Волошко Григорий Семёнович
Волошко Григорий Семёнович (1915, Тарасовка[d] — 1944 ҫулхи пушӑн 27-мӗшӗ, Николаев[d]) — совет офицерӗ, лейтенант, 384-мӗш уйрӑм тинӗс пехота батальонӗн штаб пуҫлӑхӗн пулӑшаканӗ (Одесса тинӗс-ҫар бази, Хура тинӗс флочӗ), Совет Союзӗн Паттӑрӗ (вилнӗ хыҫҫӑн, 1945) [1].
Пурнӑҫӗпе ӗҫӗ-хӗлӗ
Григорий Семёнович Волошко 1915 ҫулта Таврида кӗпӗрнин Бердянск уесӗнчи Тарасовка ялӗнче (халӗ Украинӑн Запорожье облаҫӗн Черниговка районӗ) ӗҫлекен килйышӗнче ҫуралнӑ [1]. Украин. 6 ҫултанпа Бердянск хулинче пурӑннӑ. 1935 ҫулта Донецк тау-техника училищине, кайран Шыв транспорчӗн инженерӗсен институтне вӗренсе пӗтернӗ. Свирь гидроэлектростанцийӗ № 2 тӑвассипе инженер-гидротехник пулса ӗҫленӗ [1].
1938 ҫулта РККА хӗсметне чӗнсе илнӗ, тинӗс флочӗнче хӗсметре тӑнӑ. 1941 ҫулта В.В. Куйбышев ячӗллӗ Ҫар-инженер академийӗн 3 курсне тата начальниксен составне хатӗрлес курсне вӗренсе пӗтернӗ. Хыҫҫӑн Хура тинӗс флочӗн 143-мӗш уйрӑм тинӗс пехота батальонӗнче стрелоксен ротин командирӗ пулса хӗсметре тӑнӑ, Поти хулине (Грузи) тӑшман десанчӗнчен хӳтӗленӗ [1].
1943 ҫулхи апрель уйӑхӗнче ҫӗнӗ йӗркеленӗ 384-мӗш уйрӑм тинӗс пехота батальонне рота командирӗ пулма куҫарнӑ, 1944 ҫулхи февраль уйӑхӗнче батальон штаб пуҫлӑхӗн пулӑшаканӗ пулса тӑнӑ [1]. Батальон йышӗнче Таганрог, Мариуполь, Осипенко (халӗ Бердянск) хулисене ирӗке кӑлармалли десант операцисене хутшӑннӑ, харсӑрлӑхӑшӗн «Ҫапӑҫура палӑрнӑшӑн» тата «Хастарлӑхшӑн» медальсемпе чысланӑ [1]. Кайран Кинбурн кӑсйинче, Херсон облаҫӗнчи Александровка, Богоявленски (халӗ Октябрьски) тата Широкая Балка поселӗкӗсене ирӗке кӑларма хутшӑннӑ [1][1].
1944 ҫулхи пуш уйӑхӗнче Николаев хулине ирӗке кӑлармалли ҫапӑҫусене хутшӑннӑ. Хулана фронтран тапӑнса пынӑ ҫарсене пулӑшма Николаев порчӗнче десант вырнаҫтарма йышӑннӑ [1]. 384-мӗш батальонран аслӑ лейтенант Константин Ольшанский ертсе пынӑ десант ушкӑнне уйӑрса илнӗ. Ушкӑна 55 тинӗс пехотаҫи, штабран икӗ связист тата 10 сапёр кӗнӗ. Десант отрячӗн штаб пуҫлӑхӗ пулма лейтенант Волошко хушнӑ [1][1].
1944 ҫулхи пушӑн 26-мӗшӗн каҫхине отряд ултӑм лодкӑпа (пӗрине лейтенант Волошко ертсе пынӑ) Кӑнтӑр Буг юханшывӗ тӑрӑх 15 ҫухрӑм хӗвелтухӑҫнелле Николаев портне ҫитнӗ, унта пушӑхӑн ларнӑ [1]. Икӗ кун хушши отряд 18 тӑшман атакине сирсе янӑ, 700 яхӑн нимӗҫ салтакӗпе офицерне пӗтернӗ [1]. Пушӑхӑнӑвӑн иккӗмӗш кунӗнче вилнӗ [1].
СССР Аслӑ Канаш Президиумӗн 1945 ҫулхи апрелӗн 20-мӗшӗнчи хушӑвӗпе «нимӗҫсен тапӑнса килекен ҫарӗсене хирӗҫле ҫапӑҫу фронтӗнче командованин ҫар заданийӗсене тӗслӗхлӗ пурнӑҫланӑшӑн тата ҫапӑҫура харсӑрлӑхпа паттӑрлӑх кӑтартнӑшӑн» лейтенант Волошко Григорий Семёновича Совет Союзӗн Паттӑрӗ ятне тивӗҫнӗ (вилнӗ хыҫҫӑн) [1][1].
Николаев хулинче 68 десантникӑн скверӗнчи пӗрле пытарнӑ ҫӑва (братская могила) ҫинче пытарнӑ [1].
Хисепӗсем
- Совет Союзӗн Паттӑрӗ (1945 ҫулхи апрелӗн 20-мӗшӗ, вилнӗ хыҫҫӑн);
- Ленин орденӗ [1];
- «Хастарлӑхшӑн» медаль [1];
- «Ҫапӑҫура палӑрнӑшӑн» медаль [1].
