Тренкасси вӑтам шкулӗ
Тренкасси вӑтам шкулӗ — Шупашкар муниципаллӑ округӗнчи Ҫӗнӗ Тренкасси ялӗнче вырнаҫнӑ вӑтам шкул.
Адресӗ: Шупашкар районӗ, Ҫӗнӗ Тренкасси ялӗ, Ҫамрӑксен урамӗ, 7-мӗш ҫурт[1].
Директорӗ: Нестерова Нина Вениаминовна[2].
Историйӗ
«Кугесенски» ҫӗнӗ чӑх-чӗп хапрӑкне туса лартнӑ хыҫҫӑн Тренькасси ялӗ патӗнче 1985 ҫулта ҫӗнӗ посёлок-ял тума пуҫланӑ, ӑна Ҫӗнӗ Тренкасси ят панӑ. Кунта ҫак хапрӑкра ӗҫлекенсем валли хваттерсем вырнаҫмалла пулнӑ[3][4].
Чӑх-чӗп фабрикин социаллӑ программине пурнӑҫланӑ май 1988 ҫулхи ҫулла вӑтам шкул хӑпартма пуҫланӑ, тепӗр ҫултарӑкран, 1989 ҫулхи ҫурла уйӑхӗнче, ӑна туса пӗтернӗ. Ҫӗнӗ шкулта пӳлӗмсене 16 класс вырнаҫмалӑх хатӗрленӗ. Шкул проекчӗпе килӗшӳллӗн мӗнпурӗ 624 ача йышӑнмалла пулнӑ. Классенче вӑтамран 19,5 ача вӗренмелле пулнӑ[4].
Вӗренсе тухнисем
Ку шкултан Раҫҫей Федерацийӗн Паттӑрӗ Семёнов Дмитрий Владимирович вӗренсе тухнӑ, хальхи вӑхӑтра шкул унӑн ячӗпе хисепленет.
Шкултан ҫавӑн пекех вӗренсе тухнӑ:
- Максимов Игорь Леонидович (1988 ҫ.ҫ.) — тренер, нумай енлӗ кӗрешӳре темиҫе хутчен те ҫӗнтерӳҫӗ пулнӑскер.
- Степанова Марина Владиславовна (1985 ҫ.ҫ.) — армспорт енӗпе чемпион ятне тивӗҫнӗскер. Шкула 2002 ҫулта вӗренсе пӗтернӗ.
Шкулта ӗҫленисем
- Смородинов Виталий Иванович (1937 ҫ.ҫ.) — 1994–2001 ҫулсенче шкулта ачасене географи вӗрентнӗ.
- Степанов Владислав Васильевич (1957 ҫ.ҫ.) — 1989 ҫултанпа директор ҫумӗ пулса ӗҫленӗ.
- Удалова (Эльмукова) Ирина Витальевна (1974 ҫ.ҫ.) — 199–2001 ҫулсенче ку шкулта вырӑс чӗлхипе литературине вӗрентнӗ.
- Яковлева (Егорова) Роза Ананьевна (1947 ҫ.ҫ.) — 1992–2006 ҫулсенче шкулта вӗренӳпе воспитани енӗпе шкул директорӗн ҫумӗ пулнӑ.
Хальхи вӑхӑтра
2014 ҫулта шкулӑн 2 автобус пулнӑ, пурӗ 26 педагог ачасене вӗрентнӗ. Ун чухне пӗр компьютерпа 4,5 ачана тивӗҫтернӗ пулнӑ. Шкулта физика, математика, обществознани предмечӗсене тарӑннӑн вӗрентеҫҫӗ, Акӑлчан чӗлхи урокӗсем пуҫламӑш классенченех пуҫланаҫҫӗ[4].
2024–2025 вӗренӳ ҫулӗнче шкулта 390 ача пӗлӳ пухнӑ. Вӗсенчен пуҫламӑш классенче 161 ача вӗреннӗ, тӗп пӗлӳ 200 ача илнӗ, 29 ача вӑтам пӗлӗвӗн класӗсенче вӗреннӗ[5].
Шкулти ачасене вӗри апатпа «Атлашевски» агрофирма» ТМЯП тивӗҫтерет.
Ӑнлантарусем
- ^ Основные сведения (выр.). МБОУ «Тренькасинская СОШ имени Героя Российской Федерации Д.В. Семёнова».
- ^ Руководство образовательной организации (выр.). МБОУ «Тренькасинская СОШ имени Героя Российской Федерации Д.В. Семёнова».
- ^ Энциклопедия Чебоксарского района : «Тренькасинская средняя общеобразовательная школа» (выр.). Энциклопедии. Цифровая библиотека НБ ЧР.
- ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 398. — 505 с.
- ^ Образование (выр.). МБОУ «Тренькасинская СОШ имени Героя Российской Федерации Д.В. Семёнова».
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 398. — 505 с.
Каҫӑсем
- Энциклопедия Чебоксарского района : «Тренькасинская средняя общеобразовательная школа» (выр.). Энциклопедии. Цифровая библиотека НБ ЧР.