Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Брэд Питт

Брэд Питт (акăл. Brad Pitt; ҫур. 1963 ҫулхи раштавӑн 18-мӗшӗ, Шони[d], Оклахома) — американ кино актёрӗ[4]. «Пӗррехинче Голливудра» фильмри рольшӗн «Оскар» премине тивӗҫнӗ[5]. 2000–2005 ҫулсенче актёр Дженнифер Энистон актрисӑпа мӑшӑрлӑ пурӑннӑ, 2014 ҫулта Анджелина Джоли актрисӑна качча илнӗ[6]. 2022 ҫултанпа Инес де Рамонпа савнилле ҫӳрет[7].

Пурнӑҫӗ

Брэд Питт 1963 ҫулхи раштавӑн 18-мӗшӗнче АПШри Оклахома штатӗнчи Шони хулинче ҫуралнӑ. Питтӑн ашшӗ — Уильям — тиев турттаракан компанире ӗҫленӗ, амӑшӗ, Джейн, шкулта ачасене вӗрентнӗ[4][8]. Брэд Питт аслӑ ача пулнӑ, ҫемьере унсӑр пуҫне тата икӗ кӗҫӗн ача пулнӑ[8].

Ҫемье Миссурине куҫсан арҫын ача тенниспа тата ишессипе кӑсӑланма пуҫланӑ, мюзиклсене хутшӑннӑ. 1982 ҫулта вӑл Миссури Университечӗн журналистикӑпа реклама факультечӗн студенчӗ пулса тӑнӑ, анчах вӗренсе пӗтермен. Вӑл актёр ӑсталӑхне туптама Голливуда тухса кайнӑ. Малтанхи вӑхӑтра вӑл Лос-Анджелесра водитель, сӗтел-пукан грузчикӗ пулса ӗҫленӗ, El Pollo Loco ресторансен реклама хучӗсене валеҫнӗ. Питт ӗҫлесе илнӗ укҫана актёр курсӗсене, хваттершӗн тӳлеме тата йӑлари нуша ҫине тӑкакланӑ[4]. Актёрӑн малтанхи вӗрентекенӗ Рой Лондон пулнӑ[8].

1987 ҫулта актёр Лоуренс Бассоффӑн «Ханк» камитӗнче ӳкерӗннӗ, анчах титрсенче унӑн ятне кӑтартман. Каярах ӑна эпизодлӑ рольсем выляма ҫирӗплетме тытӑннӑ. Ҫапла вӑл «Другой мир», «Вилме ытла та ҫамрӑк», «Джамп Стрит, 21» сериалсенче ӳкерӗннӗ. 1988 ҫулта актёр Божидар Николичӑн «Тёмная сторона Солнца» фильмра тӗп роле вылянӑ, анчах фильм 1997 ҫулта кӑна тухнӑ[4].

1991 ҫулта экрансем ҫине Ридли Скоттӑн «Тельма и Луиза» фильмӗ тухнӑ, Брэдд Питт унта пӗчӗк сӑнара калӑпланӑ. 1994 ҫулта актёр Эдвард Цвикӑн «Легенды осени» фильмӗнче ӳкерӗннӗ. Ҫак ҫултах вӑл «Интервью с вампиром» фильма ӳкерме хутшӑннӑ — Брэд Питт Том Крузпа тата Антонио Бандераспа пӗрле ӗҫленӗ. 1995 ҫулта People американ журналӗн версипе килӗшӳллӗн актёра «чи сексуаллӑ ярҫын» тенӗ[4].

1995 ҫулта Гвинет Пэлтроупа(выр.)чăв. пӗрле Питт «Семь» ятлӑ криминал триллерӗнче ӳкерӗннӗ, «Вуникӗ упӑте» драмӑра вылянӑ. 1996 ҫулта ҫак рольшӗн вӑл «Ылтӑн глобуса» тивӗҫнӗ, ӑна «Оскар» премине илме номинациленӗ[4].

