Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Углов Фёдор Григорьевич

Disambig gray.svg Углов хушаматлă урăх çынсем çинчен РУВИКИ-ре статьясем пур.

Фёдор Григо́рьевич Угло́в (22.9.1904 — 22.6.2008) — совет тата раççей хирургĕ, çыравçи тата пĕрлĕх ĕçченĕ, медицина ăслăхĕсен тухтăрĕ, профессор. «И. И. Греков ячĕллĕ хирурги хыпарçи» журналăн тĕп редакторĕ (1953—2006).

СССР МĂА академикĕ (1967; корреспондент-пайташĕ 1955). Ленин премин лауреачĕ (1982). Раççей çыравçисен пĕрлешĕвĕн пайташĕ. ССКП пайташĕ (1931-па).

Биографи

1904 çулта авăнăн 22-мĕшĕнче Иркутск кĕпернин Киренск уесĕнчи (халĕ Иркутск облаçĕн Киренск районĕ) Чугуево ялĕнче çуралнă. Ашшĕ — Григорий Гаврилович Углов (1870—1927). Амăшĕ — Анастасия Николаевна Углова (хĕр. Бабошина) (1872—1947). Çемьере ултă ача ӳснĕ[1].

Пĕлӳ илни

Шкулта çичĕ çул вĕреннĕ хыççăн Киренскри педагогика техникумне пĕлӳпухма кĕнĕ. 1923 çулта Тухăç-Çĕпĕр университечĕ (халĕ Иркутскри патшалăх университечĕ) медицина факультетне вĕренме кĕнĕ. Иккĕмĕш курсра Ленинграда кайса килнĕ хыççăн йывăр чирлесе ӳкнĕ: хырăмри тата сыпной тиф вĕрĕлсе кайнă, сепсис, тăнсăр, пурнăçпа вилĕм хушшинче чылай хушă выртнă. Пĕр курсра вĕреннĕ хĕрарăм (хăйĕн пĕчĕк ача пулсан та) амак хыççăн аран утакан çынна пăхма илнĕ. Кайран вĕсем мăшăрланнă.

Пиллĕккĕмĕш курса Сарăту университетне куçнă. Унтах 1929 çулта диплом илсен, Фёдор Григорьевич Анатри Атăл Енри Кисловка салинче (1929), кайран — Абхаз АССР кĕнĕ Гальского районĕнчи Отобая салинче (1930—1933) тата Ленинградри Мечников ячĕллĕ пульницире (1931—1933) вырăнти тухтăр вырăнĕнче тăрăшнă. 1930-мĕш çулсен пуçламăшĕнчи коллективизаци саманинче кулаксене хирĕç кĕрешнĕ[2].

Професси карьери

Иинтернатурăна вĕçлесен Киренскре шыв çинче ĕçлекенсен пульницинче тĕп тухтăр тата хирурги уйрăмĕн ертӳçи пулса ĕçленĕ (1933—1937)[3].

Çемье

Иккĕ хутчен авланнă[1]. Пĕрремĕш арăмĕ — Вера Михайловна (хĕр. Трофимова), гинеколог. 1926 çултьа мăшăрланнă, университетре пĕр группăра вĕреннĕ. Виçĕ хĕр — Татьяна, Эдита тата Елена (2011 вил.).

Иккĕмĕш арăмĕ — Эмилия Викторовна Углова-Стрельцова (14.08.1936 çур.), медицина ăслăхĕсен кандидачĕ. 1964 çулта мăшăрланнă. Ывăлĕ — Григорий Фёдорович Углов (10.6.1970), дирижёр, Герцен ячĕллĕ РППУ аслă вĕрентӳçи.

Фёдор Угловăн пурăннă чухнех 9 мăнука, 9 кĕçĕн мăнука, 2 мăнук мăнука курнă.[3]

Çав. пекех

Комментарисем

Асăрхавсем

  1. ^ 1, 2 telegraph (англ.). The Telegraph (25 ҫӗртмен 2008). — Fyodor Uglov's orbituary. Пӑхнӑ кун: 2011 ҫулхи авӑнӑн 17-мӗшӗ. Архивланӑ 2012 ҫулхи нарӑсӑн 11-мӗшӗ.
  2. ^ Фёдор Углов: Только Трезвая Россия станет великой! 2011 ҫулхи ҫурлан 5-мӗшӗнче архивланӑ.
  3. ^ 1, 2 Биография Ф. Г. Углова, СБНТ

Литература

Каçăсем

Категорисем