Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Бочарников Пётр Степанович

Бочарников Пётр Степанович (1907, Мамонтовский район[d] — 1944 ҫулхи акан 14-мӗшӗ, Новоаненский район[d]) — Рабочисемпе хресченсен Хӗрлӗ Ҫарӗн кӗҫӗн лейтенанчӗ, Тӑван Ҫӗршывӑн Аслӑ вӑрҫине хутшӑннӑскер, Совет Союзӗн Паттӑрӗ (1944).

Пурнӑҫӗ

Малтанхи ҫулӗсем

1907 ҫулта Ермачиха ялӗнче (халӗ — Алтай крайӗнчи Мамонтово районӗ) хресчен кил-йышӗнче ҫуралнӑ. Шкулта тӑватӑ класс вӗренсе пӗтернӗ хыҫҫӑн тара кӗрсе укҫа ӗҫлесе илнӗ. 1930 ҫултанпа Казах ССР-ӗнчи Тухӑҫ-Казахстан облаҫӗн Зыряновск хулинче пурӑннӑ. Рудникра, унтан — Бухтарма ылтӑн проснабӗн подсобнӑй хуҫалӑхӗн директорӗ пулса ӗҫленӗ[1]. 1940 ҫулта ВКП(б) ретне кӗнӗ.

Тӑван Ҫӗршывӑн Аслӑ вӑрҫине хутшӑнни

1943 ҫулхи нарӑс уйӑхӗнче ӑна Зыряновск районӗн ҫар комиссариачӗ хӗсмете чӗнсе илнӗ[1]. Андижан хулинчи пехота училищине вӗренсе пӗтернӗ. 1943 ҫулхи юпа уйӑхӗнчен пуҫласа — Тӑван Ҫӗршывӑн Аслӑ вӑрҫи фрончӗсенче. Степной (1943 ҫулхи юпа), 2-мӗш Украина (1944 ҫулхи кӑрлач — нарӑс) тата 3-мӗш Украина (1944 ҫулхи нарӑсран пуҫласа) фрончӗсенче ҫапӑҫнӑ. 1943 ҫулхи юпа уйӑхӗнче контузиленнӗ[1]. Днепр урлӑ каҫнӑ чухне, Кривой Рог тата Николаев хулисене ирӗке кӑларнӑ ҫапӑҫусене хутшӑннӑ[2][3].

1944 ҫулхи ака уйӑхӗ тӗлне Пётр Бочарников кӗҫӗн лейтенант 3-мӗш Украина фрончӗн 57-мӗш ҫарӗн 52-мӗш стрелоксен дивизийӗн 429-мӗш стрелоксен полкӗн взвод командирӗ пулнӑ. Днестр юханшывӗ урлӑ каҫнӑ чухне хӑйне питӗ чаплӑ кӑтартнӑ[1].

Паттӑрлӑхӗ тата вилӗмӗ

1944 ҫулхи ака уйӑхӗн 12-мӗшӗнчен пуҫласа 13-мӗшӗн каҫӗнче Бочарников кӗҫӗн лейтенант хӑйӗн взводӗпе пӗрле, тӑшман пулемётпа миномётран вӑйлӑ перекен вут-ҫулӑм айӗнче, Молдавия ССР-ӗнчи Григориополь районӗнчи Бычок ялӗ патӗнче чи пӗрремӗшсенчен пӗри Днестр урлӑ каҫнӑ та ҫыранӑн пӗр пайне ярса илсе унта ҫирӗпленнӗ. Сулахай ҫыран вӑйлӑ хӳтӗленнӗ пулсан та, вӑл взводне харсӑррӑн атака кӗртнӗ те тӑшман хӳтӗлевне аркатнӑ[1].

Гура-Быкулуй ялӗн (Новоанен районӗ) кӑнтӑр-тухӑҫ енче совет подразделенийӗсене тӑшманӑн икӗ пулемёт персе тӑни малалла кайма чӑрмантарнӑ. Бочарников вӑрттӑн сарай патне шӑвӑнса пынӑ та шала кӗрсе 7 тӑшман салтакне вӗлернӗ. Ҫакӑ хӑйӗн пайне малалла кайма май панӑ. 1944 ҫулхи ака уйӑхӗн 14-мӗшӗнче ҫапӑҫура пуҫне хунӑ[1]. Ӑна Гура-Быкулуй ялӗн тухӑҫ енче пытарнӑ[4].

Хисепӗсем

СССР Аслӑ Канаш Президиумӗ 1944 ҫулхи авӑн уйӑхӗн 13-мӗшӗнче кӑларнӑ Указпа фронтри ҫар хушӑвӗсене тӗслӗхлӗ пурнӑҫланӑшӑн тата кӑтартнӑ харсӑрлӑхпа паттӑрлӑхшӑн Пётр Бочарников кӗҫӗн лейтенантf вилнӗ хыҫҫӑн Совет Союзӗн Паттӑрӗ ятне пама йышӑннӑ. Ҫавӑн пекех ӑна Ленин орденӗпе чысланӑ[1].

Астӑвӑм

  • 1975 ҫулта, Тӑван Ҫӗршывӑн Аслӑ вӑрҫинчи Ҫӗнтерӳ 30 ҫул тултарнӑ ятпа, Зыряновскри Первомайски урамӑн пӗр пайне Бочарников ячӗпе улӑштарнӑ[2].
  • Пӗр ҫурт ҫинче астӑвӑм хӑми вырнаҫтарнӑ[1].

Ӑнлантарусем

  1. ^ 1, 2, 3, 4, 5, 6, 7, 8 Бочарников Пётр Степанович. Герои страны. Пӑхнӑ кун: 2026 ҫулхи ҫӑвӑн 28-мӗшӗ.
  2. ^ 1, 2 Бочарников Пётр Степанович. Бессмертный полк (18 акан 2015). Пӑхнӑ кун: 2026 ҫулхи ҫӑвӑн 28-мӗшӗ.
  3. ^ Бочарников Пётр Степанович. 1941-1945.md. Пӑхнӑ кун: 2026 ҫулхи ҫӑвӑн 28-мӗшӗ.
  4. ^ Бочарников Пётр Степанович. Память народа. Пӑхнӑ кун: 2026 ҫулхи ҫӑвӑн 28-мӗшӗ.

Каçăсем

Темӑпа ҫыхӑннисем

Категорисем