Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Толстов Михаил Юрьевич

Толстов Михаил Юрьевич (ҫур. 1966 ҫулхи юпан 16-мӗшӗ, Ҫӳлтикасси) — Раҫҫей преподавателӗ, шкул директорӗ, Чӑваш Республикин вӗренӳ тата ҫамрӑксен политикин министрӗн ҫумӗ (2005—2007).

Кун-ҫулӗ

Михаил Юрьевич Толстов 1966 ҫулхи юпан 16-мӗшӗнче Чӑваш Республикин Шупашкар районӗнчи Ҫӳлтикасси ялӗнче ҫуралнӑ.

1984—1986 ҫулсенче Совет Ҫарӗнче хӗсметре пулнӑ.

1990 ҫулта И. Я. Яковлев ячӗллӗ Чӑваш патшалӑх педагогика институтне вӗренсе пӗтернӗ, 1992 ҫулта АПК специалисчӗсемпе ертӳҫӗ кадрсене урӑх ӗҫе вӗрентекен тата квалификацине ӳстерекен чӑваш институтӗнче пӗлӗвне ӳстернӗ.

Педагогика институтӗнчен вӗренсе тухнӑ хыҫҫӑн 1998 ҫулччен Ҫӳлтикассинчи вӗренӳпе воспитани комплексӗнче ачасене биологине вӗрентнӗ. 1998 ҫулта ӑна Муркаш районӗнчи Шомик шкулӗн директорне лартнӑ, ку тивӗҫе вӑл 2001 ҫулччен пурнӑҫланӑ. 2001 ҫулта ӑна Калайкасси вӑтам шкулӗн директорӗ пулма шанса панӑ, ку вырӑнта вӑл 2003 ҫулччен ӗҫленӗ[1].

2003 ҫултанпа Чӑваш Республикин Вӗренӳ министерствинче тӑрӑшма тытӑннӑ. Малтан, 2005 ҫулччен, министерствӑн ресурспа тивӗҫтерекен пай начальникӗ пулса ӗҫленӗ. 2005—2007 ҫулсенче вӑл Чӑваш Республикин вӗренӳпе ҫамрӑксен политикин министрӗн ҫумӗ пулса ӗҫленӗ[2][3].

Михаил Юрьевича присяжный заседательсен йышне кӗртнӗ пулнӑ[4].

Хисепӗсем

  • Чӑваш Республикин III класлӑ тӗп патшалӑх канашҫи.

Ӑнлантарусем

  1. ^ Толстов Михаил Юрьевич. энциклопедии.наследиечувашии.рф. Наследие Чувашии. Пӑхнӑ кун: 2026 ҫулхи ҫӑвӑн 6-мӗшӗ.
  2. ^ Архивная версия сайта: Цивильский район Чувашской Республики. cap.ru (20 нарӑсӑн 2015). Пӑхнӑ кун: 2026 ҫулхи ҫӑвӑн 6-мӗшӗ.
  3. ^ Зам.министра М.Толстов провел прием граждан Московского района столицы. cap.ru (16 чӳкӗн 2006). Пӑхнӑ кун: 2026 ҫулхи ҫӑвӑн 6-мӗшӗ.
  4. ^ Список присяжных заседателей. cap.ru. Пӑхнӑ кун: 2026 ҫулхи ҫӑвӑн 6-мӗшӗ.

Вуламаллисем

  • Энциклопедия Чебоксарского района / Чувашская Республика, Администрация Чебоксарского района, МБУК «Центральная библиотека» Чебоксарского района; [редакционный совет: Г. И. Егоров и др. ; составители Е. С. Васильева, С. В. Иванова; научное редактирование Э. И. Патмар]. Т. 1. — Чебоксары : Чувашия, 2014. — 505, [3] с. — 393 с.

Каҫӑсем

Категорисем