Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Мерчен Сергей Павлович

Сергей Павлович Мерчен (чӑн хушамачӗ — Селезнёв; ҫур. 1919, Çĕньял Явăш, Ҫӗрпӳ уесӗ, Хусан кӗпӗрни, РСФСР[d]) — чӑваш совет писателӗ, поэчӗ тата драматургӗ. Чӑвашла ҫырнӑ. Республикӑри «Тӑван Атӑл» тата «Ялав» литература журналӗсенче пичетленнӗ; Чӑваш кӗнеке издательствинче кӑларнӑ ача-пӑча кӗнекисен, повеҫсен, поэмӑсен тата «Кипкасси» романӑн авторӗ[1].

Пурнӑҫӗпе ӗҫӗ-хӗлӗ

1919 ҫулта Хусан кӗпернинчи Ҫӗньял Явӑш ялӗнче (халӗ Чӑваш Республикин Вӑрнар муниципаллӑ округӗнче) ҫуралнӑ[1][2]. Чӑваш педагогика институтне вӗренсе пӗтернӗ, вӗрентекенпе шкул директорӗ пулса ӗҫленӗ[1]. 1947 ҫултанпа Тайшет хулинче (Иркутск облаҫӗ) пурӑннӑ[1][3]. Вӑл чӑваш ҫӗршывӗнчен аякра пурӑнса та тӑван литературӑран уйрӑлман[4]. Вилнӗ кунӗ паллӑ мар[1].

Пултарулӑхӗ

«Тӑван Атӑл» тата «Ялав» чӑваш литература журналӗсенче пичетленнӗ[1]. Чӑваш кӗнеке издательствинче чӑвашла кӗнекесем тухнӑ[1]:

  • «Потёмкин паттӑрӗсем» (1959);
  • «Тӗлӗнмелле ачасем» (1969);
  • «Пурҫӑн тутӑр» (1995).

Чӑваш литературипе фольклорӗпе ҫыхӑннӑ вӗренӳ-методика ӗҫӗсен авторӗ — «Чӑваш литература вулавӗн хӑш-пӗр ыйтӑвӗсем» тата «Чӑваш шкулӗнче халӑх сӑмахлӑхне вӗрентесси» (Мускав)[1].

«Зона» тата «Тапӑҫу» повеҫсене, поэмӑсене, «Кипкасси» романа ҫырнӑ[1].

Ӑнлантарусем

  1. ^ 1, 2, 3, 4, 5, 6, 7, 8, 9 Афанасьев П. Писатели Чувашии. — Чувашское книжное издательство, 2006. — 558 с.
  2. ^ Закон Чувашской Республики от 29 марта 2022 года № 30 «О преобразовании муниципальных образований Вурнарского района Чувашской Республики и о внесении изменений в Закон Чувашской Республики „Об установлении границ муниципальных образований Чувашской Республики и наделении их статусом городского, сельского поселения, муниципального района, муниципального округа и городского округа“» (выр.). Электронный фонд правовых и нормативно-технических документов (29 пушӑн 2022). Пӑхнӑ кун: 2026 ҫулхи ҫурлан 13-мӗшӗ.
  3. ^ Историческая справка (выр.). Официальный сайт администрации города Тайшета. Пӑхнӑ кун: 2026 ҫулхи ҫурлан 13-мӗшӗ.
  4. ^ Сергей Мерчен. Электронлӑ вулавӑш. Пӑхнӑ кун: 2026 ҫулхи ҫурлан 13-мӗшӗ.

Вуламалли

  • Афанасьев П. Писатели Чувашии. — Чувашское книжное издательство, 2006. — 558 с.
  • Чӑваш литературин антологийӗ / Сост.: Д. В. Гордеев, Ю. А. Силэм. — 2003. — ISBN 5-7670-1279-2.

Каҫӑсем

Категорисем