Вырӑсла версиЯтарлӑ проектсем
Сӑна ӗнерлеЧӗлхе суйлаИнформаци
РУВИКИ ҪИНЧЕН

Быков Михаил Иванович

РУВИКИ-ре ҫак хушаматлӑ ытти ҫынсем пирки те статьясем пур: Быков.

Михаил Иванович Бы́ков (1903 ҫулхи чӳкӗн 1-мӗшӗ, Дмитриевская Слобода[d], Городской округ Муром[d] — 1940 ҫулхи нарӑсӑн 26-мӗшӗ, Финлянди) — Совет Союзӗн Паттӑрӗ, 17-мӗш мотострелоксен дивизийӗн штабӗн разведка уйрӑмӗн пуҫлӑхӗн пулӑшуҫи, лейтенант.

Пурнӑҫӗ

1903 ҫулхи чӳкӗн 1-мӗшӗнче Улатимӗр облаҫне кӗрекен Муром хулинчи Дмитриева Слобода ялӗнче ҫуралнӑ. Вырӑс. ВКП(б) членӗ. Успенскинчи выльӑх-чӗрлӗх ӗрчетекенсен техникумне вӗренсе пӗтернӗ. 1928—1930 ҫулсенче Байкалхыҫри дивизин стрелоксен полкӗнче хӗсметре тӑнӑ, Китай-Тухӑҫ чукун ҫулӗнчи (КВЖД) ҫапӑҫусене хутшӑннӑ[1].

1930 ҫулта Чулхула (вӑл вӑхӑтра Горький) хулине куҫнӑ, унта 10 ҫул яхӑн агроном-зоотехник пулса ӗҫленӗ. 1939 ҫулта ял хуҫалӑх институтне вӗренме кӗнӗ[2].

Совет-финн вӑрҫине хутшӑннӑ. Ҫурҫӗр-Хӗвеланӑҫ фрончӗн 13-мӗш ҫарне кӗрекен 17-мӗш мотострелоксен дивизийӗн штабӗн разведка уйрӑмӗн пуҫлӑхӗн пулӑшуҫи Быков лейтенант 1940 ҫулхи нарӑсӑн 15-мӗшӗнче Пуннус-Йоки (халӗ Красная) юханшывӗ патӗнчи ҫапӑҫура разведка ушкӑнӗн командирӗ пулса тӑнӑ. Хупӑрлава лексен, икӗ талӑк хушши ҫапӑҫнӑ. Хӑйсен чаҫӗсем пырса ҫитсен кӑна Быков ертсе пыракан ушкӑн ҫухатусемсӗр каялла чакнӑ[3].

1940 ҫулхи нарӑсӑн 26-мӗшӗнче Салменкайта (халӗ Булатная) юханшывӗ патӗнчи ҫирӗплетнӗ района ҫурса кӗрес умӗн Быков лейтенант хӑй ирӗкӗпе тӑшман ДОТ-не пӗтерме кайнӑ. Тӑшман вӑйлӑ пенӗ пулин те, вӑл ДОТ ҫине хӑпарса хӗрлӗ ялав вырнаҫтарнӑ, ытти салтаксемпе пӗрле ӑна ярса илнӗ. Ҫак ҫапӑҫура вӑл вилмелле аманнӑ. Унӑн ушкӑнӗ ДОТ-а ярса илни тӑшманӑн тимӗр-бетон хӳтлӗхне ҫурса кӗме май туса панӑ[3].

Малтан Карел пымакӗнчи Коски урочищи патӗнче пытарнӑ[4]. Кайран Ленинград облаҫӗнчи Выборг районӗнчи Красносельское поселокӗнчи 17-мӗш тӑванла масарӗнче куҫарса пытарнӑ[1].

Хисепӗсем

Астӑвӑм

  • Дмитриева Слобода ялӗнче тата Муром хулинчи урамсене унӑн ятне панӑ[5].
  • Чулхула хулинче вӑл пурӑннӑ ҫурт ҫинче асӑну хӑми уҫнӑ[2].
  • Дмитриева Слобода ялӗнче асӑну хӑмипе палӑк вырнаҫтарнӑ[1].
  • 2007 ҫулта Муром хулинчи Якиманская Слобода шкулне Быков ятне панӑ тата асӑну хӑми вырнаҫтарнӑ[6].
  • Ленинград облаҫӗнчи Приозерск районне кӗрекен Быково поселокне Паттӑр ятне панӑ, унта асӑну палли вырнаҫтарнӑ[1].

Ӑнлантарусем

  1. ^ 1, 2, 3, 4, 5, 6 Быков Михаил Иванович. Герои страны. Пӑхнӑ кун: 2026 ҫулхи авӑнӑн 25-мӗшӗ.
  2. ^ 1, 2 Быков М.И. (1903—1940). Открытый текст. Пӑхнӑ кун: 2026 ҫулхи авӑнӑн 25-мӗшӗ.
  3. ^ 1, 2 Быков Михаил Иванович. Книга Памяти Северо-Западного федерального округа. Пӑхнӑ кун: 2026 ҫулхи авӑнӑн 25-мӗшӗ.
  4. ^ Быков Михаил Иванович. Герои Выборгской земли. Пӑхнӑ кун: 2026 ҫулхи авӑнӑн 25-мӗшӗ.
  5. ^ Улицы помнят героев. Жители Мурома увековечили имена участников ВОВ. АиФ-Владимир. Пӑхнӑ кун: 2026 ҫулхи авӑнӑн 25-мӗшӗ.
  6. ^ Увековечена память Героя Советского Союза Михаила Быкова. ИА REGNUM (26 акан 2007). Пӑхнӑ кун: 2026 ҫулхи авӑнӑн 25-мӗшӗ.

Каҫӑсем

Темӑпа ҫыхӑннисем

Категорисем