1997 ҫулта Питт Жан-Жак Аннон «Тибетра ирттернӗ ҫичӗ ҫул» фильмӗнче вылянӑ. Унти ӗҫчем Генрих Харрерӑн альпинистӑн чӑн пурнӑҫӗ ҫинче никӗсленнӗ. 1998 ҫулта Питт «Паллашӑр, Джо Блэкс» фильмра, 2000 ҫулта — Гай Ричин «Мӑн кушш» камитӗнче вылянӑ. 2001 ҫулта Стивен Содербергӑн «Оушенӑн вунпӗр тусӗ» криминаллӑ приключениллӗ камитӗнче вылянӑ. 2004 ҫулта «Оушенӑн вуникӗ тусӗ» фильм тухнӑ, 2007 ҫулта — «Оушенӑна вунвиҫӗ», унта Брэд Питт та хутшӑннӑ. 2004 ҫулта Питт прокатра 497,5 миллион доллар пухнӑ «Троя» фильмра ӳкерӗннӗ. 2005 ҫулта экрансем ҫине Даг Лайманӑн(выр.)чăв. «Мистер и миссис Смит» камит тухнӑ. 2006 ҫулта актёр «Вавилон» фильмри рольшӗн «Ылтӑн глобусри» номинацине тивӗҫнӗ. 2008 ҫулта Питт Дэвид Финчерӑн «Загадочная история Бенджамина Баттона» фильмӗнче вылянӑ. 2019 ҫулта Питт «Пӗррехинче Голливудра» фильмра ӳкерӗннӗ, ҫавӑншӑн вӑл «Иккӗмӗш планри чи лайӑх арҫын ролӗ» номиначире BAFTA премине тата «Иккӗмӗш планри чи лайӑх актёр» пек «Оскара» тивӗҫнӗ.

2002 ҫулта Питтпа унӑн Дженнифер Энистон(выр.)чăв. пӗрремӗш арӑмӗ, Брэд Грэйпе пӗрле, Plan B Entertainment компанине никӗсленӗ. Компани «Чарли и шоколадная фабрика» (2005), «Отступники» (2006), «Война миров Z» (2013), «Ярость» (2014), «Окча» (2017) фильмсене продюсерланӑ.

2025 ҫулхи кӑрлач уйӑхӗнче Deadline Дэвид Эйер «Тискер кайӑкӑн чӗри» («Heart of the Beast») боевикпа ӗҫлени ҫинчен пӗлтернӗ, унти тӗп роле Брэд Питт вылямалла[9].

2025 ҫулхи июнӗн 27-мӗшӗнче NBC News Лос-Анджелесри Лос-Фелис районӗнче Брэд Питт актёрӑн ҫуртне ҫӗмӗрсе кӗни ҫинчен пӗлтернӗ. Полици 2025 ҫулхи ҫӗртмен 19-мӗшӗнче каҫхине чӳречене ҫӗмӗрсе ҫурта кӗнине ҫирӗплетнӗ, ун чухне хуҫи килте пулман. Вӑрӑсем актёӑн япалисене вӑрланӑ, мӗн чухлӗ сиен кӳнине палӑртман. Ҫурта Питт 2023 ҫулхи ака уйӑхӗнче 5,5 млн долларпа туяннӑ. 2025 ҫулхи ҫу уйӑхӗнче унӑн малтанхи арӑмӗн Дженнифер Энистонӑн ҫуртне те вӑрӑсем кӗнӗ пулнӑ[10].

2025 ҫулхи ҫурла уйӑхӗнче «Формула-1»(выр.)чăв. блокбастера официаллӑ майпа Брэд Питт фильмографийӗнчи чи нумай укҫа пуҫтарнӑ фильм тесе ҫирӗплетнӗ[11].

2025 ҫулхи ҫурлан 6-мӗшӗнче Брэд Питт Лос-Анджелесра The Killers Дэйв Кюнинг(выр.)чăв. гитаристпа унӑн арӑмӗн Эмили Кюнингӑн ҫуртне 12 млн долларпа туяннӑ. Испани стилӗллӗ ҫурт Голливуд сӑрчӗсенче вырнаҫнӑ, унта ултӑ ҫывӑрмалли пӳлӗм, бассейн, барбекю вырӑнӗ тата пахча пур. Кюнингсем ӑна 2021 ҫулта 9,6 млн долларпа туяннӑ, 2025 ҫулхи ҫӗртме уйӑхӗнче 14 млн долларта ытла хакпа сутма тӑратнӑ[12].

2026 ҫулта актёр хӑйӗн чи паллӑ ролӗсенчен пӗри патне — афёрӑсем пирки каласа паракан «Оушенӑн вунтӑватӑ тусӗ» фильмри Расти Райан ролӗ патне — таврӑнма шутлать[13].

