Ҫӗньял-Покровски вӑтам шкулӗ
Ҫӗньял-Покровски вӑтам шкулӗ — Шупашкар районӗнчи Пархикасси ялӗнче вырнаҫнӑ вӑтам шкул.
Адресӗ: Шупашкар районӗ, Пархикасси ялӗ, ҫамрӑксен урамӗ, 2-мӗш ҫурт, 1-мӗш корпус.
Директорӗ: Митрофанов Валерий Владимирович[1].
Историйӗ
Шкула 1904 ҫулта (нарӑсӑн 29-мӗшӗнче)[2] уҫнӑ. Малтанхи икӗ ҫулӗнче уроксене М.Л. Леонтьев ҫуртӗнче ирттернӗ. Ачасене Ишлей-Покровски чиркӗвӗнчи пачӑшкӑ ывӑлӗ Н.Н. Бехтовский ертсе пынӑ[3].
Шкул уйрӑм ҫурта куҫнӑ хыҫҫӑн ачасене Ефремов Панфил Афанасьевич вӗренме пуҫланӑ. Класра 20-22 ача вӗреннӗ[3].
1961–1962 вӗренӳ ҫулӗ ҫӗнӗ шкул ҫуртӗнче пуҫланнӑ. Кунта ҫичӗ пысӑк класс пӳлӗмӗ, хими тата физика кабинечӗсем, учительсен пӳлӗмӗ тата пионерсем комнати пулнӑ[3].
1963 ҫултанпа шку директорӗ пулса Г. Попов, Н.Н. Баранникова, С.Х. Храмов, М.А. Смирнова ӗҫленӗ[4].
1988 ҫулта сакӑр ҫул вӗрентекен шкултан вӑтам шкул йӗркеленӗ, 1989 ҫулхи раштав уйӑхӗнче ачасем ҫӗнӗ икӗ хутлӑ ҫуртра вӗренме пуҫланӑ[4].
Хальхи вӑхӑт
Шкулӑн пурӗ 13 класс пӳлӗмӗ пур. Унсӑр пуҫне кунта спорт залӗ, тренажер залӗ, компьютер класӗ вырнаҫнӑ. Шкулти вӗренӳ пӳлӗмӗсене хальхи йышши хатӗр-хӗтӗрпе тата курӑмлӑ пособисемпе тивӗҫтернӗ[4].
Шкулта 60 вырӑнлӑ столовӑй пур, унӑн лаптӑкӗ — 88 тӑваткал метр. Вӗри апатпа ачасене «Атлашевски» агрофирма» ТМЯП тивӗҫтерет[5].
Ӑнлантарусем
- ^ Руководство. Руководство (выр.). Синьял-Покровская средняя общеобразовательная школа.
- ^ Основные сведения. Основные сведения (выр.). Синьял-Покровская средняя общеобразовательная школа.
- ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 359. — 505 с.
- ^ 1, 2, 3 З.Е. Филимонова. Энциклопедия Чебоксарского района : Синьял-Покровская средняя общеобразовательная школа (выр.). Энциклопедии. Цифровая библиотека НБ ЧР.
- ^ Организация горячего питания (выр.). Синьял-Покровская средняя общеобразовательная школа.
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 359. — 505 с.