Егоров Сергей Андреевич
Егоров Сергей Андреевич (1899 ҫулхи авӑнӑн 13-мӗшӗ, Ярославль облаçĕ — 1941) — Совет Союзӗн Паттӑрӗ (21.03.1940)[1] [2] [3]. Совет Союзĕн Паттăрĕн чысне илнĕ вăхăтра Çурçĕр-Анăç фронтăн 7-мĕш çарĕн 7-мĕш стрелоксен дивизийӗн 27-мĕш стрелоксен полкĕн çар комиссарĕ, батальон комиссарĕ.
Пурнӑҫӗпе ӗҫӗ-хӗлӗ
Сергей Егоров 1899 ҫулхи авӑнӑн 13-мӗшӗнче Раҫҫей империйӗнчи Вятское ялӗнче (халӗ — Ярославль облаҫӗн Некрасов районӗ) ҫуралнӑ. 1918 ҫулта ӑна Рабоче-креҫҫен Хӗрлӗ Ҫарне хӗсмете чӗннӗ. Вӑл Граждан вӑрҫине хутшӑннӑ. Вӑрҫӑ-политика училищине вӗренсе пӗтернӗ. РККА-н поляк походне тата совет-финн вӑрҫине хутшӑннӑ.
1940 ҫул тӗлне батальон комиссарӗ Сергей Егоров 7-мӗш стрелоксен дивизин 27-мӗш стрелоксен полкӗн (Ҫурҫӗр-Хӗвеланӑҫ фрончӗн 7-мӗш ҫарӗ) вӑрҫӑ комиссарӗ пулнӑ. Вӑл Маннергейм линийӗн татӑкне ҫӗнтерсе каҫнӑ чухне палӑрнӑ. 1940 ҫулхи нарӑсӑн 20-мӗшӗнче Егоров уйрӑм ушкӑнӑн пуҫлӑхӗ пулса финн ҫарӗсен ушкӑнне хупӑрлама хутшӑннӑ. Выборг (халӗ — Ленинград облаҫӗ) патӗнче вӑл полк командирӗ пулса тӑнӑ та унӑн пуҫлӑхӗпе пӗрремӗш хулана кӗнӗ.
СССР Аслӑ Канашӗн Президиумӗн 1940 ҫулхи пушӑн 21-мӗшӗнчи Указӗпе «финн шурӑ гвардине хирӗҫ фронтра командованин вӑрҫӑ задачисене тӗрӗс пурнӑҫланӑшӑн тата унта кӑтартнӑ хастарлӑхпа паттӑрлӑхшӑн» батальон комиссарӗ Сергей Егоров Совет Союзӗн Геройӗн ҫӳллӗ ятне тивӗҫнӗ, ӑна Ленин орденӗпе 467 номерлӗ «Ылтӑн Ҫӑлтӑр» медаль панӑ.
Вӑл Тӑван Ҫӗршывӑн Аслӑ вӑрҫине хутшӑннӑ, Хӗвеланӑҫ фрончӗн 3-мӗш ҫарӗн 4-мӗш стрелоксен корпусӗн командирӗн политика енӗпе ҫумӗ пулнӑ. 1941 ҫулхи утӑ уйӑхӗнче ҫухалнӑ.
Ӑна тата «РККА 20 ҫулта» медальпе чысланӑ.
Астӑвӑм
Егоровӑн кенотаф плитине Николо-Архангельски масарӗн хупӑ колумбарийӗнче лартнӑ.
Ӑнлантарусем
- ^ Егоров Сергей Андреевич. Архивланӑ 2012 ҫулхи ҫурлан 17-мӗшӗ.
- ^ Егоров Сергей Андреевич. Архивланӑ 2012 ҫулхи ҫурлан 4-мӗшӗ.
- ^ Егоров Сергей Андреевич. Наградной лист. Страницы:1.2.3.