Интереслӗ фактсем

Брэд Питтӑн мотоциклсен пуххи пур.

undefined

2024 ҫулхи ҫурла уйӑхӗнче GQ журнал 2014 ҫулта пӗчӗк тиражпа кӑларнӑ «Мир» ятлӑ Раҫҫей мотоциклӗ ҫинче Брэд Питтпа Джордж Клуни сӑнне пичетлесе кӑларнӑ[14].

2025 ҫулхи кӑрлач уйӑхӗнче Брэд Питт ячӗпе усӑ курса ултавҫӑсем 53-ри француженкӑна 830 пин евролӑх улталанӑ. Вӑл Брэд Питтпа хутшӑнура пулнӑ имӗш, вӑхӑтран вӑхӑта ӑна укҫа куҫарса тӑнӑ, ҫав шутра пӳре шывҫҫинчен сипленме те. Питт ӑна пульницӑран искусствӑлла интеллект хатӗрленӗ сӑнсем ярса тӑнӑ, качча тухма сӗннӗ. Француженкӑна ултавҫӑсен серепине лекни ҫинчен асӑрхаттарнӑ, анчах та вӑл хӑйне улталанине актёрӑн чӑн сӑнне курсан кӑна ӗненнӗ. Ултавҫӑсен ӗҫне актёр хӑй сивленӗ[15].

Харпӑр пурнӑҫӗ

2000–2005 ҫулсенче Брэд Питт Дженнифер Энистон актрисӑпа мӑшӑрланса пурӑннӑ. 2014 ҫулта вӑл 2016 ҫулта уйрӑлу процессне пуҫланӑ Анджелина Джолие качча илнӗ. 2024 ҫулхи раштавӑн 30-мӗшӗнче Брэд Питтпа Анджелина Джоли мӑшӑрлану процесне вӗҫлесси пирки килӗшӳ тунӑ[16].

Питтӑн виҫӗ усрава илнӗ ача пур — Мэддокс, Пакс тата Захара. 2006 ҫулта Джолипе Питтӑн Шайло хӗрача ҫуралнӑ, 2008 ҫулта — Нокс тата Вивьен[6].

2022 ҫулхи кӗркунне Брэд Питт хӑйӗнчен 29 ҫул кӗҫӗнрех Инес де Рамонпа тӗл пулма пуҫланӑ, вӑл Уэсли Пол(выр.)чăв. актёрӑн арӑмӗ пулнӑ[17]. 2024 ҫулхи юпа уйӑхӗнче вӗсем мӑшӑрланма палӑртни паллӑ пулса тӑнӑ, анчах ҫакна вӗсен пӗрлехи ачи ҫуралсан кӑна тӑвасси ҫинчен пӗлтернӗ[18][19].

