Брик Григорий Евдокимович

Брик Григорий Евдокимович
Ҫуралнӑ вӑхӑт	1915 ҫулхи чӳкӗн 20-мӗшӗ(1915-11-20)
Ҫуралнӑ вырӑн	Черкасский район[d], Украина
Вилнӗ вӑхӑт	1983 ҫулхи нарӑсӑн 16-мӗшӗ(1983-02-16) (67 ҫул)
Вилнӗ вырӑн	Черкасский район[d], Черкассы облаҫӗ[d], Украина Советлӑ Социализмлӑ Республики, СССР
Пӑхӑнни	СССР
Ҫар тӗсӗ	артиллери
Звани
Командӑланӑ	миномёт роти
Вӑрҫӑсем/ҫапӑҫусем	Тӑван Ҫӗршывӑн Аслӑ вӑрҫи
Наградӑсемпе хисепсем

Григорий Евдокимович Брик (1915 ҫулхи чӳкӗн 20-мӗшӗ, Черкасский район^[d] — 1983 ҫулхи нарӑсӑн 16-мӗшӗ, Черкасский район^[d], Черкассы облаҫӗ^[d]) — Совет Ҫарӗн капитанӗ, Тӑван Ҫӗршывӑн Аслӑ вӑрҫине хутшӑннӑскер, Совет Союзӗн Паттӑрӗ (1945).

Пурнӑҫӗ

Малтанхи ҫулсем

Григорий Брик 1915 ҫулхи чӳкӗн 7-мӗшӗнче (ҫӗнӗ стильпе — 20-мӗшӗнче) Киев кӗпӗрнинчи Черкассы уесӗнчи Худяки вулӑсӗнчи Худяки ялӗнче (халӗ Украинӑри Черкассы облаҫӗнчи Черкассы районӗ) хресчен ҫемйинче ҫуралнӑ. Киеври педагогика институтне вӗренсе пӗтернӗ хыҫҫӑн Киевра ачасене вӗрентнӗ.

Тӑван Ҫӗршывӑн Аслӑ вӑрҫине хутшӑнни

1937 ҫулта Рабочисемпе хресченсен Хӗрлӗ Ҫарне хӗсмете чӗнсе илнӗ, чукун ҫул ҫарӗсенче хӗсметре тӑнӑ. 1941 ҫулхи ҫӗртмерен пуҫласа — Тӑван Ҫӗршывӑн Аслӑ вӑрҫин фрончӗсенче. Аркатнӑ чукун ҫулсене юсаса хӑтлатас ӗҫе хутшӑннӑ, пӗрремӗш хут вӑрҫӑн иккӗмӗш уйӑхӗнче ҫапӑҫӑва кӗнӗ. 1942 ҫулта ВКП(б) йышне кӗнӗ. 1942 ҫулхи пушран пуҫласа ҫапӑҫакан ҫарта ҫапӑҫнӑ. Аманнӑ, пульницӑран тухсан Сталинград ҫапӑҫӑвне хутшӑннӑ. 1945 ҫулхи кӑрлач тӗлне Брик Григорий гварди капитанӗ Украинӑри 1-мӗш фронтӑн 5-мӗш гварди ҫарӗнчи 13-мӗш гварди стрелоксен дивизийӗн 42-мӗш гварди стрелоксен полкӗн миномет ротине ертсе пынӑ. Одер урлӑ каҫнӑ чухне палӑрнӑ.

1945 ҫулхи кӑрлачӑн 24-мӗшӗнче Брик малти отрядпа пӗрле Олау хули (халӗ Польшӑри Олава) патӗнче Одерӑн хӗвеланӑҫ ҫыранне каҫнӑ. Минометран персе вӑл тӑшманӑн ӗҫне ӑнӑҫлӑн пӳлсе тӑнӑ, ҫакӑ десант ушкӑнне плацдарм йышӑнма тата Линден ялне ярса илме пулӑшнӑ. Совет ҫарӗсем икӗ кун хушши тӑшманӑн хирӗҫле тапӑнӑвӗсене сирсе янӑ вӑхӑтра, Брик плацдармра ҫавра хӳтӗлев йӗркеленӗ, темиҫе хут та салтаксене хӑй ертсе тапӑнма кайнӑ. Ротӑн ҫапӑҫма хӗҫпӑшал пӗтсен, тӑшман вутне хӑй ҫине илнӗ, ҫакӑ плацдарма ӑнӑҫлӑн тытса тӑма пулӑшнӑ.

СССР Аслӑ Канаш Президиумӗн 1945 ҫулхи акан 10-мӗшӗнчи Хушӑвӗпе «командованин хушӑвӗсене тӗслӗхлӗ пурнӑҫланӑшӑн тата ҫав хушӑра хастарлӑхпа паттӑрлӑх кӑтартнӑшӑн» Брик Григорий гварди капитанне Совет Союзӗн Паттӑрӗн ятне панӑ, ҫавӑн пекех ӑна Ленин орденӗпе 6046-мӗш номерлӗ «Ылтӑн Ҫӑлтӑр» медаль парса чысланӑ.

Ҫӗнтерӳ Парадне хутшӑннӑ.

Вӑрҫӑ хыҫҫӑн

1946 ҫулхи ҫурлан 30-мӗшӗнче запаса тухнӑ, ун хыҫҫӑн килне таврӑннӑ. Малтан хуҫалӑх ӗҫӗнче вӑй хунӑ, 1949 ҫултанпа тӑван ялӗнчи вӑтам шкулта ачасене истори вӗрентнӗ. 1983 ҫулхи нарӑсӑн 16-мӗшӗнче вилнӗ.

Хисепӗсем тата астӑвӑм

Ҫавӑн пекех I степеньлӗ (1945 ҫулхи кӑрлачӑн 29-мӗшӗ) тата II степеньлӗ (1944 ҫулхи ҫурлан 28-мӗшӗ) Тӑван Ҫӗршыв вӑрҫин орденӗсемпе, икӗ Хӗрлӗ Ҫӑлтӑр орденӗпе (1942 ҫулхи кӑрлачӑн 17-мӗшӗнче тата 1942 ҫулхи чӳкӗн 6-мӗшӗнче), «Сталинграда хӳтӗленӗшӗн» (1942 ҫулхи раштавӑн 22-мӗшӗ) тата «1941–1945 ҫулсенчи Тӑван Ҫӗршывӑн Аслӑ вӑрҫинче Германие ҫӗнтернӗшӗн» (1945 ҫулхи майӑн 9-мӗшӗ) медальсемпе чысланӑ. Брик ячӗпе Худяки ялӗнчи урампа шкул хисепленеҫҫӗ.

Ӑнлантарусем

Вуламалли

• Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.

Каҫӑсем