Хангыль кунӗ
Хангыль кунӗ (Кӑнтӑр Корейӑра 한글날, хангыллаль, КХДР-та 조선글날, чосонгыллаль) — Корейӑра паллӑ тӑвакан хангыль корей ҫырӑвӗн уявӗ. Хангыле 1446 ҫулхи кӗркунне Седжон патша указӗпе усӑ курма пуҫланӑ.
Кӑнтӑр Корейӑра юпан 9-мӗшӗнче (Седжон хушӑва пичетлесе кӑларнӑ кун), Ҫурҫӗртинче кӑрлачӑн 15-мӗшӗнче (алфавита вӗҫне ҫити ҫак кун хатӗрлесе ҫитернӗ тесе шутлаҫҫӗ) палӑртаҫҫӗ.
1991 ҫулчен Хангыль кунӗ Кӑнтӑр Корейӑра канмалли кун пулнӑ, анчах та ӗҫпе тивӗҫтерекен пысӑк предприятисем хистенипе ӗҫлемелли кун туса хунӑ, апла пулин те уява ҫавах палӑртаҫҫӗ.
Хангыль кунне хӑш-пӗр филологсемпе чӗлхеҫӗсем Корей тулашӗнче те палӑртаҫҫӗ, ҫапла май вӗсем тӗнчери алфавитсен пӗрине тӑвакана хисеп тӑваҫҫӗ. Хангыль корей чӗлхин фонологи йӗркишӗн питӗ вырӑнлӑ тесе шутлаҫҫӗ.