Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Канашри вакун юсакан завод

Канашри вакун юсакан завод — Раҫҫейри чукун ҫул транспорчӗн нушисем валли вакунсем туса кӑларакан, юсакан предприяти, Чӑваш Республикинчи чи аслӑ предприятисенчен пӗри. Канаш хулинче вырнаҫнӑ. «Трактор завочӗсем» Концерна кӗрет.

Завод операторӗ «Канашри вакун юсакан завод» ООО (ИНН 2123023410) шутланать, маларах — «Вагон» АО (малтанхи ячӗ «Промтрактор-вакун» АХО, 2006 ҫулхи кӑрлачӑн 1-мӗшӗччен — Канашри вакун юсакан завод).

Истори

Завода 1936 ҫулхи ҫӗртмен 16-мӗшӗнче никӗсленӗ. Предприяти хӑйӗн историне тиев вакунӗсене юсанинчен пуҫланӑ. Тӑван Ҫӗршывӑн Аслӑ вӑрҫи вӑхӑтӗнче ҫар продукцийӗ, тӗрлӗ ҫар хатӗрӗ кӑларнӑ, Т-34 танксене юсанӑ. Бронепоездсем тунӑ, сӑмахран, «Чӑваш Ен комсомолӗ» (1942 ҫулхи пуш уйӑхӗ) тата «Тӑван Ҫӗршывшӑн»[1][2]. 1950 ҫулсенче Канашри вакун юсакан завод ҫӗршыври чукун ҫул транспорчӗн юсав предприятийӗсен тытӑмӗнче чи малтисен шутӗнче вакунсене юсамалли конвейер меслетне алла илнӗ. 1970 ҫулсенче завода юсанӑ, станоксене ҫӗнетнӗ.

Продукци

Кӑларакан модельсем[3]:

  • ҫурма вакун 12-1302 мод.;
  • ҫурма вакун 12-1303,12-1303-01 мод.;
  • ҫурма вакун 12-1304 мод.;
  • ҫурма вакун 12-9788-01 мод.;
  • икӗ тӗнӗллӗ тиевлӗ вакунсем 18-9770 мод.;
  • урапасем икӗ енлӗ тиевлӗ вакунсем 18-9771 мод.;
  • урапасем икӗ енлӗ тиевлӗ вакунсем 18-9836 мод.;
  • автомобильсене икӗ яруслӑ тиесе турттармалли ятарлӑ витнӗ вакун (автомобильсем турттармалли вакун) 11-9772 мод.;
  • 80 фут тӑршшӗ пысӑк тоннажлӑ контейнерсем турттармалли платформа-вакун 13-9781 мод.;
  • хоппер-вакун (цемент турттармалли вакун) 19-9838-01 мод.

Перспективлӑ модельсем:

  • хоппер-вакун (тырӑ турттармалли вакун) 19-9944 мод.;
  • минераллӑ удобренисем турттармалли хоппер вакун 19-9974 мод.;
  • ҫӑратнӑ углеводород газӗсем турттармалли танк-контейнер.

Юсав[4]:

  • вакунсен тӗрлӗ моделӗсене, витнӗ вакунсене, универсаллӑ платформӑсене, хоппер-вакунсене, ҫурма вакунсене, нефть продукчӗсене турттармалли цистернӑсене (кустӑрмисен тытӑмне) кулленхи тата депо юсавӗ;
  • кустӑрма мӑшӑрӗсене тӗпрен, вӑтам тата кулленхи юсав;
  • универсаллӑ платформӑсене ҫӗнетсе тата модернизацилесе кустӑрма мӑшӑрӗсене турттармалли платформӑсем тӑвасси;
  • ҫӗнӗ йышши РУ1Ш тата РВ2Ш тӗнӗлсем тӑвасси;
  • ҫӗнӗ РУ1Ш-957-Г тата РВ2Ш-957-Г кустӑрма мӑшӑрӗсене йӗркелесси;
  • кустӑрма мӑшӑрӗсен букс тӗввисене юсаса пуҫтарасси;
  • РУ1 тӗнӗлӗн резьба пайне юсаса ҫӗнетесси;
  • 18-100 (18-9770) мод. икӗ тӗнӗллӗ урапана тӑвасси тата юсасси;
  • тиев вакунӗсен автотормозӗн приборӗсене юсасси тата тӗрӗслесси.
undefined

Статистика

Предприятин производство хӑвачӗсем 1200 вакун таран юсама тата ҫулталӑкне 7800 ҫӗнӗ вакун таран туса кӑларма май параҫҫӗ. Вакунсемпе вӗсен пайӗсене, тӗввисене хальхи технологи оборудованийӗпе тата саппас пайсемпе пуянлатнӑ конвейер йӗрӗсенче юсаҫҫӗ. Тиев вакунӗсене ҫӗнӗ универсаллӑ сборокӑпа сварка корпусӗнче (УССК) юсаҫҫӗ, ӑна 2010 ҫулта хута янӑ.

