Уй ҫерҫийӗ

Уй ҫерҫийӗ (лат. Passer montanus) – килти çерçинчен кăштак пĕчĕкрех ҫерҫи.

Хирти, ял-хула хĕрринчи вăрмансемпе парксене, йывăç катисене килĕштерет. Çĕр чĕкеçĕсен йывисене те тиркемест.

Çăмартисем (5-8) шупка шурă е сăрăрах тĕслĕ, тĕксĕм пăнчăсемлĕ. Ытларах йывăç хăвăлĕсемпе вĕллесенче йăва çавăраççĕ.

Çу каçа икĕ-виçĕ хутчен чĕп кăларма ĕлкĕреççĕ.

Хĕл каçма вĕçсе каймаççĕ.

Чăвашра вĕсен йышĕ пысăк. Кĕр енне тырă пуссисене тапăнса пысăк сăтăр тăваççĕ.