Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Волков Иван Архипович

РУВИКИ-ре ҫак хушаматлӑ ытти ҫынсем пирки те статьясем пур: Волков.

Волков Иван Архипович [1] (1914, Казаткуль[d] — 1942 ҫулхи акан 14-мӗшӗ, Подпорожье[d], Ленинград облаçĕ) — Тӑван Ҫӗршывӑн аслӑ вӑрҫине хутшӑннӑ совет офицерӗ, Совет Союзӗн Паттӑрӗ (22.02.1943)[2] [3] [4][5]. Совет Союзĕн Паттăрĕн чысне илнĕ вăхăтра 7-мĕш уйрăм çарăн 114-мĕш стрелоксен дивизийӗн 536-мĕш стрелоксен полкĕн стрелоксен батальонĕн командирĕ, аслă лейтенант.

Пурнӑҫӗпе ӗҫӗ-хӗлӗ

1914 ҫулта Томск кӗпӗрнинчи Каинск уесӗнчи Казаткуль ялӗнче хресчен ҫемйинче ҫуралнӑ. Тулли мар вӑтам шкултан вӗренсе тухнӑ, унтан хресчен хуҫалӑхӗнче тата колхозра ӗҫленӗ. 1933 ҫултанпа И. А. Волков Казаткуль ял канашӗн секретарӗ пулнӑ. Унтан Кузбаса (ун чухне Новосибирск облаҫне кӗнӗ, халӗ Кемӗр облаҫне) куҫса кайнӑ, унта стройкӑсенче, кайран Кемӗр азотпа тук заводӗнче (халӗ «Химпром» производство пӗрлешӗвӗ) ӗҫленӗ.

1936 ҫулта ӑна Рабочисемпе хресченсен Хӗрлӗ Ҫарне хӗсмете илнӗ. Кӗҫӗн лейтенантсен курсне вӗренсе пӗтернӗ. Халхин-Голри ҫапӑҫусене 1939 ҫулта хутшӑннӑ. Байкал лешьен ҫар округӗнче хӗсметре тӑнӑ.

undefined

1941 ҫулхи юпа уйӑхӗнчен пуҫласа — Тӑван Ҫӗршывӑн Аслӑ вӑрҫин фрончӗсенче. Ладога тата Онега кӳллисем хушшинче финн ҫарӗсене хирӗҫ ҫапӑҫнӑ. Малтан пулемётчиксен ротин командирӗ пулнӑ, унтан вӑхӑт ҫитиччен маларах аслӑ лейтенант званине панӑ, 7-мӗш уйрӑм ҫарӑн 114-мӗш стрелоксен дивизин 536-мӗш стрелоксен полкӗн стрелоксен батальонӗн командирне ҫирӗплетнӗ.

undefined

Ленинград облаҫӗнчи Подпорожье посёлокӗ районӗнче 1942 ҫулхи ака уйӑхӗнче тапӑну операцийӗ вӑхӑтӗнче пысӑк паттӑрлӑх кӑтартнӑ. Волков батальонӗ финн ҫарӗсен хытӑ ҫирӗплетнӗ «Фигурная» ҫӳллӗшӗнчи тӗрев пунктне ярса илме тӗллев тытнӑ. 1942 ҫулхи акан 11-мӗшӗнче боецсем 5 финн дзотӗнчен тӳрех персе тӑракан пулемёт вучӗ айне выртнӑ. Волков вӗсенчен пӗрне хӑй тӗп тунӑ, хӑйне пӑхӑнса тӑракансене харпӑр тӗслӗх кӑтартнӑ. Опорнӑй пункта тытса илнӗ. Ҫапӑҫура Волков батальонӗ финн батальонӗн штабне аркатнӑ, тӑшманӑн 48 салтакӗпе офицерне тӗп тунӑ, 10 пулемётпа 1 склада ярса илнӗ. Акан 12—14-мӗшӗнче батальон тӑшманӑн татти-сыпписӗр контратакисене сирнӗ. 15 хӗрлӗармеец ҫеҫ чӗрӗ юлсан, Волков хӑй станок пулемётӗнчен пеме тытӑннӑ, тӑшманӑн 60 яхӑн салтакӗпе офицерне вӗлернӗ. 1942 ҫулхи ака уйӑхӗн 14-мӗшӗнче вӑл ҫапӑҫура пуҫ хунӑ. Волковпа унӑн батальонӗ тӑшманӑн 600 яхӑн салтакӗпе офицерне тӗп туса ҫӳллӗшне сыхласа хӑварнӑ[6].

