Анисимов Алексей Васильевич

Анисимов Алексей Васильевич
Анисимов Алексей Васильевич
Ҫуралнӑ вӑхӑт	1920 ҫулхи акан 4-мӗшӗ
Ҫуралнӑ вырӑн	Новоржевский уезд[d], Псков кĕпĕрни, РСФСР[d];
Вилнӗ вӑхӑт	1992 ҫулхи утӑн 17-мӗшӗ (72 ҫул)
Вилнӗ вырӑн	Черновцы[d], Украина;
Пӑхӑнни	СССР
Ҫар тӗсӗ
Звани	гварди аслă лейтенанчӗ
Часть	1-мĕш Украина фрончĕн 13-мĕш çарĕн 6-мĕш гварди стрелоксен дивизийӗн 34-мĕш гварди артиллери полкĕ
Командӑланӑ	батарея
Вӑрҫӑсем/ҫапӑҫусем	Тăван Çĕршывăн Аслă вăрçи

Анисимов Алексей Васильевич (1920 ҫулхи акан 4-мӗшӗ, Новоржевский уезд^[d], Псков кĕпĕрни — 1992 ҫулхи утӑн 17-мӗшӗ, Черновцы^[d]) — Тӑван Ҫӗршывӑн аслӑ вӑрҫинче 1-мĕш Украина фрончĕн 13-мĕш çарĕн 6-мĕш гварди стрелоксен дивизийӗн 34-мĕш гварди артиллери полкĕн батарея командирĕ, гварди аслă лейтенанчӗ, Совет Союзӗн Паттӑрӗ (10.04.1945)^[1]^[2]^[3].

Пурнӑҫӗпе ӗҫӗ-хӗлӗ

Вӑтам шкулти тӑхӑр класс пӗтернӗ. Хӗрлӗ Ҫар ретӗнче 1940 ҫулхи чӳк уйӑхӗнчен тытӑнса тӑнӑ, Новороссийскри 422-мӗш гаубица артиллери полкӗнче, каярахпа Усть-Лабинскри 17-мӗш запас корпус артиллери полкӗнче отделени командирӗ пулса хӗсметре тӑнӑ. 1942 ҫулхи ҫӗртме уйӑхӗнче Анисимов Прохладный хулинче офицер курсӗсене пӗтерсе кӗҫӗн лейтенант званине илнӗ. Ҫав ҫулхи июль уйӑхӗнченпех фронта ӑсатнӑ.

Чи малтанах Анисимов артиллери взвочӗн командирӗ, унтан артиллери дивизионӗн разведка пуҫлӑхӗ, орудисен батареин командирӗ пулнӑ. Брянск, Тӗп, 1-мӗш Украина фрончӗсен йышӗнче ҫапӑҫусене хутшӑннӑ, икӗ хутчен аманнӑ. 1944 ҫулта ВКП (б) ретне тӑнӑ.

Анисимов Курск ҫапӑҫӑвӗнче Поныри станцине хӳтӗленӗ, Украинӑна (Чернобыле, Коростене, Шосткӑна, Ровнӑна, Дубнона) ирӗке кӑларнӑ.

Анисимов аслӑ лейтенант 1944 ҫулхи кӗркунне Польшӑна ирӗке кӑларнӑ чухне Сандомир плацдармне тытса илнӗ тата тытса чарнӑ чухне ҫапӑҫусенче палӑрнӑ. 1944 ҫулхи чӳкӗн 2-мӗшӗнче ҫӗрле батарейӑна икӗ нимӗҫ пехота роти атакӑланӑ. Батарея атакӑна хӑй вӑйӗпе сирсе яма пултарнӑ. Тепӗр икӗ уйӑхран, 1945 ҫулхи январӗн 15-мӗшӗнче, батарейӑна хирӗҫ нимӗҫ ҫарӗсем Морави районӗнче контратака тунӑ. Атакӑна сирсе янӑ, нимӗҫсен ҫухатӑвӗсем хушшинче — танкпа икӗ штурм орудийӗ. 1945 ҫулхи кӑрлачӑн 26-мӗшӗнче Анисимовӑн батарейи Одер урлӑ каҫса Кебен (халӗ — Хобеня, Польша) хули патӗнче унӑн хӗвеланӑҫ ҫыранӗнче ҫирӗпленсе ларнӑ.

Анисимов Алексей Васильевич — (10. 04. 1945-), Совет Союзӗн Паттӑрӗ,,..

Вӑрҫӑ вӗҫӗнче Анисимов Берлинпа Прага операцийӗсене хутшӑннӑ. Вӑрҫӑ вӗҫленсен тата Германие капитуляциленӗ хыҫҫӑн вӑл Австрири ҫарӑн Тӗп ушкӑнӗнче хӗҫпӑшаллӑ вӑйсен ретӗнче хӗсметре тӑнӑ. 1946 ҫулхи ҫу уйӑхӗнче Анисимов офицер йышне лайӑхлатмалли курссем ирттернӗ. 1946—-1959 ҫулсенче вӑл Беларуҫ вӑрҫӑ тӑрӑхӗн 5-мӗш гварди механизациленӗ ҫарӗнче, 1959—1960 ҫулсенче Ҫурҫӗр тата Ленинград вӑрҫӑ тӑрӑхӗсенче хӗсметре тӑнӑ. 1960 ҫулхи авӑн уйӑхӗнче Анисимов майор запаса тухать. Украинӑри Украинӑри Черновцы хулинче ӗҫлесе пурӑннӑ. 1975 ҫулта ӑна подполковник ятне панӑ. 1992 ҫулхи утӑн 17-мӗшӗнче Анисимов вилнӗ, ӑна Черновцӑсен тӗп ҫӑвинче пытарнӑ.

Паттӑр ҫӑлтӑрпа Ленин орденӗсӗр пуҫне Анисимова 1-мӗш тата 2-мӗш степеньлӗ Тӑван ҫӗршыв вӑрҫин орденӗсемпе, виҫӗ Хӗрлӗ Ҫӑлтӑр орденӗпе, юнашар медальсемпе чысланӑ.

Ӑнлантарусем

^ Анисимов Алексей Васильевич (паллӑ мар). Архивланӑ 2012 ҫулхи ҫӗртмен 16-мӗшӗ.
^ Анисимов Алексей Васильевич (паллӑ мар). Архивланӑ 2012 ҫулхи ҫӗртмен 16-мӗшӗ.
^ Анисимов Алексей Васильевич. Наградной лист. Страницы: 1 (паллӑ мар). 2 (паллӑ мар). 3 (паллӑ мар).

Каçăсем

Анисимов Алексей Васильевич «Ҫӗршыв Паттӑрӗсем» сайтра

[1] Анисимов Алексей Васильевич (паллӑ мар). Архивланӑ 2012 ҫулхи ҫӗртмен 16-мӗшӗ.

[2] Анисимов Алексей Васильевич (паллӑ мар). Архивланӑ 2012 ҫулхи ҫӗртмен 16-мӗшӗ.

[3] Анисимов Алексей Васильевич. Наградной лист. Страницы: 1 (паллӑ мар). 2 (паллӑ мар). 3 (паллӑ мар).

[1]

[2]

[3]