Китлĕр капут!

«Китлĕр капут!» (выр. Гитлер капут!) — раççейĕн 2008 çулхи камит фильмĕ. Премьера 2008 çулхи авăнăн 18-мĕшĕнче иртнĕ.

Вырăс супер-агенчĕ — çав тери вăрттăн шпион Шура Осечкин (Павел Деревянко), вăлах СС штандартенфюрерĕ Олаф Шуренберг, хăйне пач шеллемесĕр, никама уямасăр Китлĕр (Михаил Крылов) ставкинче пăсăк ĕçсене туса пырать. Вăрçă кĕç-вĕç пĕтмелле, çакна ĕнтĕ, фанат-фюрерпа шикленӳллĕ Мюллерсăр (Юрий Гальцев) пуçне, пурĕ те чухлаççĕ. Райхри ахаль ĕçтĕшсем мĕнпур япала çине алă сулнă — çирĕп шухăша путмасăр клубсенче аташса çӳреççĕ. Шуренберг килте тунсăхласа ларать, 007-Штрассе çинчи хăйĕн çуртĕнче вăрттăн пахча-çимĕç ӳстерет.

Центртан хушнă ĕç ун çине маччаран ӳкнĕ пекех пулса тăрать — пулăшма куç илмесĕр пăхмалла çĕнĕ хĕр-радиста Зинăна (Анна Семенович) ярса параççĕ. Çак хастар юлташпа вăрçă кĕрленĕ пирки те манма пулĕ! Анчах та тивĕçлĕх пуринчен те малта: Тăван Ене таврăнса пĕрле ăраскал тупас тесен, Шуренбергпа Зинăн юлашки çав тери кирлĕ операцие ирттермелле.

Павел Деревянко — штандартенфюрер Олаф Шуренберг / Александр Исаевич Осечкин
Анна Семенович — радистка Зина
Михаил Крылов — Адольф Китлĕр
Эвелина Бледанс — фрау Оддо
Юрий Стоянов — Борман
Юрий Гальцев — Мюллер
Анфиса Чехова — секс-шифровщица
Алексей Булдаков — Кузьмич
Алексей Огурцов — Тимĕр Ганс
Максим Максименко
Юрий Михайлик
Тимати — 50 бундес-шиллинг
Михаил Галустян — партизан Рабинович
Ксения Собчак — Ева Браун
Игорь Гаспарян — инженер Гарик
Илья Олейников — подпольщик / Иосиф Сталин
Зоя Буряк — сутенёрша

«Кĕмĕл калуш 2009» «Массаракш года, или Кино не тонет» номинацире.

Фильм тухнă хыççăн пресса питĕ хытă тиркенĕ^[2], çаплах официаллă питсем фильмра моральпе этика виçине пăснине, фильмăн сюжечĕ çуккине асăрхаттарнă^[3].
Фильма Львовра çапса ӳкернĕ.