Антонов Иван Николаевич
Антонов Иван Николаевич (1913 ҫулхи юпан 6-мӗшӗ, Волгоград, Сарăту кĕперни — 1943 ҫулхи раштавӑн 16-мӗшӗ, Городок районӗ[d], Витебск облаҫӗ[d]) — Тӑван Ҫӗршывӑн аслӑ вӑрҫинче Совет Союзӗн Паттӑрӗн чысне илнӗ вӑхӑтра 1-мӗш Балтиҫум фрончӗн 11-мӗш гварди ҫарӗн 1-мӗш танк корпусӗн 117-мӗш танк бригадин 326-мӗш танк батальонӗн танк ротин командирӗ, капитан. Совет Союзӗн Паттӑрӗ (24.04.1944)[1][2][3].
Пурнӑҫӗпе ӗҫӗ-хӗлӗ
1913 ҫулхи юпа уйӑхӗн 6-мӗшӗнче Царицын (халӗ Волгоград) хулинче вырӑс рабочи ҫемьинче ҫуралнӑ. Тулли мар вӑтам пӗлӳ илнӗ, электромонтёр пулса ӗҫленӗ.
1937 ҫулта Хӗрлӗ Ҫара чӗннӗ. ВКП (б) пайташӗ 1938 ҫултанпа. 1939 ҫулта кӗҫӗн лейтенантсен курсне вӗренсе пӗтернӗ.
Тӑван Ҫӗршывӑн Аслӑ вӑрҫинче фронтра пӗрремӗш кунӗнченех.
Городок операцийӗ вӑхӑтӗнче палӑрнӑ. 1943 ҫулхи раштавӑн 16-мӗшӗнче 1-мӗш Беларуҫ фрончӗн 3-мӗш гварди танк ҫарӗн 117-мӗш танк бригадин 326-мӗш танк батальонӗн Антонов капитан ертсе пыракан танк роти тӑшманӑн Витебск облаҫӗнчи Городок районӗнчи Меховое, Дрожаки ялӗсем патӗнчи хӳтӗлевне татса аркатма хутшӑннӑ. Бычиха станци таврашӗнче тӑшманӑн ҫавӑрса илнӗ танксен ушкӑнӗ, хӑй тӗллӗн ҫӳрекен артиллери установкисем тата салтакӗсен батальонӗ Быки ялӗ еннелле тухса кайма хӑтланнӑ. И. Н. Антонов хӑйӗн танкӗсене засадӑра вырнаҫтарнӑ та тӑшмана вут-ҫулӑмпа тӗп тунӑ, ункӑран тухма май паман. Хӑй вара ял хӗррине вирхӗнсе кӗнӗ, пысӑк хӑвӑртлӑхпа картишсемпе пахчасем тӑрӑх куҫса, тӑшманӑн вут-хӗм тӗлӗсене гусеницӑпа таптаса лапчӑтма тытӑннӑ. Унӑн танкне персе лектерсен, Н. И. Антонов ун ҫинчен пулемётне илнӗ те, экипажа хӳтӗлесе, оборона йышӑннӑ. И. Н. Антонов ротин танкӗсем тӑшман хӗснине пӗр сехете яхӑн чарса тӑнӑ. Ҫак ҫапӑҫура И. Н. Антонов пуҫ хунӑ.
Быки ялӗ патӗнчи танкистсен ӗҫӗсем тӑшман вӑйӗсене хӑйсем ҫине туртса илнӗ, Бычиха станцинче совет чаҫӗсене атакӑлама май паман, ҫавӑнпа та тӑшманӑн Городок районӗнчи группировкине аркатас тата унӑн ҫурҫӗр пайне хупӑрласа илес тӗлӗшпе ҫапӑҫӑва ӑнӑҫлӑ вӗҫлеме пулӑшнӑ.
Меховое ялӗн (Витебск облаҫӗн Городок районӗ) варринчи ҫар ҫӑвинче пытарнӑ. Совет Союзӗн Паттӑрӗ ятне 1944 ҫулхи акан 24-мӗшӗнче панӑ (вилнӗ хыҫҫӑн).
Хисепӗсем
- Совет Союзӗн Паттӑрӗ (24.04.1944, «Ылтӑн Ҫӑлтӑр» медаль);
- Ленин орденӗ (24.04.1944);
- Тӑван Ҫӗршыв вӑрҫин орденӗн I степенӗ;
- медальсем.
Астӑвӑм
- Беларуҫри Витебск облаҫӗнчи Городок районӗнчи Быки ялӗнчи палӑк вырнаҫтарнӑ.
- Антонов ятне Волгоградри урама панӑ.
- Волгоградра вӑл пурӑннӑ ҫурт ҫине асӑну хӑми вырнаҫтарнӑ.
Ӑнлантарусем
- ^ Антонов Иван Николаевич. Архивланӑ 2012 ҫулхи ҫӗртмен 16-мӗшӗ.
- ^ Антонов Иван Николаевич. Архивланӑ 2012 ҫулхи ҫӗртмен 16-мӗшӗ.
- ^ Антонов Иван Николаевич. Наградной лист. Страницы: 1. Архивланӑ 2012 ҫулхи ҫӗртмен 16-мӗшӗ. 2. Архивланӑ 2012 ҫулхи ҫӗртмен 16-мӗшӗ. 3. Архивланӑ 2012 ҫулхи ҫӗртмен 16-мӗшӗ.
Вуламалли
- Астраханцы — Герои Советского Союза. Астрахань 2000.
- Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
- Прописаны в Волгограде навечно. — Волгоград: Нижн.-Волж. кн. изд., 1975
- Свод памятников истории и культуры Белоруссии / Редколл.: С. В. Марцелев (гл. ред.) и др. — БелСЭ им. Петруся Бровки, 1985. — С. 206, 216, 217.(белар.)
Каçăсем
Антонов Иван Николаевич «Ҫӗршыв Паттӑрӗсем» сайтра
