Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Артемьев Григорий Артемьевич

Тӗрӗслесе тухнӑ статья
Disambig gray.svg Артемьев хушаматлă урăх çынсем çинчен РУВИКИ-ре статьясем пур.

Артемьев Григорий Артемьевич (1924 ҫулхи авӑнӑн 23-мӗшӗ, Шӑнкас, Шупашкар районӗ — 1987) — вӗрентекен[1], чылай вӑхӑт хушши (1949–1984) Шупашкар районӗн Чӑрӑшкассинчи ҫичӗ ҫул вӗренмелли шкулӑн директорӗн пуканне йышӑннӑ.

Кун-ҫулӗ

1942 ҫулта Ҫӗрпӳри педагогика училищинче пӗлӳ илнӗ, кайран пӗлӗвне Чӑваш патшалӑх педагогика институтӗнче (филологи факультечӗ) ӳстернӗ[2].

1941–1945 ҫулсенче Тӑван Ҫӗршывӑн Аслӑ вӑрҫине хутшӑннӑ: 125 уйрӑм стрелоксен бригадинче рядовой пулнӑ. 1943–1944 ҫулсенче Совет ҫарӗ тӑшмана хӑваланӑ операцисенче ҫапӑҫнӑ, Брест (Беларуҫ) хулине ирӗке кӑларнӑ чухне йывӑр аманнӑ[1].

Ӗҫӗ-хӗлӗ

1945 ҫулхи ҫурла уйӑхӗнче вӑрҫӑран таврӑнсан колхоз правленийӗнче тӑрӑшнӑ, Карачура тулли мар вӑтам шкулӗнче ачасене вӗрентнӗ[3]. 1949 ҫултанпа 1984 ҫулччен нумай вӑхӑт хушши Шупашкар районӗн Чӑрӑшкассинчи ҫичӗ ҫул вӗренмелли шкулӑн директорӗ пулнӑ[2].

Григорий Артемьевич чӑваш шкулӗсем валли виҫҫӗмӗш класра вӗренекен ачасем валли «Тӑван сӑмах» кӗнеке хатӗрлесе пичетлесе кӑларнӑ[4]. Ҫавӑн пекех ку кӗнекепе вӗрентмелли меслетлӗх пособине хатӗрленӗ[5].

Хисепӗсем

  • Чӑваш АССРӗн тава тивӗҫлӗ вӗрентекенӗ[2];
  • «Ҫапӑҫура палӑрнӑшӑн» медаль[6];
  • «Тӑван Ҫӗршывӑн 1941–1945 ҫҫ. Аслӑ вӑрҫинче Германие ҫӗнтернӗшӗн» медаль[6];
  • Тӑван Ҫӗршвӑн Аслӑ вӑрҫин I степеньлӗ орденӗ[2];
  • «Хастар ӗҫленӗшӗн. В.И. Ленин ҫуралнӑранпа 100 ҫул ҫитнӗ май» (1970)[2];
  • «РСФСР халӑха ҫутта кӑларас ӗҫӗн отличникӗ» паллӑ[2].

Ӑнлантарусем

  1. ^ 1, 2, 3, 4, 5, 6 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 70. — 505 с.
  2. ^ https://ecokygesi.ru/images/diski/2kalendar2018/pages/artemev_gr.html
  3. ^ Г. А. Артемьев, П. Е. Димитриев. Тӑван сӑмах : [вӗренӳ пособийӗ] : 3 класс валли(чăв.). — Шупашкар: Чӑваш кӗнеке издательстви, 1972. — 208 с.
  4. ^ Г. А. Артемьев, П. Е. Димитриев. «Тӑван сӑмах» кӗнекепе ӗҫлемелли кӑтартусем: 3 класс валли(чăв.). — Шупашкар: Чӑваш кӗнеке издательстви, 1972. — 216 с.
  5. ^ 1, 2 https://poisk.re/way/3522252

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 70. — 505 с.
  • Воротников М.А., Воротникова В.П. Имя твое в памяти поколений. — Цивильский издательский дом, 2009. — Т. 2. — 306 с.
  • Павлов Л.П., Станьял В.П. Сторона моя Чебоксарская. — 1997.

Каҫӑсем

Категорисем