Бочкарёв Михаил Степанович

Бочкарёв Михаил Степанович
Бочкарёв Михаил Степанович
Ҫуралнӑ вӑхӑт	1904 ҫулхи ҫурлан 1-мӗшӗ
Ҫуралнӑ вырӑн	Новые Бурасы[d], СССР;
Вилнӗ вӑхӑт	1974 ҫулхи юпан 20-мӗшӗ (70 ҫул)
Вилнӗ вырӑн	Сарӑту, Раççей Федерациллĕ Социализмлă Совет Республики, СССР;
Пӑхӑнни	СССР
Ҫар тӗсӗ
Звани
Командӑланӑ	батальон
Вӑрҫӑсем/ҫапӑҫусем	Хасанские бои[d]; Тӑван Ҫӗршывӑн Аслӑ вӑрҫи;
Наградӑсемпе хисепсем	;
	РУВИКИ.Медиа ҫинчи материалсем

Бочкарёв Михаил Степанович (1904 ҫулхи ҫурлан 1-мӗшӗ, Новые Бурасы^[d] — 1974 ҫулхи юпан 20-мӗшӗ, Сарӑту) — Совет ҫарӗн полковникӗ, Хасан ҫапӑҫӑвӗсене тата Тӑван Ҫӗршывӑн Аслӑ вӑрҫине хутшӑннӑскер, Совет Союзӗн Паттӑрӗ.

Пурнӑҫӗ

Михаил Бочкарёв 1904 ҫулхи ҫурлан 1-мӗшӗнче Ҫӗнӗ Бурасы ялӗнче (халӗ — Сарӑту облаҫӗнчи район центрӗ) хресчен кил-йышӗнче ҫуралнӑ^[1].

Шкулӑн сакӑр класне вӗренсе пӗтернӗ^[1].

1920—1925 ҫулсенче «Союзкожпром» эртелте атӑҫӑ пулса ӗҫленӗ^[1].

1925 ҫулта РККА-на хӗсмете чӗнсе илнӗ, Всевобуч инструкторӗ пулса хӗсметре тӑнӑ^[1].

1931 ҫулта «Выстрел» курссен снайперсен уйрӑмӗнчен вӗренсе тухнӑ^[1].

1938 ҫулхи утӑ—ҫурла уйӑхӗсенче Хасан кӳлли патӗнчи ҫапӑҫусенче Михаил Бочкарёв капитан 1-мӗш ҫарӑн 32-мӗш стрелоксен дивизийӗн 95-мӗш стрелоксен полкӗн 1-мӗш батальонӗпе командӑланӑ (ҫапӑҫу пуҫланнӑ вӑхӑтра батальонта коммунистсемпе комсомолецсем кӑна пулнӑ)^[2].

Хасан кӳлли патӗнчи ҫапӑҫусенче М. С. Бочкарёв хӑйӗн салтакӗсене ултӑ хутчен атакана ертсе кайнӑ^[2]^[1].

Икӗ хутчен — ҫурлан 6-мӗшӗнче тата 8-мӗшӗнче — ҫӑмӑл аманнӑ, анчах ҫапӑҫӑва пӑрахса кайман. Вӑл хӑйӗн салтакӗсемпе пӗрле яппунсем туртса илнӗ Заозёрная тата Безымянная сӑртсене каялла тавӑрма пултарнӑ^[3].

СССР Аслӑ Канаш Президиумӗн 1938 ҫулхи юпан 25-мӗшӗнче кӑларнӑ Указӗпе Хасан кӳлли патӗнче яппунсемпе ҫапӑҫнӑ чухне хастарлӑхпа паттӑрлӑх кӑтартнӑшӑн Михаил Бочкарёв капитана Совет Союзӗн Паттӑрӗ ятне панӑ тата Ленин орденӗпе чысланӑ (3768-мӗш номерлӗ). «Ылтӑн Ҫӑлтӑр» медаль кӑларсан Бочкарёва 83-мӗш номерлӗ медальпе чысланӑ^[3].

Хасан патӗнчи ҫапӑҫусем пӗтсен стрелоксен полкӗпе командӑланӑ.

1939 ҫултанпа ВКП(б) пайташӗ^[1].

1940—1941 ҫулсенче Фрунзе ячӗллӗ Ҫар академийӗнче вӗреннӗ, Тӑван Ҫӗршывӑн Аслӑ вӑрҫи пуҫлансан иккӗмӗш курсран фронта тухса кайнӑ^[1].

Анӑҫ фронтра ҫар штабӗн офицерӗ^[1] тата дивизи командирӗ пулса хӗсметре тӑнӑ^[2].

1941 ҫулхи утӑ уйӑхӗн 28-мӗшӗнче Смоленск облаҫӗнчи Ельня хули патӗнче йывӑр аманнӑ^[1].

Сывалсан Тамбов облаҫӗнчи Моршанск хулинче пулемётпа миномёт училищин пуҫлӑхӗн вырӑнне йышӑннӑ^[2], унтан Пензӑри пехота училищине ертсе пынӑ^[1].

1954 ҫулта полковник ҫар хисепӗпе отставкӑна тухнӑ^[1].

Сарӑту хулинче пурӑннӑ^[2], сунарҫӑсен обществин область канашӗн председателӗ пулса ӗҫленӗ^[1].

