Беларуҫ милицийӗн кунӗ
Милици кунӗ — Беларуҫри милицийӗн професси уявӗ.
1917 ҫулхи пуш уйӑхӗн 4-мӗшӗнче Минск хулин граждансен коменданчӗ кӑларнӑ хушу тӑрӑх Михайлов Михаил Александровича (ячӗ — паспорт даннӑйӗсем тӑрӑх, чӑн ячӗ Михаил Васильевич Фрунзе) вӑхӑтлӑха Минск хулинчи йӗркене сыхлас енӗпе ӗҫлекен Пӗтӗм Раҫҫейри Земство Союзӗн милицийӗн начальникӗ пулма лартнӑ. Ҫак кун Беларуҫ миницине никӗҫленин кунӗ шутланать[1].
Минскра рабочисемпе вырӑнти гарнизонти чаҫӗн салтакӗсенчен йӗркеленӗ милици часах полицин хӗҫ-пӑшалне туртса илнӗ, вӗсен управленине тата ытти патшалӑх органӗсен объекчӗсене ярса илнӗ. Минскра милицие йӗркеленӗ хыҫҫӑн ҫакнашкал ушкӑнсем ытти ял-хуласенче те йӗркеленнӗ[2].
Уява 1998 ҫулхи пуш уйӑхӗн 26-мӗшӗнче Беларуҫ Республикин Президенчӗ кӑларнӑ Хушӑвӗпе ҫирӗплетнӗ[3].
Беларуҫри милици ретӗнче тӑракансен йышӗ патшалӑх армийӗнчи ҫар ҫыннисен йышӗнчен самай пысӑкрах[2].
Ӑнлантарусем
- ^ История ГУВД — ГУВД Минского Горисполкома , Wayback Machine çинчи 2008 ҫулхи утӑн 5-мӗшӗнчи копийӗ
- ^ 1, 2 День милиции – Беларусь (выр.). My Calendar.
- ^ Указ Президента Республики Беларусь от 26 марта 1998 года № 157 «О государственных праздниках, праздничных днях и памятных датах в Республике Беларусь». Пӑхнӑ кун: 2021 ҫулхи ҫӗртмен 8-мӗшӗ. Архивланӑ 2021 ҫулхи ҫӗртмен 8-мӗшӗ.
Каҫӑсем
- Беларуҫ миницийӗн кунӗ — Сӑнсен пуххи( ӗҫлемен каҫӑ)