Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Миронов Евгений Витальевич

Миро́нов Евге́ний Вита́льевич (ҫур. 1966 ҫулхи чӳкӗн 29-мӗшӗ, Сарӑту) — совет саманин тата Раҫҫейӗн театрпа кино актёрӗ, сценарист, продюсер. 2006 ҫултанпа Нацисен патшалӑх театрӗн пултарулӑх ертӳҫи. Раҫҫей Федерацийӗн халӑх артисчӗ (2004)[1], икӗ хутчен ӳнер облаҫӗнчи Раҫҫей Патшалӑх премийӗн лауреачӗ (1995, 2010). Вӑл Раҫҫей Федерацийӗн Президенчӗ ҫумӗнчи культура тата ӳнер канашӗн членӗ, 2026 ҫулхи кӑрлачӑн 23-мӗшӗнчен пуҫласа тӑван кинематографие аталантарас енӗпе ӗҫлекен правительство канашӗн членӗ шутланать[2]. Ырӑ кӑмӑллӑх тата ҫутӗҫ ӗҫӗсемпе те паллӑ[3][4].

Пурнӑҫӗ

Евгений Миронов 1966 ҫулхи чӳкӗн 29-мӗшӗнче Сарӑтура ҫуралнӑ. Ашшӗ-амӑшӗпе Саратов облаҫӗнчи Татищево-5 посёлокӗнче (халӗ Светлый) пурӑннӑ.

Ашшӗ — Виталий Сергеевич Миронов (1938—2004) — водитель пулса ӗҫленӗ[5]. Амӑшӗ — Тамара Петровна Миронова (1941 ҫулта ҫуралнӑ) — сутӑҫ, савутра чӑрӑш илемӗ пуҫтаракан пулса ӗҫленӗ[5]. Йӑмӑкӗ Оксана — балерина, хӑй йӗркеленӗ ача-пӑча студийӗнче вӗрентекен пулса ӗҫлет, кинора та ӳкерӗннӗ[5].

Кӗҫӗн ҫулӗнчех Евгений актёр пуласшӑн тӑрӑшнӑ, шкулта драма кружокӗнче вӗреннӗ, аккордеон класӗпе музыка шкулӗнче те вӗренсе тухнӑ. Оксана йӑмӑкӗпе пӗрле килте пукане спектаклӗсем лартнӑ[6].

1982 ҫулта сакӑр класс вӗренсе пӗтерсен Миронов И. А. Слонов ячӗллӗ Сарӑту театр училищине Валентина Александровна Ермаковӑн курсне вӗренме кӗнӗ. Училищӗрен 1986 ҫулта вӗренсе тухнӑ.

Унӑн пӗрремӗш вӗренӳ ролӗ Иван ролӗ пулнӑ (Владимир Богомоловӑн «Иван» повеҫӗ тӑрӑх).

Театр

Училищӗне пӗтерсен Миронова Сарӑтури Ҫамрӑкмен театрне ӗҫлеме чӗннӗ, анчах вӑл малалла Мускаври МХАТ шкул-студире вӗренме шутланӑ. Унта Олег Табаковпа Авангард Леонтьевӑн курсне кӗме хатӗрленнӗ. Табаков ӑна икӗ эрнелӗх тӗрӗслев вӑхӑчӗ панӑ, мӗншӗн тесен унӑн студенчӗсем иккӗмӗш курсрах вӗреннӗ. Тӗрӗслев вӑхӑчӗ иртсен Миронова МХАТ шкул-студине официаллӑ шута илнӗ[6].

1990 ҫулта МХАТ шкул-студирен вӗренсе тухнӑ. Ӑна виҫӗ театра ӗҫлеме чӗннӗ: Олег Ефремов МХАТа чӗннӗ, Малый Броннӑй ҫинчи театра та чӗннӗ, анчах актёр Олег Табаков ертсе пыракан Театр-студине кӗме килӗшнӗ[6][7]. Унта вӑл 2006 ҫулччен ӗҫленӗ, «Страсти по Бумбарашу», «Звёздный час по местному времени», «Ещё Ван Гог» тата ытти спектакльсенче вылянӑ.

2000-мӗш ҫулсен пӗрремӗш пайӗнче Миронов А. П. Чехов ячӗллӗ Мускав ӳнер театрӗн спектаклӗсенче те вылянӑ — Рэй Куни хайлавӗпе «№ 13», Михаил Салтыков-Щедрин романӗпе «Господа Головлёвы» тата Чехов пьесипе «Чайка»[4].

1990—2000-мӗш ҫулсенчи тӗнчери театр проекчӗсенче Миронов Петер Штайн («Гамлет» тата «Орестея»), Деклан Доннеллан («Борис Годунов»), Валерий Фокин («Последняя ночь последнего царя» тата «Карамазовы и ад») тата Эймунтас Някрошюс («Вишнёвый сад») режиссёрсен спектаклӗсенче вылянӑ[4].

2006 ҫулхи раштав уйӑхӗнчен пуҫласа Миронов Нацисен патшалӑх театрӗн пултарулӑх ертӳҫи пулса тӑнӑ[8][9].

