Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Волков Николай Васильевич (Совет Союзĕн Паттăрĕ)

РУВИКИ-ре ҫак хушаматлӑ ытти ҫынсем пирки те статьясем пур: Волков.

Волков Николай Васильевич (1914, Кемӗр облаҫӗ — 1943 ҫулхи чӳкӗн 17-мӗшӗ, Черкассы облаҫӗ[d]) — Тӑван Ҫӗршывӑн аслӑ вӑрҫинче Хӗрлӗ Ҫарӑн сержанчӗ, Совет Союзӗн Паттӑрӗ (22.02.1944)[1][2][3]. Совет Союзĕн Паттăрĕн чысне илнĕ вăхăтра Воронеж фрончĕн 52-мĕш çарĕн 254-мĕш стрелоксен дивизийӗн 936-мĕш стрелоксен полкĕн пулемёт расчёчĕн командирĕ, сержант.

Пурнӑҫӗпе ӗҫӗ-хӗлӗ

1914 ҫулта Новотроицкое ялӗнче (халӗ — Кемӗр облаҫӗн Мариинский районӗ) хресчен кил-йышӗнче ҫуралнӑ. Шкулта ултӑ класс вӗренсе пӗтернӗ.

16 ҫултанпа Волков Кемерово хулинчи «Центральная» шахтӑра электрослесарь пулса ӗҫленӗ. 1932 ҫултанпа вӑл Новокузнецк металлурги комбинатне тунӑ ҫӗрте ӗҫленӗ, ҫапах та чире пула Кемӗр хулине таврӑннӑ. Кемӗр металлурги комбинатӗнче ӗҫленӗ, электросварщик, электрослесарь тата тимӗрҫӗ профессийӗсене алла илнӗ. Томь урлӑ чугун ҫул кӗперӗ хывма темиҫе хут та командировкӑна кайнӑ.

1941 ҫулта ӑна Рабочи-хресченсен Хӗрлӗ Ҫарне хӗсмете илнӗ. Ҫак ҫултанпах — Тӑван Ҫӗршывӑн Аслӑ вӑрҫин фрончӗсенче. 1942 ҫулта ВКП (б) ретне тӑнӑ.

1943 ҫулхи юпа уйӑхӗ тӗлне Воронеж фрончӗн 52-мӗш ҫарӗн 254-мӗш стрелоксен дивизийӗн 936-мӗш стрелоксен полкӗн пулемёт расчёчӗн командирӗ, сержант пулнӑ. Днепршӑн ҫапӑҫнӑ чухне палӑрнӑ.

1943-мӗш ҫулхи юпан 1-мӗшӗнче, тӑшманӑн пулемётпа миномёт вут-хӗмне пӑхмасӑр, пулӑҫ киммипе Черкассы хулинчен ҫурҫӗр-хӗвеланӑҫнелле Днепр урлӑ каҫнӑ. Тӑшманӑн темиҫе контратакине сирсе, Николай Волков ертсе пыракан расчёт ҫапла майпа пӗтӗм полка юханшыв урлӑ каҫма май туса панӑ. 1943 ҫулхи чӳкӗн 17-мӗшӗнче, расчётран пӗччен тӑрса юлсан, йывӑр аманнӑ, анчах та ҫапӑҫу хирӗнчен пӑрахса кайман, вут-ҫулӑма малалла тытса пынӑ май юн ҫухатнипе вилсе кайнӑ. Черкассыне кӗрекен Дахновка ялӗнчи тӑванла вилтӑпринче пытарнӑ.

СССР Аслӑ Канашӗн Президиумӗн 1944 ҫулхи нарӑсӑн 22-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн, Днепр юханшывӗ урлӑ каҫнӑ чухне командованин боевой заданийӗсене кӑтартуллӑ пурнӑҫланӑшӑн, юханшывӑн сылтӑм ҫыранӗнче ҫапӑҫури ҫитӗнӳсене аталантарнӑшӑн Волков Николай Васильевич сержанта Ленин орденӗпе тата «Ылтӑн Ҫӑлтӑр» медальпе чысласа Совет Союзӗн Паттӑрӗ хисеплӗ ят (вилнӗ хыҫҫӑн) панӑ[4].

Хисепӗсем

Астӑвӑм

  • Паттӑр ячӗпе Дахновка шкулӗнчи пионер дружини хисепленнӗ[5].
  • Кемӗр хулинче Волков ячӗпе урам ятне панӑ.
  • Паттӑра чысласа «Северная» шахтӑра асӑну хӑми вырнаҫтарнӑ.
  • Волков Н. В. ӗмӗрлӗхех «Северная» шахтёрсен бригадине кӗртнӗ[6].

Ӑнлантарусем

  1. ^ Волков Николай Васильевич. Архивланӑ 2012 ҫулхи ҫӗртмен 13-мӗшӗ.
  2. ^ Волков Николай Васильевич. Архивланӑ 2012 ҫулхи ҫӗртмен 13-мӗшӗ.
  3. ^ Волков Николай Васильевич. Награда хучĕ. Страницы: 1. Архивланӑ 2012 ҫулхи ҫӗртмен 13-мӗшӗ. 2. Архивланӑ 2012 ҫулхи ҫӗртмен 13-мӗшӗ.
  4. ^ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 пушӑн (№ 13 (273)). — . 2022 ҫулхи нарӑсӑн 3-мӗшӗнче архивланӑ.
  5. ^ Волков Николай Васильевич. warheroes.ru. Пӑхнӑ кун: 2026 ҫулхи акан 8-мӗшӗ.
  6. ^ Волков Николай Васильевич (выр.). vkladvpobedu.ru. Пӑхнӑ кун: 2026 ҫулхи акан 8-мӗшӗ.

Вуламалли

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — [[Служебная:Источники книг/отс., Рег. № в РКП 87-95382|ISBN отс., Рег. № в РКП 87-95382]].
  • В пламени и славе. Очерки истории Сибирского военного округа. — 1. — Новосибирск: Западно-Сибирское книжное издательство, 1969. — 430 с.
  • Герои-освободители Черкасщины. — Днепропетровск: Промінь, 1980.

Каçăсем

Темӑпа ҫыхӑннисем

Категорисем