Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Ишлей вӑтам шкулӗ

Ишлей вӑтам шкулӗ — Шупашкар муниципаллӑ округӗнче вырнаҫнӑ вӑтам пӗлӳ паракан шкул.

Директорӗ: Талаев Илья Сергеевич. Директор ҫумӗсем: Шогулина Альбина  Германовна (пӗлӳпе воспитани енӗпе), Матросова Ирина Николаевна (пӗлӳпе воспитани енӗпе), Мускаринова Дина Леонидовна (воспитани енӗпе), Демьянов Владимир Егорович (хуҫалӑх енӗпе)[1].

Адресӗ: Ишлей сали, Совет урамӗ, 58 ҫурт[2].

Историйӗ

Икӗ класлӑ Пихтулино (ял ятне вырӑсла Пӗрремӗш Пихтулино ятпа ҫырнӑ) училищине 1872 ҫулта уҫнӑ. Ӑна ҫавӑн пекех Ишлей-Покровски шкулӗ (ялта Пукрав чиркӗвӗ вырнаҫнӑран) тесе те каланӑ. Ҫак ятпа шкула 1964 ҫулччен каланӑ[3]. 1964 ҫулта вырӑсла ял ятӗнче Ишлей сӑмаха кӑна хӑварнӑ хыҫҫӑн шкул Ишлей вӑтам шкулӗ ятлӑ пулса тӑнӑ.

Шкул Сӗнтӗр вулӑсне кӗнӗ, унӑн тӗп вырӑнӗ ҫак ялта вырнаҫнӑ пулнӑ. Училище тӗрлӗ профессисене ала илме май панӑ: столярсене, атӑ пушмакҫӑсене, ҫӗвӗҫсене вӗрентсе кӑларнӑ. Директор Боголюбов Константин Павлович пулнӑ, ачасене тӗрлӗ ӑсталӑха Агаев Виктор Гаврилович, Петр Антонов, Михаил Кондратьев вӗрентнӗ. Пурӗ 20–25 ача ӑс пухнӑ. Вӗрентекенсем 23–25 тенкӗ ӗҫлесе илнӗ, алӗҫ ӑсталӑхне вӗрентекенсене 6 тенкӗ тӳленӗ.[4]

Шкул чиркӳ ҫумӗнчи хуралтӑра вырнаҫнӑ пулнӑ. 1880 ҫулта шкул валли уйрӑм йывӑҫ ҫурт туса лартнӑ. 1884 ҫулта вӑл Сӗнтӗр вулӑсӗн хутӑш земство училищи пулса тӑнӑ, классен шучӗ виҫҫе ҫитнӗ, кашнинче 5-6 ача вӗреннӗ. Ачасене Михаил Фёдорович, Егоров Антон Егорович вӗрентнӗ. Антон Егорович ку шкулта пурӗ 33 ҫул ытла ӗҫленӗ[3][4].

1884 ҫулта Пихтулино (Ишлей) земство училищине уҫнӑ. Совет влаҫӗ килсен пур земство училищисенчен те 5 ҫул вӗрентекен (чӑваш шкулӗсенче 6 ҫул вӗреннӗ) 1-мӗш ступеньлӗ шкулсем туса хунӑ. Вӗсем Наркомпрос тытӑмне пӑхӑнма пуҫланӑ[4].

1905 ҫулта шкулӑн ҫӗнӗ ҫуртне тунӑ, унта вӗрентекен валли хваттер те пулнӑ[3].

1921 ҫулта 10 ҫул хушши ӑс пухмалли вӗренӳ программине йышӑннӑ[3].

1936 ҫулта Ишлей вӑтам шкулӗн ҫӗнӗ типлӑ ҫуртне туса лартнӑ. 1937 ҫулта вӑтам шкултан пӗрремӗш ачасем вӗренсе тухнӑ, ҫирӗм тӑваттӑшӗ вӑтам пӗлӳ илни ҫинчен аттестатсем (ӗнентерӳ хучӗсем) илнӗ[4].

Хальхи вӑхӑт

undefined

2010-мӗш ҫулсенче Шупашкар районӗн пӗтӗмӗшле пӗлӳ паракан «Ишлей вӑтам шкулӗ» вӗрентӳ учрежденийӗнче 53 ҫын ачасене вӗрентнӗ, 25 ҫын шкул ӗҫ-хӗлне тытса тӑнӑ[4].

2019–2020 вӗренӳ ҫулӗнче шкулта 514 ача вӗреннӗ. Шкулта стадион, спорт залӗ, акт залӗ, апатланмалли пӳлӗм, буфет, медицина пӳлӗмӗ, вулавӑш, компьютер класӗ пур. Шкулта 3 шкул автобусӗ пур, вӑл ҫывӑхри ял ачисене шкула илсе ҫитерет[5].

2022 ҫулта Ишлей шкулӗ 150 ҫул тултарнине уявланӑ. Савӑнӑҫлӑ мероприятие Шупашкар район администрацийӗн пуҫлӑхӗ Николай Хорасёв тата ытти тӳре-шара ҫитнӗ[6].

Ӑнлантарусем

  1. ^ https://ishlei-rcheb.edu21-test.cap.ru/info/rukovodstvo/
  2. ^ https://ishlei-rcheb.edu21-test.cap.ru/info/about/
  3. ^ 1, 2, 3, 4 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 197. — 505 с.
  4. ^ https://vk.com/public194108641?w=club194108641&ysclid=m542rl8ajp748246877
  5. ^ https://www.chuvash.org/news/31744.html

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 197. — 505 с.

Каҫӑсем

Категорисем