Васильев Владимир Васильевич (кавалерист)
 |
Ку страницӑна страницӑпа пӗрлештерме сӗнеҫҫӗ. Васильев Владимир Васильевич (Совет Союзӗн Паттӑрӗ). |
| Владимир Васильевич Васильев | ||||
|---|---|---|---|---|
| Ӳкерчĕк:Васильев Владимир Васильевич (кавалерист).jpg | ||||
| Ҫуралнӑ вӑхӑт | 1911 çул | |||
| Ҫуралнӑ вырӑн | Раççей Империйĕ, Хусан кĕперни, халь Раççей Федерацийĕ, Чăваш Енĕн Красноармейски районĕ, Мӑн Шетмӗ | |||
| Вилнӗ вӑхӑт | 1945 çул, кăрлачăн 11-мĕшĕ | |||
| Вилнӗ вырӑн | Кендзежин-Козел, Опаль воеводстви, Польша | |||
| Пӑхӑнни |
 СССР |
|||
| Ҫар тӗсӗ |
 |
|||
| Хӗсметри ҫулсем | 1942-1945 | |||
| Звани |
 |
|||
| Часть | 1-мĕш Украина фрончĕн 1-мĕш гварди кавалери корпусĕн 1-мĕш гварди кавалери дивизин 1-мĕш гварди кавалери полкĕ | |||
| Вӑрҫӑсем/ҫапӑҫусем | Иккӗмӗш Тӗнче вӑрҫи | |||
| Наградӑсемпе хисепсем |
|
|||
Васильев Владимир Васильевич, — кавалерист, Совет Союзĕн паттăрĕ[БС1 1], [ГС 1], [НЛ 1].
Совет Союзĕн Паттăрĕн чысне илнĕ вăхăтра 1-мĕш Украина фрончĕн 1-мĕш гварди кавалери корпусĕн 1-мĕш гварди кавалери дивизин 1-мĕш гварди кавалери полкĕн 4-мĕш эскадронăн пулемёт расчёчĕн командирĕ.
Кун-çулĕ
1911 çулта Чăваш Енĕн Красноармейски районĕнчи Мӑн Шетмӗ ялĕнче, хресчен кил-йышĕнче çуралнă. 1945 çулта вилнĕ. Аслă сержант таран ӳссе çитнĕ.
Паттăр ячĕпе Чулхулан пĕр урамне ят панă.
Пурнăçĕ
Çичĕ çулта тăлăха юлнă хыççăн Шупашкарти ача çурчĕнче çитĕннĕ. 1924 çулта пиллĕк класс пĕтернĕ. 1931 çулта çара кайнă, Минскри кавалери полкĕнче çарта тăнă. 1934 çулта çартан таврăнсан Чулхулана куçса кайса унти чукун çул милицийĕнче ĕçленĕ.
1938 çултанпа Çĕнĕ Доскино посёлокĕнче пурăнма тытăннă. Чулхула автомобиль заводĕнче токарь пулса ĕçленĕ. 1939 çулта каллех çара кайма тивнĕ, Чулхулара çарта тăнă.
1942 çулта фронта кайнă, кавалери полкĕн пулемёт расчёчĕн командирĕ пулнă. 1943 çулхи пĕр çăпăçура аманнă хыççăн ăна кавалери училищине вĕренме янă.
1944 çул вĕçĕнче училищĕн пур курсанчĕсене те фронта янă. Владимир Сандомир плацдармĕ патĕнчи çапăçăва хутшăннă. Хăйĕн хастарлăхне вăл 1945 çулхи кăрлач уйăхĕнче Одер шывĕ урлă каçнă чухне кăтартнă. Фашистсем вăл вăхăтра юханшывăн сылтăм енне куçса çирĕпленме пуçланă салтаксем çине тапăнса кĕнĕ. Васильев расчёчĕ нимĕçсем виçĕ хут тапăнса кĕнине сирсе янă, 50 ытла фашиста персе вĕлернĕ.
Пулемётчиксем хăйсен пурнăçне шеллемесĕр сăрта хăйсен аллинче тытса тăнă, нимĕçсене яман. 1945 çулхи çĕртме уйăхĕн 27-мĕшĕнчи СССР Аслă Канаш Президиумĕн хушăвĕ тăрăх Владимир Васильевич Васильева Совет Союзĕн паттăрĕ ятне панă.
Чыславсем
2003-мĕш çулта Мăн Шетмĕ шкулне Васильев Владимир Васильевич ятне панă [2]
Ӑнлантарусем
- ^ http://www.oldgazette.ru/pravda/29061945/text1.html 2012 ҫулхи Кӑрлач уйӑхӗн 19-мӗшӗнче архивланӑ. Старые газеты. Правда. 29.6.1945
- ^ http://www.bshatm-krarm.edu.cap.ru/?t=eduid&eduid=4398 2014 ҫулхи Авӑн уйӑхӗн 4-мӗшӗнче архивланӑ. Мăн Шетмĕ шкулĕн сайчĕ
- Биографи «Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.» кĕнекере az-libr.ru сайтра.
- ^ Васильев Владимир Васильевич. Архивланӑ 29 Ҫу уйӑхӗн 2012 ҫул.
- Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — Воениздат, 2000. — 10 000 экз. — ISBN 5-203-01883-9.» az-libr.ru сайтра.
- ^ Васильев Владимир Васильевич. Архивланӑ 29 Ҫу уйӑхӗн 2012 ҫул.
- Халăх хастарлăхĕ сайтри награда лисчĕсем
- Ытти асăрхавсем
Вуламалли
- Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
- За Отчизну, свободу и честь! Книга 3. Горький, 1967.
- Наши земляки — Герои Советского Союза. 3-е изд. Чебоксары, 1980.
- Тюльников Л. К., Басович Я. И. Герои Советского Союза — горьковчане. Горький, 1981.
Каçăсем
.jpg){kind=link}
- cap.ru сайт çинче
- Культурное наследие сайт çинче 2010 ҫулхи Ҫӗртме уйӑхӗн 20-мӗшӗнче архивланӑ.
| Совет Союзӗн Паттӑрӗсем |
||
|---|---|---|
 | ||