Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Рафинов Вячеслав Викторович

Тӗрӗслесе тухнӑ статья

 

Рафинов Вячеслав Викторович (1955 ҫулхи акан 28-мӗшӗ, Турхан (Ҫӗмӗрле районӗ)|Турхан, Ҫӗмӗрле районӗ) — чӑваш тухтӑрӗ, юрисчӗ, патшалӑх ӗҫченӗ[1].

Вячеслав Рафинов Шупашкар район Пуҫлӑхӗ, ҫак районти депутатсен пухӑвӗн председателӗ пулнӑ[2]. «Пӗрлӗхлӗ Раҫҫей» парти пайташӗ[3].

Кун-ҫулӗ

Пӗлӗвӗ

1972 ҫулта вӑтам шкултан питӗ лайӑх паллӑсемпе вӗренсе тухнӑ[3][4].

И.Н. Ульянов ячӗллӗ Чӑваш патшалӑх университечӗн медицина факультетӗнче сиплев ӗҫӗ специальноҫпе пӗлӳ илнӗ[3]. 1978 ҫулхи пуш уйӑхӗнчен пуҫласа университетра вӗреннӗ май ҫавӑн пекех Шупашкарти 1-мӗш хула пульницин торакаллӑ хирургийӑн уйрӑмӗнче медбрат-анестезист пулса ӗҫленӗ. 1978–1979 ҫулсенче Республикӑн 1-мӗш клиника пульницинче анестезиологипе реаниматологи енӗпе интернатурӑра пӗлӳ илнӗ[1].

1998 ҫулта Мускав патшалӑх социаллӑ университетӗнче юриспруденци специальноҫе алла илнӗ[3].

Ӗҫӗ-хӗлӗ

1979–2012 ҫулсенче Шупашкар район пульницинче ӗҫленӗ, аслӑ квалификациллӗ категорийӗн анестезиолог-реаниматолог тухтӑрӗ пулнӑ[2].

1992 ҫулхи ака уйӑхӗнчен пуҫласа — Шупашкар районӗн тӗп пульницин тӗп тухтӑрӗн вырӑнне йышӑннӑ. 2011–2012 ҫулсенче Чӑваш Республикин медицина енчен страхламалли территори фончӗн директорӗ пулнӑ[1].

Шупашкар районӗн депутатсен пухӑвӗн виҫӗ пухӑвӗн депутачӗ. 2010–2012 ҫулсенче Шупашкар район Пуҫлӑхӗ, районти депутатсен пухӑвӗн председателӗ пулнӑ[1][3].

2012 ҫулхи чӳк уйӑхӗнче ӑна ача-пӑча прависен уполномоченнӑй пулма шанса панӑ[2]. Ку ӗҫе вӑл 2016 ҫулччен пурнӑҫланӑ[5].

2016 ҫулта Чӑваш Республикин Патшалӑх Канашӗн депутатне суйланнӑ. Кунта вӑл патшалӑх строительствин, вырӑнти хӑйтытӑмлӑх, Регламент тата депутатсен этикин Комитечӗн Председателӗ пулнӑ[5].

Ҫемйи

Авланнӑ, икӗ ача пӑхса ӳстернӗ[3]. Хӗрӗ, Наталья, медицина ӑслӑлӑхӗсен кандидачӗ, Шупашкарти хула клиника центрӗнче тухтӑр пулса ӗҫлет[4]. Ывӑлӗ, Александр, И.Н. Ульянов ячӗллӗ Чӑваш патшалӑх университечӗн экономика факультетӗнче пӗлӳ илнӗ[4].

Хисепӗсем

  • Чӑваш Республикин тава тивӗҫлӗ тухтӑрӗ;
  • Раҫҫей Федерацийӗн сывлӑх сыхлав тата ял хуҫалӑх министерствисен Хисеплӗ хучӗсем;
  • Чӑваш Республикин сывлӑх сыхлав министерствин Хисеп хучӗ.

Ӑнлантарусем

  1. ^ 1, 2, 3, 4 http://энциклопедии.наследиечувашии.рф/a/article/2974.html
  2. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 333. — 505 с.
  3. ^ 1, 2, 3, 4, 5, 6 https://chuvash.er.ru/person/64bd5036-b5ac-4322-a19a-3bf6dc05d3ec
  4. ^ 1, 2, 3 https://вперёд21.рф/2015/03/06/gordimsya-zemlyakom-3/
  5. ^ 1, 2 https://ecokygesi.ru/images/diski/2kalendar2018/pages/gos_rafinov.html

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 333. — 505 с.
  • Заслуженные люди Шумерлинского района / [авт.-сост. Я. Н. Волков, Н. П. Чернов]. — Шумерля, 2013. — 227 с.: портр.

Каҫӑсем

Категорисем