2014 ҫулта завод 2459 тиев вакунӗ туса кӑларнӑ[5].

2017 ҫулта 835 ҫурма вакун сутнӑ[6].

Ертӳҫисем

Тӗрлӗ вӑхӑтра завод пуҫлӑхӗсемпе директорӗсем ҫаксем пулнӑ[7]:

  • Матвей Васильевич Мокеев (1934—1938 ҫҫ.)[8]
  • Ульян Романович Стоян (1938—1940 ҫҫ.)[8]
  • В. Т. Поздняков (1940—1945 ҫҫ.)
  • С. П. Трухин (1946—1953 ҫҫ.)
  • В. В. Квишинидзе (1953—1954 ҫҫ.)
  • П. Т. Волчков (1954—1956 ҫҫ.)
  • В. Т. Кузнецов (1956—1963 ҫҫ.)
  • А. Н. Сорока (1963—1968 ҫҫ.)
  • Ю. К. Никулин (1968—1971 ҫҫ.)
  • С. К. Егоров (1971—1975 ҫҫ.)
  • Анатолий Александрович Цыплаков (1975—1983 ҫҫ.)
  • Олег Зиатдинович Шарафутдинов (1983—1985 ҫҫ.)
  • Анатолий Трифонович Журомский (1985—2000 ҫҫ.)[9]
  • Сергей Генадьевич Казаков (2001—2005 ҫҫ.)[10]
  • Алексей Иванович Чуркин (2005—2007 ҫҫ.)[11]
  • А. Ю. Колтышев (2007 ҫул)
  • И. В. Гиске (2007—2010 ҫҫ.)
  • А. А. Тен (2010-2013 ҫҫ.)
  • Владимир Федорович Муханов.

Асӑрхаттарусем

  1. ^ В бой идут бронепоезда. официальный сайт г. Канаш. Пӑхнӑ кун: 2010 ҫулхи юпан 19-мӗшӗ. Архивланӑ 2013 ҫулхи акан 16-мӗшӗ.
  2. ^ 16:20 Документы свидетельствуют.Все для фронта, все для победы! Управление по делам архивов. Пӑхнӑ кун: 2010 ҫулхи юпан 19-мӗшӗ. Архивланӑ 2012 ҫулхи пушӑн 22-мӗшӗ.
  3. ^ Продукция ЗАО «Промтрактор-Вагон». Пӑхнӑ кун: 2010 ҫулхи юпан 18-мӗшӗ. оригиналтан архивланӑ 2010 ҫулхи авӑнӑн 6-мӗшӗ.
  4. ^ Ремонт вагонов ЗАО «Промтрактор-Вагон». Пӑхнӑ кун: 2015 ҫулхи авӑнӑн 5-мӗшӗ. оригиналтан архивланӑ 2015 ҫулхи авӑнӑн 24-мӗшӗ.
  5. ^ ПОДВИЖНОЙ СОСТАВ, стр 9 Тематическое приложение к газете «Коммерсантъ». 31 марта 2015, №5
  6. ^ «Промтрактор-Вагон» загружают вагонами. Пӑхнӑ кун: 2020 ҫулхи кӑрлачӑн 6-мӗшӗ. Архивланӑ 2018 ҫулхи ҫурлан 30-мӗшӗ.
  7. ^ Историческая справка , Wayback Machine çинчи 2016 ҫулхи пушӑн 4-мӗшӗнчи копийӗ //ЗАО «Промтрактор-Вагон»
  8. ^ 1, 2 Так рождался Канашский вагоноремонтный завод //официальный сайт г. Канаш
  9. ^ Заслуженный работник промышленности Чувашской Республики //официальный сайт г. Канаш
  10. ^ Сергей Геннадьевич Казаков //Государственный Совет Чувашской Республики
  11. ^ ПРОМЫШЛЕННОСТЬ. Россия: Приволжский федеральный округ. — Business Information Agency. — Т. 4. — ISBN 1418754137.

Каҫӑсем

https://www.promtractor-vagon.ru/ Канашри вакун юсакан заводӑн официаллӑ сайчӗ

Категорисем