Васан тӗп шкулӗ
| «Чӑваш Республикин Шӑмӑршӑ муниципаллӑ округӗн «Пӗтӗмӗшле пӗлӳ паракан Васан тӗп шкулӗ» муниципаллӑ пӗтӗмӗшле вӗренӳ бюджет учрежденийӗ | |
|---|---|
 | |
| Кӗскен | Васан тӗп шкулӗ |
| Никӗсленӗ | 1896 |
| Директор | Митрофанова Любовь Валерьевна |
| Тӗс | Пӗтӗмӗшле пӗлӳ паракан тӗп шкул |
| Адрес | 429170, Шӑмӑршӑ муниципаллӑ округӗ, Васан ялӗ, Киров урамӗ, 27Б ҫурт |
| Сайт | bbuyan-shemur.edu21.cap.ru |
Васан тӗп шкулӗ — Шӑмӑршӑ муниципаллӑ округне кӗрекен Васан ялӗнче вырнаҫнӑ тӗп шкул.
Адресӗ: Шӑмӑршӑ муниципаллӑ округӗ, Васан ялӗ, Киров урамӗ, 27Б ҫурт.
Шкул директорӗ — Митрофанова Любовь Валерьевна[1].
Историйӗ
Чӑваш Республикин Шӑмӑршӑ районӗнчи Васан ялӗнче шкул 1896 ҫулта уҫӑлнӑ, ял чиркӗвӗн священнослужителӗ Александр Утриванович Терентьев хӑйӗн ҫуртӗнче ачасене вулама-ҫырма вӗрентме тытӑннӑ, вӑл чиркӳ прихучӗн шкулӗ шутланнӑ.
1897 ҫулта Хусанти педагогика семинарине вӗренсе пӗтерсе тӑван яла Васанта ҫуралса ӳснӗ Павлов Василий Павлович таврӑннӑ, 2-мӗш класс уҫнӑ, шкулта тӗрлӗ ӳсӗмри ачасене вӗрентме тытӑннӑ.
1924 ҫулта 1-мӗш ступеньлӗ шкул пулса тӑнӑ.
1929 ҫулта пуҫласа 4 класслӑ шкул (ялти краеведени музейӗн хальхи ҫурчӗ) валли ятарлӑ ҫурт туса лартнӑ, ҫав ҫулах вӑл 6 ҫул вӗренмелли шкул пулса тӑнӑ.
1931 ҫулта ултӑ ҫул вӗренмелли шкултан пӗрремӗш кӑларӑм вӗренсе тухнӑ. Ҫав ҫулах ачасене 7 ҫул вӗрентме тытӑннӑ. Ун чухне шкул заведующийӗ пулса Терентьев Е. Т. ӗҫленӗ.
1934 ҫулта колхоз ҫамрӑкӗсен шкулӗ пулса тӑнӑ.
1962 ҫулта 7 ҫул вӗренмелли шкултан 8 ҫул вӗренмелли шкул тунӑ.
1965 ҫултан — Васан вӑтам шкулӗ.
1964 ҫулта ял хӗрринче вӑтам шкул валли ҫӗнӗ йывӑҫ ҫурт туса лартнӑ.
1986 ҫулта харӑс 392 вӗренекен вырӑнлӑ шкулӑн икӗ хутлӑ ҫӗнӗ ҫуртне хута янӑ.
1946—1947 вӗренӳ ҫулӗнче шкулта 120 ача вӗреннӗ, 1950—1957 вӗренӳ ҫулӗсенче — 380, 1965—1966 вӗренӳ ҫулӗнче —618, 1970—1973 вӗренӳ ҫулӗсенче — 680 вӗренекен таран пулнӑ[2].
Хальхи вӑхӑтра
2009 ҫултан — Васанти пӗтӗмӗшле пӗлӳ паракан тӗп шкул (9 класс).
Шкулта 11 вӗренӳ пӳлӗмӗ. Ҫавӑн пекех акт залӗ, спортзал, мастерской пур.
Шкула 2004 ҫулта газпа ӑшӑтаҫҫӗ. Кӳршӗ ялсенчен ачасене шкул автобусӗпе турттараҫҫӗ.
Шкул библиотекинче 5 пин ытла кӗнекепе тӗрлӗ пособисем[3].
Шкул директорӗсем
- Фомин М. И.,
- Павлов Н. Г.,
- Яковлев Х. К.,
- Ендиеров Н. И.,
- Ларшников Г. Н.,
- Егоров Ф. Н.,
- Ларионов А. В.,
- Захаров А. М.
- Денисов В. В.
Ӑнлантарусем
- ^ Руководство (выр.). Муниципальное бюджетное образовательное учреждение «Большебуяновская основная общеобразовательная школа» Шемуршинского муниципального округа Чувашской Республики.
- ^ История школы (выр.). Муниципальное образовательное учреждение «Большебуяновская средняя общеобразовательная школа».
- ^ Материально-техническое обеспечение и оснащенность образовательного процесса. Доступная среда (выр.). Муниципальное бюджетное образовательное учреждение «Большебуяновская основная общеобразовательная школа» Шемуршинского муниципального округа Чувашской Республики.
Вуламалли
- Энциклопедия Шемуршинского района / [сост. Г. Н. Ларшников, П. И. Фомин, В. К. Андронов, 2018. — 382 с. — 53-54 стр.
Каҫӑсем
 | Ку статья ҫине РУВИКИ-нчи ытти статьясенчен лекме май ҫук. |