Феизов Энвер Зиатдинович

	Ҫын пирки
	Феизов Энвер Зиатдинович
Чӑн ят	тут. ئەنۋەر زىاتدىن ئوغلىٰ فەيزف; тут. Ənvər Ziatdin ulь Fəjezef; тут. Әнвәр Зыятдин улы Фәезов; тут. Änwär Zıyatdin uğlı Fäyezef
Çуралнă вăхăт	1928 ҫулхи акан 30-мӗшӗ
Çуралнă вырăн	Шӑнкӑртам, Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Вилнĕ вăхăт	2011 ҫулхи ҫӗртмен 14-мӗшӗ (83 ҫул)
Вилнĕ вырăн	Шупашкар, Раҫҫей Федерацийӗ;
Гражданлăх	Раҫҫей Федерацийӗ; СССР;
Альма-матер	Татарский государственный гуманитарно-педагогический университет[d];
Ĕçе илекен	И. Н. Ульянов ячӗллӗ Чӑваш патшалӑх университечӗ;
Премисемпе чысланисем

Феизов Энвер Зиатдинович (1928 ҫулхи акан 30-мӗшӗ(19280430), Шӑнкӑртам, Мӑн Патӑрьел районӗ, Чӑваш АССР, РСФСР — 2011 ҫулхи ҫӗртмен 14-мӗшӗ(20110614), Шупашкар) — совет саманинчи тата Раҫҫей ӑсчах-философӗ, философи ӑслӑлӑхӗсен докторӗ (1993), профессор (1994). Раҫҫей Федерацин тава тивӗҫлӗ ӑслӑлӑх ӗҫченӗ.

Кун-ҫулӗ

Вӗреннӗ тапхӑр[тӳрлет | кодне тӳрлет]

Патӑрьелӗнчи педучилищӗре (1946), Хусанти патшалӑх педагогика институчӗн педагогика факультетӗнче (1950) пӗлӳ илнӗ.

Ӑслӑлӑх ӗҫӗ-хӗлӗ[тӳрлет | кодне тӳрлет]

1952—1960 ҫулсенче Чӑваш патшалӑх педагогика институтӗнче логикӑпа философи вӗрентекенӗ пулса ӗҫленӗ, 1960—1962 ҫулсенче Чкаловски вӑтам шкулӗн директорӗ, 1962—1970 ҫулсенче Мускав энергетика институчӗн Атӑл филиалӗнче философи вӗрентекенӗ, 1970—1979 ҫулсенче Чӑваш патшалӑх педагогика институчӗн философи кафедрин заведующийӗ, 1983—1993 ҫулсенче Мускаври потребкоопераци университечӗн Шупашкарти филиалӗн философи кафедрин доценчӗ пулса ӗҫленӗ.

1957—1960 ҫулсенче М. В. Ломоносов ячӗллӗ МПУра философи енӗпе аспирантурӑра вӗреннӗ. 1965 ҫулта Хусанти патшалӑх университетӗнче «Материалистическое понимание обратного воздействия психического на соматическое» темӑпа кандидат диссертацине хӳтӗленӗ. 1993 ҫулта М. В. Ломоносов ячӗллӗ МПУра «Психофизическая проблема» темӑпа доктор диссертацине хӳтӗленӗ, 1994 ҫулта философи профессорӗ пулса тӑнӑ. 1993—2011 ҫулсенче И. Н. Ульянов ячӗллӗ ЧПУ философипе ӑслӑлӑх методологи кафедрине ертсе пынӑ, «Ӑслӑлӑхпа техника философийӗ», «Социаллӑ философи» специальноҫсемпе аспирантсемпе докторантсен ӗҫӗсене ертсе пынӑ. Философи ӑслӑлӑхӗсен енӗпе доктор диссертаци канашӗн председателӗ пулнӑ.

Психофизика проблемипе ӑслӑлӑхпа тӗпчев ӗҫне ертсе пынӑ. 30 яхӑн кӗнекепе брошюра, 100 ытла ӑслӑлӑх статйи пичетленӗ.

Э. З. Феизовӑн тӗп ӑслӑлӑх шухӑшӗсем философи пӗлӗвӗн никӗсӗ валли паха пурлӑхӗ пулса тӑнӑ, синергетика, виртуалистика идейисене аталантарма пулӑшнӑ, психологи, социаллӑ философи, методологи предмечӗсем ҫине пысӑк витӗм кӳнӗ, унӑн методологи канашӗсем нейрофизиологипе искусствӑлла интеллект теорийӗ шайӗнче хисепе тивӗҫнӗ. Унӑн пуҫарӑвӗпе регионсем хушшинчи «Цивилизация. Философия. Общество» (2001) тата «Наглядность в познании» (2008) ӑслӑлӑх конференцийӗсем иртнӗ.

Хисепӗсем

Халӑха ҫутта кӑларас ӗҫӗн отличникӗ (1978);
Чӑваш АССРӗн тава тивӗҫлӗ аслӑ шкул ӗҫченӗ (1989);
Чӑваш АССР Аслӑ Канашӗн Хисеп грамоти (1990);
Чӑваш Республикин Патшалӑх Канашӗн Хисеп грамоти (2003);
И. Н. Ульянов ячӗллӗ Чӑваш патшалӑх университечӗн тава тивӗҫлӗ профессорӗ (2004);
Чӑваш Республикин гуманитари ӑслӑлӑхӗсен облаҫӗнчи патшалӑх премийӗн лауреачӗ (2009);
Раҫҫей Федерацин тава тивӗҫлӗ ӑслӑлӑх ӗҫченӗ (2010);
Тӗнчери информатизаци академийӗн чӑн пайташӗ (1995).

Тӗп сочиненисем

Философский анализ психофизической проблемы: автореф. дис. … д-ра филос. наук. М., 1993;
Восприятипе реальность. Шупашкар, 1992;
Пуҫ мими, психика тата физика. М., 1994.
Физика тата сознани. Шупашкар, 2001 (соавторствӑра);
Проекци тата инвариант категорийӗсем (иллюстративлӑ изложенире): учеб. пособие. Шупашкар: Изд-во Чуваш. ун-та, 2009.
Уҫлӑх тата вӑхӑт: вӗренӳ. пособи. Шупашкар: Изд-во Чуваш. ун-та, 2010.
Феномен экстрапроекции в структуре восприятия и мышления. Чебоксары: Изд-во Чуваш. ун-та, 2010.

Каҫӑсем