑнӑн 23-мӗшӗнче вӑл разведчиксен ушкӑнӗпе шыв урлӑ каҫнӑ, гитлеровецсен ҫапӑҫури сыхлавне пӗтернӗ, Украинӑри Черкасск облаҫӗнчи Черкасск районӗнчи Хмельная тата Пекари ялӗсенче тӑшманӑн вут-ҫулӑм точкисен вырӑнӗсем ӑҫта вырнаҫнине тӗпчесе пелнӗ. Тепӗр кунне полк миномётчикӗсем, разведка ушкӑнӗн даннӑйӗсемпе усӑ курса, нимӗҫсен икӗ ротине пӗтернӗ, тӑшман батарейипе гитлеровецсен хӗҫпӑшал пухса хунӑ вырӑнӗсене тӗп тунӑ.

Авӑнӑн 25-мӗшӗнче, полк Днепрӑн сылтӑм енне каҫма пуҫласан, нимӗҫ автоматчикӗсен ушкӑнӗ Хӗрлӗ Ҫар подразделенисен тылне тухса, вӗсене ҫырана тухма чӑрмантарма хӑтланнӑ. Василий Андреев лейтенант хӑйӗн взводне атакӑна ҫӗкленӗ те кӗске ҫапӑҫура тӑшмана тӗп тунӑ.

Авӑнӑн 27-мӗшӗнче Василий Андреев лейтенант Хмельная ялӗнче разведчиксемпе тӑшманӑн икӗ миномётне тӗп тунӑ.

СССР Аслӑ Канашӗн Президиумӗн 1944 ҫулхи ҫӗртмен 3-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Андреев Василий Алексеевич лейтенанта Ленин орденӗпе тата «Ылтӑн Ҫӑлтӑр» медальпе (№2328) чысласа Совет Союзӗн Паттӑрӗ хисеплӗ ят панӑ.

Вӑрҫӑ хыҫҫӑн В. А. Андреев запаса тухнӑ. Пенза облаҫӗнчи Анат Ломов хулинче ӗҫлесе пурӑннӑ. 1961 ҫулхи чӳк уйӑхӗн 6-мӗшӗнче вилнӗ.

Хисепӗсем

Совет Союзӗн Паттӑрӗ (03.06.1944, «Ылтӑн Ҫӑлтӑр» медаль № 2328);
Ленин орденӗ (03.06.1944);
Хӗрлӗ Ялав орденӗ;
Хӗрлӗ Ҫӑлтӑр орденӗ;
«1941—1945 ҫҫ. Тӑван Ҫӗршывӑн Аслӑ вӑрҫинче Германие ҫӗнтернӗшӗн» медаль;
медальсем.

Астӑвӑм

Анат Ломов хулинчи парк Мухтав аллейинче пытарнӑ. Вилтӑпри ҫине палӑк лартнӑ.
Анат Ломов хулин пӗр урамӗ В. А. Андреев ячӗпе хисепленет.
Пенза облаҫӗнчи Анат Ломов хулинче Мухтав аллейинче паттӑра асӑну хӑми вырнаҫтарнӑ.

Андреев В. А. асӑну хӑми
Андреев В. А. вилтӑпри

Ӑнлантарусем

^ Андреев Василий Алексеевич (паллӑ мар). Архивланӑ 2012 ҫулхи ҫӗртмен 16-мӗшӗ.
^ Андреев Василий Алексеевич (паллӑ мар). Архивланӑ 2012 ҫулхи ҫӗртмен 16-мӗшӗ.
^ Андреев Василий Алексеевич. Наградной лист. Страницы: 1 (паллӑ мар). Архивланӑ 2012 ҫулхи ҫӗртмен 16-мӗшӗ. 2 (паллӑ мар). Архивланӑ 2012 ҫулхи ҫӗртмен 16-мӗшӗ.

Вуламалли

Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.

Каçăсем

Андреев Василий Алексеевич (Совет Союзĕн Паттăрĕ) «Ҫӗршыв Паттӑрӗсем» сайтра

[1] Андреев Василий Алексеевич (паллӑ мар). Архивланӑ 2012 ҫулхи ҫӗртмен 16-мӗшӗ.

[2] Андреев Василий Алексеевич (паллӑ мар). Архивланӑ 2012 ҫулхи ҫӗртмен 16-мӗшӗ.

[3] Андреев Василий Алексеевич. Наградной лист. Страницы: 1 (паллӑ мар). Архивланӑ 2012 ҫулхи ҫӗртмен 16-мӗшӗ. 2 (паллӑ мар). Архивланӑ 2012 ҫулхи ҫӗртмен 16-мӗшӗ.

[1]

[2]

[3]