Фильмографи

Ҫул Чӑвашла ячӗ Оригиналлӑ ячӗ Роль
1987 ф Нейтральная полоса No Man's Land официант
1987 ф Меньше, чем ноль Less Than Zero кану каҫӗсене ҫӳрекен
1987 с Проблемы роста Growing Pains Джефф
1987 с Даллас Dallas Рэнди
1987 с Другой мир Another World Крис
1988 ф Тёмная сторона Солнца The Dark Side of the Sun Рик Клейтон
1989 ф Счастливы вместе Happy Together Брайан
1989 ф Сокращая класс Cutting Class Дуайт Ингаллс
1989 с Президент класса Head of the Class Чак
1989 с Кошмары Фредди Freddy's Nightmares Рик Остин
1990 тф Картина The Image Стив Блэк
1990 тф Слишком молода, чтобы умереть? Too Young To Die? Билли Кэнтон
1990 с Дни славы Glory Days Уокер Лавджой
1991 ф Гонки по кругу Across the Tracks Джо Мэлоуни
1991 ф Джонни Замша Johnny Suede Джонни Замша
1991 ф Тельма и Луиза Thelma & Louise Джей Ди
1992 ф Контакт Contact Кокс
1990 с Байки из склепа Tales from the Crypt, «King of the Road» Билли
1992 ф Параллельный мир Cool World Фрэнк Харрис детектив (сасӑлани)
1992 ф Там, где течёт река A River Runs Through It Пол Маклин
1993 ф Калифорния Kalifornia Эрли Грейс
1993 ф Настоящая любовь True Romance Флойд
1994 ф Услуга The Favor Эллиотт Фоулер
1994 ф Интервью с вампиром Interview with the Vampire: The Vampire Chronicles Луи де Пон дю Лак
1994 ф Легенды осени Legends of the Fall Тристан Ладлоу
1995 ф Семь Seven (Se7en) детектив Дэвид Миллс
1995 ф 12 обезьян 12 Monkeys Джеффри Гоинс
1996 ф Спящие Sleepers Майкл Салливан
1997 ф Собственность дьявола The Devil’s Own Фрэнсис «Фрэнки» Остин Макгайр / Рори Дивани
1997 ф Семь лет в Тибете Seven Years in Tibet Генрих Харрер
1998 ф Знакомьтесь, Джо Блэк Meet Joe Black Джо Блэк / кофейньӑри ҫын
1999 ф Бойцовский клуб Fight Club Тайлер Дёрден
1999 ф Быть Джоном Малковичем Being John Malkovich камео
2000 ф Большой куш Snatch Микки О’Нил
2000 с Чудаки Jackass камео
2001 ф Мексиканец The Mexican Джерри Уэлбах
2001 ф Шпионские игры Spy Game Том Бишоп
2001 ф Одиннадцать друзей Оушена Ocean's Eleven Расти Райан
2001 с Друзья Friends Уилл Колберт
2002 ф Во всей красе Full Frontal камео
2002 ф Признания опасного человека Confessions of a Dangerous Mind Брэд, 1-мӗш хусах
2003 мф Синдбад: Легенда семи морей Sinbad: Legend of the Seven Seas Синдбад
2003 мс Царь горы King Of The Hill Patch Boomhauer
2003 ф Эбби Сингер Abby Singer камео
2004 ф Троя Troy Ахиллес
2004 ф Двенадцать друзей Оушена Ocean's Twelve Расти Райан
2005 ф Мистер и миссис Смит Mr. & Mrs. Smith Джон Смит
2006 ф Вавилон Babel Ричард
2007 ф Тринадцать друзей Оушена Ocean's Thirteen Расти Райан
2007 ф Как трусливый Роберт Форд убил Джесси Джеймса The Assassination of Jesse James by the Coward Robert Ford Джесси Джеймс
2008 ф После прочтения сжечь Burn After Reading Чед Фельдхаймер
2008 ф Загадочная история Бенджамина Баттона The Curious Case of Benjamin Button Бенджамин Баттон
2009 ф Бесславные ублюдки Inglourious Basterds Альдо Рейн лейтенант
2010 мф Мегамозг Megamind Мачомен
2011 ф Древо жизни The Tree of Life О’Брайен мистер
2011 ф Человек, который изменил всё Moneyball Билли Бин
2011 мф Делай ноги 2 Happy Feet Two криль Уилл
2011 кӗск. Печать зла Touch of Evil ӑссӑр ҫын
2012 ф Ограбление казино Killing Them Softly Джеки Коган
2013 ф Война миров Z World War Z Джерри Лейн
2013 ф 12 лет рабства 12 Years a Slave Басс
2013 ф Советник The Counselor Вестрэй
2014 ф Ярость Fury «Ҫар Ашшӗ» Дон Колльер штаб-сержант
2015 ф Лазурный берег By the Sea Роланд
2015 кӗск. Пробы The Audition хӑйне хӑй вылять
2015 ф Игра на понижение The Big Short Бен Риккерт
2016 док Путешествие времени Voyage of Time калавҫӑ
2016 ф Союзники Allied Макс Ватан
2017 ф Машина войны War Machine Глен Макман генерал
2018 ф Дэдпул 2 Deadpool 2 Телфорд Портер / Курӑнман ҫын
2019 ф Однажды в Голливуде Once Upon a Time in Hollywood Клифф Бут
2019 ф К звёздам Ad Astra Рой Макбрайд
2022 ф Затерянный город The Lost City Джек Трейнер
2022 ф Быстрее пули Bullet Train Уяр
2022 ф Вавилон Babylon Джек Конрад
2024 ф Волки Wolves[20][8][20]
TBA ф Формула 1 F1 Сонни Хейс
TBA ф Приключения Клиффа Бута The Adventures of Cliff Booth Клифф Бут