undefined

Хисепӗсем

  • СССР Аслӑ Канашӗн Президиумӗн 1943 ҫулхи нарӑсӑн 22-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Волков Иван Архипович аслӑ лейтенанта Ленин орденӗпе тата «Ылтӑн Ҫӑлтӑр» медальпе чысласа Совет Союзӗн Паттӑрӗ хисеплӗ ят панӑ (вилнӗ хыҫҫӑн)[7].
  • «Хӑюлӑхшӑн» медаль[6].

Аставӑм

  • Волков бюстне Подпорожье хулинче вырнаҫтарнӑ;
  • Паттӑр ҫуралнӑ Казаткуль ялӗнче бюст вырнаҫтарнӑ;
  • Кемӗр азотпа тук завочӗ пулнӑ ҫурт ҫине асӑну хӑми вырнаҫтарнӑ;
  • Казаткульти шкула Паттӑр ятне панӑ;
  • Кемӗр хулинчи урам Паттӑр ячӗпе хисепленет;
  • Подпорожье хулинчи пер урама Паттӑр ятне панӑ;
  • Ленинград облаҫӗнчи Подпорожье районӗнчи Шеменичи ялӗнче палӑк вырнаҫтарнӑ[6].

Ӑнлантарусем

  1. ^ Сайтра az-libr.ru — Вилков Иван Архипович. Архивланӑ 2012 ҫулхи ҫӗртмен 23-мӗшӗ. йӑнӑш ҫырнӑ. Волков Иван Архипович ҫинчен ҫырнине кӗнекен 279-мӗш страницинче вуламалла: «Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.»
  2. ^ Волков Иван Архипович. Архивланӑ 2012 ҫулхи ҫӗртмен 23-мӗшӗ.
  3. ^ Волков Иван Архипович. Архивланӑ 2012 ҫулхи ҫӗртмен 13-мӗшӗ.
  4. ^ Волков Иван Архипович. Награда хучĕ. Страницы: 1. Архивланӑ 2012 ҫулхи ҫӗртмен 13-мӗшӗ. 2. Архивланӑ 2012 ҫулхи ҫӗртмен 13-мӗшӗ. 3. Архивланӑ 2012 ҫулхи ҫӗртмен 13-мӗшӗ.
  5. ^ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 22 февраля 1943 года // Ведомости Верховного Совета Союза Советских Социалистических Республик : газета. — 1943. — 23 февраля (№ 9 (215)). — С. 1
  6. ^ 1, 2, 3 Антон Бочаров. Волков Иван Архипович (выр.). Герои страны. Пӑхнӑ кун: 2026 ҫулхи пушӑн 18-мӗшӗ.
  7. ^ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 22 февраля 1943 года // Ведомости Верховного Совета Союза Советских Социалистических Республик : газета. — 1943. — 23 нарӑсӑн (№ 9 (215)). — . 2021 ҫулхи чӳкӗн 19-мӗшӗнче архивланӑ.

Вуламалли

  • Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
  • Герои Советского Союза — кузбассовцы. — Кемерово, 2006.
  • Земля Героев. — Кемерово, 1978.
  • Новосибирцы — Герои Отечества. — Новосибирск, 2010.
  • Андреев Г., Вакуров И. Герои-сибиряки. — Новосибирск, 1967. — С.54-57.
  • Из истории Кузбасса. — Кемерово, 1964. — С. 67-68.
  • Всекузбасская книга памяти. Т. 1: Кемерово. А-О. / Ред.-сост. Верховцева З. П. — Кемерово, 1995. — С.82-84.
  • Кемеровчане – Герои Советского Союза. – Кемерово, 1990. – С.7.

Каçăсем

Темӑпа ҫыхӑннисем

Категорисем