Çул палли
Çул палли — палăртнă хыпара çул куçăмне хутшăнакансене пĕлтерме çул умĕнче лартнă — çул куçăмĕн хăрушсăрлăх техника хатĕрлĕхĕ, стандартланă графика ӳкерчĕкĕ.
2006 çулхи кӑрлач, 1 Раççейре çул светофорĕсемпе йĕрлевĕ паллисен çĕнĕ стандарчĕсене ĕçе кĕртнĕ. Çулсем çинче, çакна пула, 24 çĕнĕ тата 18 улăштарнă паллă пулса тухнă. Вĕсем пурĕ те ПНО çул паллисемпе сигналĕсен конвенципе, çаплах европа стандарчĕсемпе татăçуллă ĕçлеççĕ.
Классификаци
- А уйрăмĕ: Асăрхаттаракан паллăсем. Виç кĕтеслĕ ĕлкĕллĕ. Фон — шурă, ӳкерчĕксем — хура. Хĕрлĕ окантовка. Çул куçăмне хутшăнакансене хăрушлăхсем пирки асăрхаттарать.
- B уйрăмĕ: Маларах куçмалли ирĕк паллисем. Пĕр-пĕрне каçса кайнă çул-йĕрпе хĕсĕк вырăнта усă кураççĕ. Тĕрлĕ ĕлкĕллĕ пулаççĕ.
- C уйрăмĕ: Чаракан тата чараклакан паллăсем. Ĕлки — çавраллă, фон — шурă тĕслĕ, ӳкерчĕксем — хура тĕслĕ. Хăшпĕр ĕçсене тума чараççĕ (тĕслĕхрен, каялла çаврăнма); хăшпĕр транспорт хатĕрĕсене куçма чараççĕ (тĕслĕхрен, тракторсене куçма чараççĕ)
- D уйрăмĕ: Тума хушакан ятарлă паллăсем. Ĕлки — çавра, фон — кăвак, ӳкерчĕксем — шурă. Çул-йĕр куçăмне хутшăнакансене тĕрлĕ ĕç тума, хушаççĕ, тĕслĕхрен пăрăнчăк тĕлĕшне кăтартаççĕ.
- E уйрăмĕ: Тума хушакан ятарлă паллăсем
- F уйрăмĕ: Хыпар паллисем, объект тата сервис паллисем. Çул-йĕр куçăмне хутшăнакансене çул пахалăхне, куçăмăн ярăмĕсем тата ытти пирки те пĕлтереççĕ. Çак паллăсем шутне тĕлĕ тата хушă кăтартăвĕсем, километр паллисем, хула тата юханшыв ячĕсен паллисем кĕреççĕ. Ĕлки — тăваткал е тӳрĕ кĕтеслĕх, фон тĕсĕ яланхилле кăвак (сайра — симĕс), ӳкерчĕксем яланхилле шурă тĕслĕ. Çул куçăмне хутшăнакансене тĕрлĕ пулăшу ĕçĕ: автозаправка станцисем, хăна çурчĕсем, кемпингсем пуррине пĕлтереççĕ. Ĕлки — тӳрĕ кĕтеслĕ, фон тĕсĕ — шурă, ӳкерчĕксен тĕсĕ — хура, окантовка кăвак.
- G уйрăмĕ: Тĕлĕш кăтартăвĕсем тата хыпар-кăтарту паллисем
- H уйрăмĕ: Хушма табличкăсем Малтанхи категорисенчи паллăсемшĕн хушма шутланаççĕ, уйрăммăн ускурмаççĕ. Тĕп паллăсен ĕçĕсене вăхăтпа тĕрĕслетсе кăтартаççĕ (тĕслĕхрен, ĕç кунĕсенче кăна) е вĕсене транспорт хатĕрĕсен хăш категоришĕн çеç палăртаççĕ (тĕслĕхрен, тиевлĕ транспорт валли кăна), е урăх хушма хыпар параççĕ. Ĕлки — тӳрĕ кĕтеслĕ, фонĕ — шурă тĕслĕ, ӳкерчĕксем — хура тĕслĕ, окантовка — хура.