Ӑнлантарусем

  1. ^ Brad Pitt // Filmportal.de — 2005.
  2. ^ Brad Pitt // Brockhaus Enzyklopädie (нем.) / Hrsg.: Bibliographisches Institut & F. A. Brockhaus, Wissen Media Verlag
  3. ^ LIBRIS — 2018.
  4. ^ 1, 2, 3, 4, 5, 6 Питт, Брэд. ТАСС. Пӑхнӑ кун: 2025 ҫулхи чӳкӗн 7-мӗшӗ.
  5. ^ Brad Pitt, American actor. Brad Pitt, American actor. Пӑхнӑ кун: 2025 ҫулхи чӳкӗн 7-мӗшӗ.
  6. ^ 1, 2 Алина Серегина. Энистон рассказала о тщетных попытках забеременеть и уходе Питта к Джоли. Газета.ru (9 чӳкӗн 2022). Пӑхнӑ кун: 2025 ҫулхи чӳкӗн 7-мӗшӗ.
  7. ^ Брэда Питта заметили в компании бывшей жены Пола Уэсли. Тӗрӗсленӗ: 2025 ҫулхи чӳкӗн 7-мӗшӗ.
  8. ^ 1, 2, 3, 4 Брэд Питт. The Voice Mag. Пӑхнӑ кун: 2025 ҫулхи чӳкӗн 7-мӗшӗ.
  9. ^ Брэд Питт снимется в боевике «Сердце зверя» от режиссера «Отряда самоубийц». soyuz.ru (24 кӑрлачӑн 2025). Пӑхнӑ кун: 2025 ҫулхи чӳкӗн 7-мӗшӗ.
  10. ^ NBC сообщил об ограблении дома Брэда Питта в Лос-Анджелесе. Тӗрӗсленӗ: 2025 ҫулхи чӳкӗн 7-мӗшӗ.
  11. ^ «Формула-1» стала самым кассовым фильмом в карьере Брэда Питта. Тӗрӗсленӗ: 2025 ҫулхи чӳкӗн 7-мӗшӗ.
  12. ^ Брэд Питт купил у гитариста The Killers дом за $12 млн в Лос-Анджелесе. Тӗрӗсленӗ: 2025 ҫулхи чӳкӗн 7-мӗшӗ.
  13. ^ George Clooney Says ‘Ocean’s 14’ Budget ‘Just Got Approved’ and ‘We’ll Probably Start’ Filming Next Year; Brad Pitt, Julia Roberts and More Likely to Return (англ.). variety.com (8 юпан 2025). Пӑхнӑ кун: 2025 ҫулхи чӳкӗн 7-мӗшӗ.
  14. ^ Брэд Питт и Джордж Клуни прокатились на российском мотоцикле (2024-08-14). Тӗрӗсленӗ: 2025 ҫулхи чӳкӗн 7-мӗшӗ.
  15. ^ Француженка отдала €830 тыс. на «лечение Брэда Питта». iz.ru (15 кӑрлачӑн 2025). Пӑхнӑ кун: 2025 ҫулхи чӳкӗн 7-мӗшӗ.
  16. ^ Брэд Питт и Анджелина Джоли после тяжб договорились о завершении развода (2024-12-31). Тӗрӗсленӗ: 2025 ҫулхи чӳкӗн 7-мӗшӗ.
  17. ^ Брэда Питта заметили в компании бывшей жены Пола Уэсли. Тӗрӗсленӗ: 2025 ҫулхи чӳкӗн 7-мӗшӗ.
  18. ^ Брэд Питт и Инес де Рамон решили отложить свадьбу до появления на свет ребенка. Тӗрӗсленӗ: 2025 ҫулхи чӳкӗн 7-мӗшӗ.
  19. ^ Названа причина, по которой Брэд Питт решил отложить свадьбу с возлюбленной - Газета.Ru | Новости. Тӗрӗсленӗ: 2025 ҫулхи чӳкӗн 7-мӗшӗ.
  20. ^ 1, 2 Brad Pitt. IMDB.com. Пӑхнӑ кун: 2025 ҫулхи чӳкӗн 7-мӗшӗ.

Темӑпа ҫыхӑннисем

Категорисем