Алексеева Анисса Павловна

	Ҫын пирки
	Алексеева Анисса Павловна
Çуралнă вăхăт	1941 ҫулхи авӑнӑн 16-мӗшӗ (83 ҫулта)
Çуралнă вырăн	Тикеш (Патӑрьел районӗ), Бикшикское сельское поселение[d], Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Гражданлăх	СССР; Раҫҫей Федерацийӗ;
Альма-матер	И.Я. Яковлев ячӗллӗ Чӑваш патшалӑх педагогика университечӗ; Хусан патшалăх университечĕ;

Алексеева Анисса Павловна (1941 ҫулхи авӑнӑн 16-мӗшӗ(19410916), Тикеш, Чкаловски районӗ, Чӑваш АССР) — совет саманинчи тата Раҫҫей чӑваш чӗлхин тӗпчевҫи, филологи ӑслӑлӑхӗсен кандидачӗ (1978). Чӑваш Республикин тава тивӗҫлӗ вӗренӳ ӗҫченӗ (1996).

Кун-ҫулӗ

Анисса Алексеева 1941 ҫулхи авӑн уйӑхӗн 16-мӗшӗнче Чкаловски (халӗ Патӑрьел) районӗнчи Тикеш ялӗнче ҫуралнӑ. Ҫемьере хӗр ҫуралсан ашшӗ-амӑшӗ Мольерӑн «Анисса» пьесине пӑхнӑ хыҫҫӑн ӑна Анисса ят панӑ^[1].

1963 ҫулта Чӑваш патшалӑх педагогика институчӗн (ЧППИ) историпе филологи факультетӗнчен вӗренсе тухнӑ. 1972 ҫулта Хусан университетӗнче аспирантурӑра вӗренсе тухнӑ.

1963–1967 ҫулсенче вырӑс чӗлхи кафедринче ассистент, аслӑ преподаватель пулса ӗҫленӗ. 1967 ҫултанпа Чӑваш патшалӑх университетӗнче — вырӑс чӗлхи, пӗтӗмӗшле тата танлаштаруллӑ-историллӗ чӗлхе пӗлӗвӗн кафедрин доценчӗ. 1978 ҫулта филологи ӑслӑлӑхӗсен кандидачӗн ӑслӑлӑх степеньне илнӗ.

1994 ҫултанпа 2015 ҫулхи кӑрлач уйӑхӗччен^[2] вырӑс чӗлхи ют чӗлхе пек кафедрине ертсе пынӑ^[3].

1996 ҫулта ӑна Чӑваш Республикин тава тивӗҫлӗ вӗренӳ ӗҫченӗ хисеплӗ ятпа чысланӑ.

Вырӑс тата чӑваш чӗлхисене танлаштаруллӑ тӗпчев ӗҫӗсене пичетлесе кӑларнӑ; ют ҫӗршыв ҫыннисене вырӑс чӗлхине вӗрентмелли методика ыйтӑвӗсене хускатнӑ. Унӑн тӗп ӗҫӗсем: «Морфемика частей речи», «Единицы языка и единицы речи», «Из истории приставочного глагольного словопроизводства (на примере образований с об- и о-)», «Русский язык и культура речи» тата ыттисем те.

Харпӑр пурнӑҫ

1988–1993 ҫулсенче Чӑваш Республикин культура министрӗ пулнӑ Геральд Михайлович Алексеевӑн арӑмӗ. Пулас мӑшӑр пӗр институтра вӗреннӗ, анчах ун чухне ҫывӑх хутшӑнман. Аслӑ шкултан вӗренсе тухсан Герольда институтӑн йышӑну комиссине чӗннӗ. Анисса ун чухне преподавательте ӗҫлеме тытӑннӑ^[1].

Анисса Павловнӑпа Герольд Михайлович икӗ хӗрпе пӗр ывӑл пӑхса ӳстернӗ^[1].

Ӑнлантарусем

^ ¹^,²^,³ Елена Атаманова. 74 çулта çава туптама вĕреннĕ (чуваш.). Хыпар (25 Утӑ уйӑхӗн 2015).
^ Кафедра русского языка как иностранного (паллӑ мар). Факультет русской и чувашской филологии и журналистики Чувашского государственного университета. Пӑхнӑ кун: 4 Ака уйӑхӗн 2022. Архивланӑ 7 Пуш уйӑхӗн 2022 ҫул.
^ http://xn--d1abicaihnmk6e2d.xn--80aafhebudawu3c5a9cs.xn--p1ai/a/article/9338.html

Вуламалли

Сосаева А. А. Алексеева Анисса Павловна // Чувашская энциклопедия. — Чебоксары, 2006. — Т. 1.

[:0-1] ¹^,²^,³ Елена Атаманова. 74 çулта çава туптама вĕреннĕ (чуваш.). Хыпар (25 Утӑ уйӑхӗн 2015).

[2] Кафедра русского языка как иностранного (паллӑ мар). Факультет русской и чувашской филологии и журналистики Чувашского государственного университета. Пӑхнӑ кун: 4 Ака уйӑхӗн 2022. Архивланӑ 7 Пуш уйӑхӗн 2022 ҫул.

[3] ttp://xn--d1abicaihnmk6e2d.xn--80aafhebudawu3c5a9cs.xn--p1ai/a/article/9338.html

[1]

[2]

[3]