Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Шоркина Ирина Леонидовна

Шоркина Ирина Леонидовна (ҫур. 1973 ҫулхи нарӑсӑн 7-мӗшӗ, Хурамалăх) — Раҫҫей тата чӑваш юрӑҫи (лирикӑлла сопрано тата колоратурӑллӑ сопрано), тӗнчери конкурссен лауреачӗ, Чӑваш Республикин тава тивӗҫлӗ артисчӗ.

Пурнӑҫӗпе ӗҫӗ-хӗлӗ

Чӑваш АССРӗн Етӗрне районӗнчи Хурамал ялӗнче ҫуралнӑ.

Ф. П. Павлов ячӗллӗ Шупашкарти музыка училищинчен (вокал вӗрентекенӗ — Агреппина Ивановна Иванова), М. Глинка ячӗллӗ Чулхула патшалӑх консерваторийӗнчен (вокал вӗрентекенӗ — Валерия Андреевна Воронова) вӗренсе тухнӑ[1].

1999—2003 ҫулсенче М. В. Андриахин композиторпа контракт мелӗпе ӗҫленӗ. 2003 ҫултан – Мускав хулин «Москонцерт» продюсер центрӗн юрӑҫи[2].

«Навсегда» (2003) диск, «Белое Откровение» парне дискӗ (2009) кӑларнӑ.

Валерий Сёмин(выр.)чăв. баянистпа хутшӑнса ӗҫлет, Сёмин Шоркина валли ятарласа юрӑсем кӗвӗлет.

Андрей Малахов(выр.)чăв. ертсе пыракан телекӑларӑмсенче пӗрре кана мар хутшӑннӑ, эфирта вырӑс тата чӑваш юррисене шӑрантарнӑ.

2024 ҫулта Н. А. Римский-Корсаров ячӗллӗ Тинӗс-ҫар флочӗн Тӗп концерт оркестрӗпе пӗрле юрлама йыхравланӑ.

«Ребята военные» ансамбль

Александр Владимирович Шеманов баянистпа пӗрле «Ребята военные» ансамбль йӗркеленӗ. Ансамбльпе Сирири ҫар операцийӗ(выр.)чăв. вӑхӑтӗнче темиҫе хут пулнӑ.

2018 ҫулта Раҫҫей Федерацийӗн хӳтӗлев министрӗн С. Шойгун указӗпе Сири Араб Республикинче Раҫҫей ҫар ҫыннисем патне пӗрре мар концертпа пынӑшӑн «Сирири ҫар операцине хутшӑннӑшӑн» медальпе чысланӑ[3].

Ҫавӑн пекех ансамбль аманнӑ ҫар ҫыннисем выртакан госпитальсене, ятарлӑ ҫар операцийӗ(выр.)чăв. пыракан тӑарӑхсене ҫӳрет, ҫарпа патриотизм мероприятийӗсене хутшӑнать.

Обществӑлла ӗҫӗ-хӗлӗ

Раҫҫейри чӑвашсен федераллӑ наци-культура автономийӗн ӗҫ-хӗлне, чӑваш ҫар ҫыннисен «Сыны Отечества» пӗрлӗхӗн мероприятийӗсене хастар хутшӑнать[3].

2017—2021 ҫулсенче Мускав облаҫӗнчи чӑваш наци-культура автономине йӗркелесе ертсе пынӑ.

Хисепӗсемпе ҫитенӗвӗсем

Конкурссенче ҫӗнтернисем

  • Пӗтӗм тӗнчери вокалистсен «Bella voce» конкурсӗн лауреачӗ (1999);
  • Пӗтӗм Раҫҫейри В. Соловьев-Седой ҫуралнӑранпа 100 ҫул ҫитнине асӑнса ирттернӗ мусӑк фестивалӗн лауреачӗ (2007);
  • Пӗтӗм Раҫҫейри «Красота спасёт мир» конкурсӑн Гран-при (2007);
  • Х Тӗнчери «Вместе» телекинофорумӑн «Мисс Очарование» парне лауреачӗ (Ялта, 2009)[2].

