Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Гончаренко Владислав Фёдорович

Гончаренко Владислав Фёдорович (укр. Гончаренко Владислав Федорович; ҫур. 1962 ҫулхи кӑрлачӑн 15-мӗшӗ, Полтава) — Совет Союзӗн Паттӑрӗ [1] [2], Хӗрлӗ Ялавлӑ Туркестан ҫар округӗн (Афганистан Демократиллӗ Республикинчи Совет ҫарӗсен пӗчӗклетнӗ контингенчӗ) 40-мӗш ҫар составӗнчи уйрӑм штурм авиаци полкӗн авиаци звенин командирӗ, аслӑ лейтенант.

Пурнӑҫӗ, ҫар карьери

1962 ҫулхи кӑрлачӑн 15-мӗшӗнче Полтава хулинче ҫар ҫыннин ҫемьинче ҫуралнӑ. Украинец. Полтавӑри 25-мӗш шкулти 10 класс пӗтернӗ.

Совет Ҫарӗнче 1979 ҫултанпа хӗсметре тӑнӑ. 1982 ҫултанпа КПСС пайташӗ. 1983 ҫулта В. П. Чкалов ячӗллӗ Ленин орденӗллӗ Хӗрлӗ Яравлӑ Борисоглебскри лётчиксен аслӑ ҫар авиаци училищинчен вӗренсе тухнӑ. 1983 ҫултанпа Хӗрлӗ Ялавлӑ Одесса ҫар округӗнче лётчик тата аслӑ лётчик пулса ӗҫленӗ[3].

1985 ҫултан пуҫласа 1986 ҫулччен Владислав Гончаренко Афганистанри совет ҫарӗсен пӗчӗклетнӗ контингенчӗ шутӗнче пулнӑ. Ҫак сӑртлӑ-туллӑ ҫӗршыва ҫамрӑк лётчик аслӑ лейтенант пек ҫитнӗ, тепӗр ҫур ҫултан вӑл звено командирӗ, тепӗр икӗ уйӑхран — эскадрилья командирӗн заместителӗ пулса тӑнӑ, комэск тивӗҫне пурнӑҫланӑ. Баграм хулин аэродромӗнчен «Су-25» самолёт-штурмовикпа вӗҫнӗ, 415 хут ҫапӑҫӑва вӗҫнӗ, тӑшмана пысӑк сиен кӳнӗ, сахал мар хут хӑйӗн ӗҫне ӑста пурнӑҫласа йывӑр лару-тӑрӑва лекнӗ мотострелоксен тата десантсен уйрӑмӗсене ҫӑлса хӑварнӑ.

Совет Союзӗн Паттӑрӗ ятне тивӗҫни

СССР Аслӑ Канаш Президиумӗн 1987 ҫулхи авӑнӑн 28-мӗшӗнчи Хушӑвӗпе — «Афганистан Демократиллӗ Республикине интернационаллӑ пулӑшу парас ӗҫре кӑтартнӑ хӑюлӑхпа паттӑрлӑхшӑн аслӑ лейтенант Гончаренко Владислав Фёдоровича Ленин орденӗпе тата «Ылтӑн Ҫӑлтӑр» медальпе (№ 11558) чысласа Совет Союзӗн Паттӑрӗ ятне панӑ».

Малалли карьера

Совет Союзне таврӑнсан Сывлӑх ҫар вӑйӗсенче хӗсмете малалла пурнӑҫланӑ. 1986—1988 ҫулсенче Туркестан ҫар округӗн СҪВ Вӗҫев йышне ҫапӑҫма хатӗрлекен центрӑн хутӑш эскадрилья командирӗн ҫумӗ пулнӑ, кайран вӗреннӗ[4].

1991 ҫулта Ю. А. Гагарин ячӗллӗ Сывлӑш-ҫар академийӗнчен вӗренсе тухнӑ. 1991 ҫултанпа — Беларуҫ ҫар округӗнчи авиаци эскадрильин командирӗ. 1993 ҫултанпа — штурмлакан авиаци полкӗн командир ҫумӗ, пӗрремӗш Чечен вӑрҫине хутшӑннӑ[4].

Гончаренко В. Ф. генерал-майор Краснодар хулинче пурӑнать. 1999 ҫултанпа — ҫар авиаци институчӗн начальникӗн пӗрремӗш ҫумӗ. 2003 ҫултанпа Н. Е. Жуковский ячӗллӗ Сывлӑш-ҫар инженери академийӗн пуҫлӑхӗн пӗрремӗш ҫумӗ шутланнӑ[5]. Малалли ҫулсенче Пӗрлештернӗ авиаци корпорацийӗн ҫар авиацийӗн программисен дирекцийӗн директор ҫумӗ пулса ӗҫленӗ[6].

2016 ҫулта унӑн кандидатурине Раҫҫей Федерацийӗн Федераци Пухӑвӗн Патшалӑх Думин ҫиччӗмӗш пухӑвӗн депутатне суйланма тӑратнӑ. Ҫакӑ «Патриоты России» политика партийӗ енчен пулнӑ[7].

Хисепӗсем

Владислав Фёдорович ҫак хисепсене тивӗҫнӗ:

  • Ленин орденӗ;
  • Хӗрлӗ Ҫӑлтӑр орденӗ;
  • 3 степеньлӗ «СССР Хӗҫпӑшаллӑ вӑйӗсенче Тӑван ҫӗршывшӑн вӑй хунӑшӑн» орден;
  • Хӑюлӑх орденӗ;
  • «Хастар пулнӑшӑн» орден;
  • «Ҫар ӗҫӗнче палӑрнӑшӑн» орден;
  • 2-мӗш степеньлӗ «Тӑван ҫӗршыв умӗнчи тава тивӗҫлӗ ӗҫсемшӗн» орден медалӗ;
  • 6 медаль.

Ӑнлантарусем

  1. ^ Гончаренко Владислав Фёдорович. Архивланӑ 2012 ҫулхи ҫӗртмен 11-мӗшӗ.
  2. ^ Гончаренко Владислав Фёдорович. Архивланӑ 2012 ҫулхи ҫӗртмен 11-мӗшӗ.
  3. ^ m.kharchenko. Встреча с Героем Советского Союза - Пресса в образовании (2023-02-20). Тӗрӗсленӗ: 2025 ҫулхи юпан 16-мӗшӗ.
  4. ^ 1, 2 Гончаренко Владислав Федорович | Центр военно-политических исследований (выр.). pravo.mgimo.ru. Пӑхнӑ кун: 2025 ҫулхи юпан 16-мӗшӗ.
  5. ^ Ассоциация выпускников и сотрудников ВВИА им. проф. Н.Е. Жуковского: Энциклопедия (англ.). nasledie-vvia.ru. Пӑхнӑ кун: 2025 ҫулхи юпан 16-мӗшӗ.
  6. ^ ОАК запустила программу модернизации Дальней авиации и Ил76 в блоге Авиация / / Сделано у нас. Тӗрӗсленӗ: 2025 ҫулхи юпан 16-мӗшӗ.
  7. ^ Гончаренко Владислав Федорович. vyboroteka.org. Пӑхнӑ кун: 2025 ҫулхи юпан 16-мӗшӗ.

Вуламалли

  • В. Лебедев. 415 боевых... // Авиация и космонавтика. — 1988. — № 4. — С. 34-35.

Каҫӑсем

Темӑпа ҫыхӑннисем

Категорисем