Общество ӗҫӗсене хастар хутшӑннӑ, ҫамрӑксене ҫарпа патриотла вӗрентес ӗҫе нумай вӑй хунӑ, Сарӑту облаҫӗн ҫар комиссариачӗн штат тулашӗнчи инструкторӗ пулнӑ^[2].

1974 ҫулхи юпа уйӑхӗн 20-мӗшӗнче вилнӗ^[1]. Сарӑтури Воскресенски масарӗнче пытарнӑ^[3].

Хисепӗсем

«Ылтӑн Ҫӑлтӑр» медалӗ (1938 ҫулхи юпан 25-мӗшӗ)^[4];
Ленин орденӗ (1938 ҫулхи юпан 25-мӗшӗ)^[4];
Ленин орденӗ (1950 ҫулхи чӳкӗн 15-мӗшӗ)^[4];
Хӗрлӗ Ялав орденӗ (1945 ҫулхи чӳкӗн 6-мӗшӗ)^[4];
II степеньлӗ Тӑван ҫӗршыв вӑрҫин орденӗ (1943 ҫулхи чӳкӗн 16-мӗшӗ) ^[5];
II степеньлӗ Тӑван ҫӗршыв вӑрҫин орденӗ (1944 ҫулхи нарӑсӑн 22-мӗшӗ) ^[4] — ҫар кадрӗсене вӗрентсе хатӗрлес ӗҫре ҫитӗнӳсем тунӑшӑн;
Хӗрлӗ Ҫӑлтӑр орденӗ (1944 ҫулхи чӳкӗн 3-мӗшӗ)^[4];
«Хасан ҫапӑҫӑвӗсенче хутшӑннӑскер» паллӑ;
медальсем, ҫав шутра «Мускава хӳтӗленӗшӗн» медаль ^[6].

Астӑвӑм

Сарӑтура М. С. Бочкарёва халалласа палӑк лартнӑ тата астӑвӑм хӑми вырнаҫтарнӑ^[1]^[3].
Сарӑту облаҫӗнчи Ҫӗнӗ Бурасы посёлокӗнче пӗр урама Бочкарёв ятне панӑ.
Омск хулинчи Ҫӗнтерӳ паркӗнче 1985 ҫулхи ҫу уйӑхӗн 5-мӗшӗнче уҫнӑ 32-мӗш стрелоксен дивизийӗн Мухтав аллейинче астӑвӑм хӑми пур.

Ӑнлантарусем

^ ¹^,²^,³^,⁴^,⁵^,⁶^,⁷^,⁸^,⁹^,¹⁰^,¹¹^,¹²^,¹³^,¹⁴^,¹⁵ Бочкарёв, Михаил Степанович // Герои Советского Союза: краткий биографический словарь в 2-х тт. / редколл., предс. И. Н. Шкадов. том 1. М., Воениздат, 1988. стр.200
^ ¹^,²^,³^,⁴^,⁵^,⁶ О. Клименко. Командир комсомольского // «Военный вестник», № 8, 1968. стр.19-20
^ ¹^,²^,³^,⁴ Бочкарёв Михаил Степанович «Ҫӗршыв Паттӑрӗсем» сайтра
^ ¹^,²^,³^,⁴^,⁵^,⁶ Наградная карта М. С. Бочкарева (паллӑ мар). Пӑхнӑ кун: 2021 ҫулхи нарӑсӑн 4-мӗшӗ. Архивланӑ 2018 ҫулхи юпан 4-мӗшӗ.
^ Архивированная копия (паллӑ мар). Пӑхнӑ кун: 2022 ҫулхи ҫӑвӑн 29-мӗшӗ. Архивланӑ 2018 ҫулхи юпан 4-мӗшӗ.
^ Архивированная копия (паллӑ мар). Пӑхнӑ кун: 2022 ҫулхи акан 24-мӗшӗ. Архивланӑ 2021 ҫулхи кӑрлачӑн 1-мӗшӗ.

Каҫӑсем

[autogenerated2-1] ¹^,²^,³^,⁴^,⁵^,⁶^,⁷^,⁸^,⁹^,¹⁰^,¹¹^,¹²^,¹³^,¹⁴^,¹⁵ Бочкарёв, Михаил Степанович // Герои Советского Союза: краткий биографический словарь в 2-х тт. / редколл., предс. И. Н. Шкадов. том 1. М., Воениздат, 1988. стр.200

[autogenerated1-2] ¹^,²^,³^,⁴^,⁵^,⁶ О. Клименко. Командир комсомольского // «Военный вестник», № 8, 1968. стр.19-20

[wh-3] ¹^,²^,³^,⁴ Бочкарёв Михаил Степанович «Ҫӗршыв Паттӑрӗсем» сайтра

[Награды-4] ¹^,²^,³^,⁴^,⁵^,⁶ Наградная карта М. С. Бочкарева (паллӑ мар). Пӑхнӑ кун: 2021 ҫулхи нарӑсӑн 4-мӗшӗ. Архивланӑ 2018 ҫулхи юпан 4-мӗшӗ.

[5] Архивированная копия (паллӑ мар). Пӑхнӑ кун: 2022 ҫулхи ҫӑвӑн 29-мӗшӗ. Архивланӑ 2018 ҫулхи юпан 4-мӗшӗ.

[6] Архивированная копия (паллӑ мар). Пӑхнӑ кун: 2022 ҫулхи акан 24-мӗшӗ. Архивланӑ 2021 ҫулхи кӑрлачӑн 1-мӗшӗ.

[1]

[2]

[3]

[4]

[5]

[6]