Патшалӑх наградисем

  • Чӑваш Республикин тава тивӗҫлӗ артисчӗ (2020);
  • «Сирири вӑрҫӑ операцине хутшӑннӑшӑн» медаль (2018);
  • «Ҫар ӗҫӗсен ветеранӗ» медаль (2020)[2].

Ҫемье

  • Ашшӗ — Леонид Петрович Шоркин, хуткупӑспа хитре каланӑ.
  • Амӑшӗ — Евгения Николаевна Шоркина, хитре юрланӑ, вырӑнти ансамбль ӗҫ-хӗлне хутшӑннӑ.
  • Мӑшӑрӗ — Кузьмин Николай Михайлович, 2021 ҫулта чире пула ҫӗре кӗнӗ.
  • Ачисем — Анастасия тата Александр йӗкӗрешсем.

Ӑнлантарусем

  1. ^ Шоркина, Ирина Леонидовна (певица; 07.02.1973) (выр.). Наследие Чувашии. Национальная библиотека Чувашской Республики. Пӑхнӑ кун: 2025 ҫулхи чӳкӗн 13-мӗшӗ.
  2. ^ 1, 2, 3 Шоркина Ирина. Заслуженная артистка Чувашской республики (вокал) (выр.). Москонцерт. Департамент культуры города Москвы. Пӑхнӑ кун: 2025 ҫулхи чӳкӗн 13-мӗшӗ.
  3. ^ 1, 2 Знакомьтесь, наша землячка: Ирина Шоркина (выр.). Официальный портал органов власти Чувашской Республики. Полномочное представительство Чувашской Республики при Президенте Российской Федерации (21 ҫӑвӑн 2021). Пӑхнӑ кун: 2025 ҫулхи чӳкӗн 13-мӗшӗ.

Вуламалли

  • Шоркина, И. «Москонцерт» прими — Хурамалӑх хӗрӗ Ирина Шоркина : [юрӑҫпа калаҫни] / И. Шоркина // Салам. — 2014. — 5 раштав (№ 24). — С. 10 : сӑн ӳкерчӗк;
  • Шоркина, И. Мускав хыҫҫӑн — Шупашкара / И. Шоркина ; [Н. Георгиева ҫырса илнӗ] // Хыпар. — 2008. — 1 юпа. — С. 3;
  • Шоркина, И. Парижа кайма хатӗрленетпӗр : [«Москонцерт» патшалӑх концерт учрежденийӗн юрӑҫипе Ирина Шоркинапа калаҫни / В. Дмитриев ҫырса илнӗ] // Республика. — 2018. — 31 янв. (№ 4). — С. 5 : сӑн ӳкерчӗк. — (Эпир пулнӑ, пур, пулатпӑр!);
  • Волкова, Р. В. Шоркина Ирина Леонидовна / Р. В. Волкова // Ядринская энциклопедия. — Чебоксары, 2015. — Т. 2 : П-Я. Доп. — С. 280;
  • Знакомьтесь, наша землячка: Ирина Шоркина. — Текст : электронный // Полномочное представительство Чувашской Республики при Президенте Российской Федерации : сайт. — 2021. — 21 мая : фот. — URL: https://polpred.cap.ru/news/2021/05/21/znakomjtesj-nasha-zemlyachka-irina-shorkina (дата обращения: 01.07.2022);
  • Филиппова, Л. Простая сказочная история : [об извест. певице, солистке «Москонцерта» уроженке Ядрин. р-на Ирине Шоркиной] / Л. Филиппова, Т. Иванская // Республика. — 2012. — 22 марта (№ 11/13). — С. 38 : фото;
  • Шишкин, Г. Чудо-голос Ирины Шоркиной / Г. Шишкин // Знамя труда (Ядрин. р-н). — 2008. — 19 нояб. — С. 1;
  • Шоркина, И. Л. В музыке все жанры хороши, кроме скучного / И. Шоркина ; [беседовал С. Кузнецов] // Международный журнал русского зарубежья. — 2009. — № 16 (51). — С. 48-49 : фот. цв.;
  • Шоркина, И. Если жизнь сложилась, словно песня / И. Шоркина ; записал Л. Колпаков ; фото Ф. Евгеньева // Советская Чувашия. — 2015. — 13 марта. — С. 4 : фот.

Каҫӑсем

Категорисем