Нацисен театрӗн сценинче Миронов актёр пулса «Рассказы Шукшина», «Калигула», «Фрекен Жюли», «Гамлет. Коллаж», «Иванов», «Дядя Ваня», «Иранская конференция», «Горбачёв» спектаклӗсенче вылянӑ. 2021 ҫулхи раштавра Михаил Булгаков романӗпе «Мастер и Маргарита» спектаклӗн премьери иртнӗ, Миронов унта пӗр роле калӑпланӑ[4].

Кинематограф

Евгений Миронов кинора пӗрремӗш хут 1988 ҫулта Александр Кайдановскийӑн «Жена керосинщика» фильмӗнче вылянӑ. «Делай — раз!», «Перед рассветом», «Затерянный в Сибири» фильмсенче вылянӑ хыҫҫӑн режиссёрсем ӑна хӑйсен ӗҫӗсене хутшӑнтармашкӑн шута илнӗ.

Валерий Тодоровский режиссёрӑн «Любовь» фильмӗнче тӗп роль выляса Миронов халӑх хушшинче палӑрнӑ. Ҫак фильм тӑван тата ют ҫӗршывсенче нумай премине тивӗҫнӗ, хӑй вара 1992 ҫулхи чи лайӑх актӗр ятне илнӗ.

Экспертсем унӑн чи паллӑ актёр ӗҫӗсенчен пӗри вырӑнне Владимир Бортко режиссёрӑн Ф. Достоевский романӗпе ӳкернӗ «Идиот» сериалӗнчи Мышкин кнеҫ ролне вылянине асӑнаҫҫӗ.

Общество ӗҫӗ-хӗлӗ

2000 ҫулта Миронов Александров музыкине хатӗрленӗ совет гимне тавӑрассине хирӗҫ пулнӑ культура ӗҫченӗсен йышӗнче пулнӑ.

2001 ҫултанпа — Раҫҫей Федерацийӗн Президенчӗ ҫумӗнчи культура тата ӳнер канашӗн членӗ[10].

2005—2020 ҫулсенче — тӗнче шайӗнчи «Территория» хальхи ӳнерӗн фестиваль-шкулне йӗркелекенӗ тата ӳнер ертӳҫи, 2020 ҫултанпа — фестивалӗн попечителӗ.

2007 ҫултанпа — Раҫҫейри пӗчӗк хуласен театрӗсен фестивалӗн пултарулӑх ертӳҫи.

2012 ҫулта Миронов президент суйлавӗ умӗн «Почему я голосую за Путина» роликре ӳкерӗннӗ.

Инҫет Тухӑҫ регионӗсенче театр ӳнерне аталантарас программӑна пуҫарса янӑ. Ҫак программӑпа килӗшӳллӗн 2021 ҫулта Владивостокра тӗнче шайӗнчи Лӑпкӑ океан театр фестивалӗ, 2019 тата 2020 ҫулсенче Хабаровскра Инҫет Тухӑҫ театрӗсен фестивалӗ иртнӗ.

«Артист» ӳнер ӗҫченӗсене пулӑшакан ырӑ кӑмӑллӑх фондне (2008 ҫулта никӗсленӗ), «Жизнь в движении» сусӑр ачасене пулӑшакан ырӑ кӑмӑллӑх фондне (2014 ҫулта никӗсленӗ) йӗркеленӗ.

«Со-единение» курман-илтмен сусӑрсене пулӑшакан ырӑ кӑмӑллӑх фончӗн попечитель канашӗн йышне кӗрет.

2026 ҫулхи кӑрлачӑн 23-мӗшӗнче тӑван кинематографие аталантарас енӗпе ӗҫлекен правительство канашӗн йышне кӗртнӗ[2].

Наградисем

  • Раҫҫей Федерацийӗн халӑх артисчӗ (2004)
  • Раҫҫей Федерацийӗн Патшалӑх премийӗ (1995, 2010)

