Вертикаль (сӑрт-ту центрӗ)

Вертикаль — Шупашкар хула чиккинче вырнаҫнӑ сӑрт-ту центрӗ. Хула ҫыннисем кунта сноубордпа тата сӑрт-ту йӗлтӗрӗсемпе ярӑнма пултараҫҫӗ.

Сӑрт-ту центрӗн адресӗ: Шупашкар хули, Энергетиксен урамӗ, 1А. Центр 14 сехетрен пуҫласа 18 сехетччен ӗҫлет. Канмалли кунсенче 10 сехетрен ӗҫлеме пуҫлать^[1].

Cӑрт-ту центрӗ Шупашкарти сӳнмен ҫулӑм патӗнче вырнаҫнӑ, ку вырӑна 1990-мӗш ҫулсенчех хӑтлӑлатма пуҫланӑ^[2]. Унӑн икӗ трасса пур, кашнипе юнашар бугельлӗ подъемник пур — унпа усӑ курса сӑрт-ту йӗлтӗрӗпе ярӑнма юратакансем тата сноубордистсем аялтан ҫӳле хӑпарма пултараҫҫӗ. Юра куллен ратракпа хытараҫҫӗ.

Ярӑнма килекенсем йӗлтӗрсемпе сноубордсене, ҫавӑн пекех ятарлӑ тумтирпе пушмака тара илме пултараҫҫӗ. Юнашар пысӑках мар кафе пур: унта ҫырткаласа илме пулать, хӑнасем унта вӗри апатпа хӑналанайраҫҫӗ^[3].

Центрта опытлӑ инструктор пур — уйрӑм хакпа вӑл ҫынсене сӑрт-ту йӗлтӗрӗпе ярӑнма вӗрентме пултарать.

Хӗлле кунта сӑрт-ту спорчӗ енӗпе ӑмӑртусем те иртеҫҫӗ^[4]. Лана Прусаковӑпа Дмитрий Мулендеев ку трассӑпа кулленех усӑ кураҫҫӗ. Вӗсем хӑйсем ярӑннисӗр пуҫне, опыт пухнисӗр пуҫне, ыттисем валли ӑсталӑх класӗсем те ирттереҫҫӗ^[5].

Пӗр трассӑн вӑрӑмӑшӗ — 400 метр (теприсем 600 метр теҫҫӗ^[3]). Чи ҫӳллӗ тата чи аялти точкӑсем хушши — 100 метр. Сӑрчӗ самай чӑнкӑ^[1].

Тепӗр трасса 100 метр тӑсӑлать. Вӑл ытларах енӗпе йӗлтӗр ҫине тин кӑна тӑнисем валли.

Сӗве сӑрчӗсем

Горнолыжный центр «Вертикаль»

[:0-1] ¹^,² https://visitvolga.ru/things-to-do/leisure/skiing-and-snowboarding/

[2] ttps://cheb.media/2019/02/15/obzor-zimnie-zabavy/

[:1-3] ¹^,² https://snowrock.ru/volga/vertikal

[4] ttps://forum.na-svyazi.ru/?showtopic=1988198&st=30&p=17706076#entry17706076

[5] ttps://forum.na-svyazi.ru/?showtopic=2021903&st=45&p=15818842#entry15818842

[1]

[2]

[3]

[4]

[5]

Вертикаль (сӑрт-ту центрӗ)

Центр пирки

Ярӑнмалли тӑвайккисем

Ҫавӑн пекех пӑхӑр

Ӑнлантарусем

Каҫӑсем

Категорисем