Воротынцев Николай Филиппович
Воротынцев Николай Филиппович (1924 ҫулхи ҫӑвӑн 21-мӗшӗ, Мокрец[d], Воронеж кĕперни — 1977 ҫулхи авӑнӑн 26-мӗшӗ, Новоспасское[d], Запорожье облаҫӗ[d]) — Тӑван Ҫӗршывӑн аслӑ вӑрҫинче хӗрлӗармеец, Совет Союзӗн Паттӑрӗ (22.07.1944)[1][2]. Совет Союзĕн Паттăрĕн чысне илнĕ вăхăтра 1-мĕш Балтиçум фрончĕн 6-мĕш гварди çарĕн 67-мĕш гварди стрелоксен дивизийӗн уйрăм вĕрентӳ батальонӗн пулемётчикĕ, гварди хӗрлӗармеецĕ.
Пурнӑҫӗпе ӗҫӗ-хӗлӗ
Вӑл 1924 ҫулхи ҫу уйӑхӗн 21-мӗшӗнче Воронеж кӗпернийӗнчи (халӗ Раҫҫей Федерацийӗн Курск облаҫӗн Горшеченски районӗ) Нижнедевицки уесӗнчи Мокрец ялӗнче ҫуралнӑ. Хресченсенчен тухнӑ. Вырӑс. Совхозра ӗҫленӗ.
Хӗрлӗ Ҫарта 1942 ҫултанпа. Фронтра 1943 ҫултанпа.
Н. Ф. Воротынцев 1944 ҫулхи ҫӗртме уйӑхӗн 24-мӗшӗнче Витебск облаҫне ирӗке кӑларнӑ чухне палӑрнӑ. Тӑшман вучӗ айӗнче чи малтан Бешенковичи районӗнчи Узречье ялӗ патӗнче Анӑҫ Двина урлӑ каҫнӑ та пулемет вучӗпе батальон каҫнине хӳтӗленӗ.
1944 ҫулхи ҫӗртме уйӑхӗн 24-мӗшӗнчен пуҫласа утӑ уйӑхӗн 3-мӗшӗччен Сиротиноран Полоцка ҫити тапӑну ҫапӑҫӑвӗсенче 35 ытла тӑшман салтакне пӗтернӗ, виҫӗ вут ҫӑлкуҫне пусарнӑ.
Ҫӗнтерӳ парадне хутшӑннӑ.
1960 ҫулта Новоспасски ялне куҫса кайнӑ. «Приазовски» совхозра ӗҫленӗ.
1977 ҫулхи авӑн уйӑхӗн 26-мӗшӗнче вилнӗ.
Украинӑн Запорожье облаҫӗнчи Новоспасски ялӗнче пытарнӑ.
Астӑвӑм
- Совет Союзӗн Геройӗ Н. Ф. Воротынцевӑн ячӗ Мускав хулинчи Аслӑ Отечественнӑй вӑрҫӑн Тӗп музейӗнчи Чаплӑх залӗнче СССР Геройӗсен мрамор плитине ҫырса хунӑ.
- Новоспасски ялӗнче унӑн ячӗпе урама ят панӑ.