Фильмографи

  • 1988 — Жена керосинщика — керосинщик арӑмӗн савнийӗ
  • 1989 — Перед рассветом — лейтенант
  • 1989 — Зверь ликующий (к/м) — Немовецкий
  • 1989 — Делай — раз! — Алексей Гаврилов, рядовой
  • 1990 — Женщины, которым повезло — пасарти сусӑр'
  • 1991 — Затерянный в Сибири — Володя Миронов
  • 1991 — Любовь — Саша
  • 1991 — Карпатское золото— Жора Чупин
  • 1992 — Как живёте, караси? — Никита
  • 1992 — Анкор, ещё анкор! — Владимир Полетаев, лейтенант
  • 1993 — Последняя суббота — Саша
  • 1994 — Лимита — Миша Вулах
  • 1994 — Утомлённые солнцем — Коля, лейтенант-танкист
  • 1995 — Мусульманин — Николай Иванов
  • 1995 — Трамвай в Москве (к/м) — Андрей
  • 1996 — Ревизор — Хлестаков
  • 1996 — Двадцать минут с ангелом — Хомутов
  • 1997 — Змеиный источник — Андрон Анатольевич, шкул директорӗн секретарӗ
  • 1999 — Мама — Павлик
  • 1999 — Пришельцам новым (Олег Борисов пирки ӳкернӗ биографи фильмӗ) — текст вулать
  • 2000 — Дневник его жены — Леонид Гуров, ҫыравҫӑ
  • 2001 — В августе 44-го… — Алёхин, капитан
  • 2002 — Дом дураков — офицер
  • 2002 — Игра в модерн — Елец, ротмистр
  • 2002 — Превращение — Грегор Замза
  • 2003 — Идиот — князь Мышкин
  • 2003 — Есть идея… — Антон
  • 2003 — Вечерний звон — режиссёр
  • 2004 — На Верхней Масловке — Петя
  • 2005 — Побег — Евгений Ветров, нейрохирург
  • 2005 — Космос как предчувствие — Виктор Коньков, «Конёк»
  • 2005 — В круге первом — Глеб Нержин
  • 2006 — Охота на пиранью — Прохор Петрович
  • 2007 — По этапу — Андрей, лагерь хуралҫи
  • 2008 — Апостол — Пётр Истомин / Павел Истомин
  • 2010 — Москва, я люблю тебя! (новелла «Скрипач») — таар тытнӑ ҫын вӗлерекен
  • 2010 — Утомлённые солнцем 2: Предстояние — старший лейтенант Изюмов, укрепрайон начальникӗ
  • 2011 — Достоевский — Фёдор Михайлович Достоевский
  • 2011 — Охотники за бриллиантами — Борис Буреце
  • 2013 — Пепел — Сенька Пепел, вор
  • 2014 — Вычислитель — Эрвин
  • 2015 — Синдром Петрушки — Петя, актёр-кукольник
  • 2015 — Норвег — Евгений Кириллов
  • 2016 — Фонограф (к/м) — Пётр Ильич Чайковский
  • 2017 — Время первых — Алексей Леонов
  • 2017 — Матильда — Иван Карлович, Император театрӗсен директорӗ
  • 2017 — Демон революции — Владимир Ленин
  • 2017 — Карп отмороженный — Олег
  • 2018 — ВМаяковский — Яков Агранов
  • 2019 — Коронация — Иван Карлович, Император театрӗсен директорӗ
  • 2020 — Вратарь Галактики — Бело
  • 2021 — Пробуждение — Павел Юрьевич Фролов, полицин аслӑ оперуполномоченнӑйӗ
  • 2022 — Сердце Пармы — Иона тӗне кӗртекен
  • 2022 — Нюрнберг — Мигачёв
  • 2022 — Жанна — Виталий

Ӑнлантарусем

  1. ^ Указ Президента Российской Федерации от 10.03.2004 г. № 340 «О награждении государственными наградами Российской Федерации». Пӑхнӑ кун: 2018 ҫулхи авӑнӑн 12-мӗшӗ. Архивланӑ 2018 ҫулхи авӑнӑн 12-мӗшӗ.
  2. ^ 1, 2 Распоряжение Правительства Российской Федерации от 23.01.2026 № 77-р ∙ Официальное опубликование правовых актов (выр.). publication.pravo.gov.ru (23 кӑрлачӑн 2026). Пӑхнӑ кун: 2026 ҫулхи кӑрлачӑн 31-мӗшӗ.
  3. ^ Структура ∙ Президент России (выр.). Президент России (15 юпан 2024). Пӑхнӑ кун: 2024 ҫулхи юпан 15-мӗшӗ.
  4. ^ 1, 2, 3, 4 Энциклопедия ТАСС, 2025. Миронов, Евгений Витальевич
  5. ^ 1, 2, 3 Шесть интересных фактов из жизни актёра Евгения Миронова — Российская газета. Пӑхнӑ кун: 2016 ҫулхи чӳкӗн 4-мӗшӗ. Архивланӑ 2016 ҫулхи чӳкӗн 5-мӗшӗ.
  6. ^ 1, 2, 3 . — М.: МК-Периодика. — ISBN 5-93696-007-3, 5-93696-010-2.
  7. ^ Евгений Миронов на сайте театра-студии п/р Олега Табакова. Пӑхнӑ кун: 2009 ҫулхи чӳкӗн 2-мӗшӗ. Архивланӑ 2009 ҫулхи чӳкӗн 18-мӗшӗ.
  8. ^ Евгений Миронов назначен руководителем Театра наций
  9. ^ Евгений Миронов возглавил Театр наций. Пӑхнӑ кун: 2008 ҫулхи нарӑсӑн 10-мӗшӗ. оригиналтан архивланӑ 2008 ҫулхи акан 12-мӗшӗ.
  10. ^ Указ Президента Российской Федерации от 8 ноября 2001 г. № 1300 «О Совете при Президенте Российской Федерации по культуре и искусству» , Wayback Machine çинчи 2018 ҫулхи раштавӑн 1-мӗшӗнчи копийӗ // Собрание законодательства Российской Федерации, 2001, № 46, ст. 4345

Каҫӑсем

Категорисем