Жуйков Сергей Васильевич
Жуйков Сергей Васильевич (1954 ҫулхи кӑрлачӑн 26-мӗшӗ, Артёмовский хула тӑрӑхӗ[d], Свердловск облаçĕ — 1998 ҫулхи ҫӗртмен 17-мӗшӗ, Свердловск облаçĕ) — Урал ҫар округӗн инженери вӑрҫӑ хатӗрӗсен склачӗн пуҫлӑхӗ, подполковник. Раҫҫей Федерацийӗн Паттӑрӗ.
Пурнӑҫӗпе ӗҫӗ-хӗлӗ
1954 ҫулхи кӑрлачӑн 26-мӗшӗнче Свердловск облаҫӗн Артёмовский районӗнчи Буланаш посёлокӗнче ҫуралнӑ. Вырӑс.
9-мӗш номерлӗ вӑтам шкултан вӗренсе тухнӑ[1].
Совет Ҫарӗнче 1971 ҫултанпа. 1975 ҫулта Тӗменри А. И. Прошляков инженери ҫарӗсен маршалӗ ячӗллӗ аслӑ ҫарпа инженери команда училищине вӗренсе пӗтернӗ[2]. Ҫар хӗсметне взвод командирӗн, рота командирӗн, инженери ҫар хатӗрӗсен склачӗн управ пайӗн пуҫлӑхӗн, мотострелоксен полкӗн инженери службин начальникӗн должноҫӗсенче ирттернӗ.
1992 ҫултанпа — Свердловск облаҫӗн Лосиный посёлокӗ тӑрӑхӗнчи Урал ҫар округӗн(выр.)чăв. инженери вӑрҫӑ хатӗрӗсен округри склачӗн пуҫлӑхӗ. 1998 ҫулхи ҫӗртмен 17-мӗшӗнче ҫак складра аслатиллӗ ҫумӑр вӑхӑтӗнче шар ҫиҫӗмӗн электричество разрядне пула пӗр харӑсах темиҫе ҫӗрте складӑн техника территорийӗнче пушар тухнӑ. Уҫӑ площадкӑсенче упранакан инженерла боеприпассем тиенӗ шаршансене вут хыпса илнӗ. Сирпӗнес хӑрушлӑх сиксе тухнӑ.
Часть командирӗ Жуйков подполковник ҫунса кайнӑ тӗле штатра тӑман пушар командине чӗнтернӗ, хӑй салтаксен ушкӑнӗпе пушар сӳнтермелли хатӗрсемпе пӗрле пушар тухнӑ вырӑна кайнӑ. Ҫар ҫыннисем ҫунакан ҫар хатӗрӗсемлӗ икӗ шаршана сӳнтерме пултарнӑ, анчах виҫҫӗмӗш шаршанӗ тата вӑйлӑрах ҫуннӑ, сирпӗнес хӑрушлӑх пысӑк пулнӑ. Жуйков салтаксене боеприпассемлӗ шаршансем патне ҫывхарма чарнӑ, вӗсене пушар сӳнтермелли хатӗрсемпе усӑ курса кӳршӗри площадкӑсем патне пушара сарӑлма парас мар тесе сыхӑ пулма хушнӑ, хӑй вара, пурнӑҫне шеллемесӗр, ҫулӑма чарма хӑтланса, шаршан патне ыткӑннӑӗ. Ҫав вӑхӑтра взрыв янӑраса кайнӑ, ӑна пула Жуйков подполковник тата темиҫе ҫар ҫынни вилнӗ.
Хисепӗсем
- Ҫар тивӗҫне пурнӑҫланӑ чухне хӑюлӑхпа паттӑрлӑх кӑтартнӑшӑн Раҫҫей Федерацийӗн Президенчӗн 1998 ҫулхи юпа уйӑхӗн 14-мӗшӗнчи хушӑвӗпе Сергей Васильевич Жуйков подполковника вилнӗ хыҫҫӑн Раҫҫей Федерацийӗн Паттӑрӗн ятне панӑ;
- «Ылтӑн Ҫӑлтӑр» медаль;
- ытти медальсем.
Астӑвӑм
Ӑнлантарусем
- ^ Выпускники школы № 9 (выр.). Муниципальное бюджетное общеобразовательное учреждение «Средняя общеобразовательная школа № 9». Пӑхнӑ кун: 2025 ҫулхи чӳкӗн 1-мӗшӗ.
- ^ ТВВИКУ (Тюмень). www.tvviku.ru. Пӑхнӑ кун: 2025 ҫулхи чӳкӗн 1-мӗшӗ.
- ^ Открытие памятника пожарным, погибшим в июне 1998 года (выр.). Берёзовское муниципальное бюджетное учреждение культуры «Централизованная библиотечная система» (1 ҫӗртмен 2023). Пӑхнӑ кун: 2025 ҫулхи чӳкӗн 1-мӗшӗ.
- ^ ФВО УГТУ-УПИ. web.archive.org. Пӑхнӑ кун: 2025 ҫулхи чӳкӗн 1-мӗшӗ.
