Алексеев Николай Васильевич (зоотехник)
Алексеев Николай Васильевич (1935 ҫулхи юпан 15-мӗшӗ, Явӑш, Шупашкар районӗ) — чӑваш зоотехникӗ, партипе патшалӑх ӗҫӗсене пурнӑҫлакан[1][2].
Пурнӑҫӗ
1958 ҫулта Чӑваш патшалӑх ял хуҫалӑх институтӗнче аслӑ пӗлӳ илнӗ. 1974 ҫулта Пӗтӗм союзри выльӑх-чӗрлӗх ӗрчетессин ӑслӑлӑхпа тӗпчев институтӗнче, 1982 ҫулта Ҫӗнҫӗпӗрти патшалӑх университетӗнче «Экономикӑри прогнозлани тата малашлӑхлӑ планланин меслечӗсем» специальноҫпе пӗлӗвне ӳстернӗ[1].
1945–1955 ҫулсенче Ишлей районӗнчи «Мичуринец» колхозра ӗҫленӗ. 1956 ҫулта Куйбышев облаҫӗн Шентал районне кӗрекен «Канаш» совхозра вӑй хунӑ, 1958 ҫулта Ишлей районӗнчи Сталин ячӗллӗ колхозра зоотехник пулнӑ. 1958–1959 ҫулсенче вӑл Ишлей райканашӗн ӑратлӑ ыйтӑвӗсемпе ӗҫлекен зоотехник ӗҫне пурнӑҫланӑ. 1959–1960 ҫулсенче Ҫӗрпӳри ял хуҫалӑх выльӑхӗсене искусственнӑй майпа пӗтӗлентерекен станцире зоотехник пулса тӑрӑшнӑ[2].
1962 ҫултанпа 30 ҫул ытла патшалӑх ӗҫӗнче[1]:
- 1962–1967 ҫулсенче Чӑваш АССР ял хуҫалӑх министерствин аслӑ зоотехникӗ;
- 1969–1971 ҫулсенче Чӑваш АССР ял хуҫалӑх министерствин Сӗтпе пахча-ҫимӗҫ совхозӗсен тресчӗн тӗп зоотехникӗ;
- 1974–1979 ҫулсенче КПСС Чӑваш обкомӗн ял хуҫалӑх пай заведующийӗн ҫумӗ;
- 1980–1991 ҫулсенче Чӑваш АССР-ӗн патшалӑх планӗшӗн яваплӑ председатель ҫумӗ;
- 1992–1993 ҫулсенче Чӑваш Республикин суту-илӳпе материаллӑ пурлӑ министрӗ;
- 1993–1996 ҫулсенче Шупашкар район администрацийӗн пуҫлӑхӗн пӗрремӗш ҫумӗ;
Хисепӗсем
Николай Васильевич ҫак хисепсемпе медальсене тивӗҫнӗ[2]:
- СССР ВДНХ бронза медалӗ;
- ВЛКСМ ТК «Ҫӗнӗ ҫӗрсене хута янишӗн» палли.
Ӑнлантарусем
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 44. — 505 с.