Григорьев Илья Леонович
Григорьев Илья Леонович (1922 ҫулхи утӑн 15-мӗшӗ, Жарковский район[d], Тĕвер облаçĕ — 1994 ҫулхи ҫӑвӑн 1-мӗшӗ, Мускав) — Тӑван Ҫӗршывӑн Аслӑ вӑрҫине хутшӑннӑскер, гварди аслӑ сержанчӗ[1], 252-мӗш стрелоксен полкӗн (70-мӗш стрелоксен дивизийӗ, 33-мӗш ҫар, 2-мӗш Беларуҫ фрончӗ) снайпер взвочӗн командирӗ. Вӑл — Совет Союзӗн Паттӑрӗ (1944)[1][2].
Пурнӑҫӗпе ӗҫӗ-хӗлӗ
Илья Леонович Григорьев 1922 ҫулхи утӑн 15-мӗшӗнче Смоленск кӗпернинчи Демидов уесӗнчи Селище ялӗнче (халӗ Тверь облаҫӗнчи Жарковски районӗ) вӑрман хуралҫин кил-йышӗнче ҫуралнӑ[1][2]. Ашшӗ ача чухнех ăна пӑшалпа перме вӗрентнӗ[1]. Вӑл тулли мар вӑтам пӗлӳ илнӗ, районти Осоавиахим организацийӗн председателӗ пулса ӗҫленӗ[1].
1941 ҫулта Хӗрлӗ Ҫара чӗнсе илнӗ. 1941 ҫулхи ҫӗртме уйӑхӗнченпе Тӑван Ҫӗршывӑн Аслӑ вӑрҫинче ҫапӑҫнӑ. Анăç, Калинин, 2-мӗш тата 3-мӗш Беларуҫ фрончӗсенче вӑрҫнӑ. Алтӑ хутчен аманнӑ[1]. 1943 ҫулта ВКП(б) йышне кӗнӗ[1].
1944 ҫулхи май уйӑхне ҫити Григорьев И. Л. 328 гитлеровца пӗтернӗ, вӗсенчен 67-шӗ офицер, 18-шӗ снайпер. Вӑл 33-мӗш ҫарӑн чи лайӑх снайперӗ шутланнӑ[1]. Вӑл 130 салтака тата сержанта снайпер ӗҫне вӗрентнӗ, вӗсенчен нумайӑшӗ лайӑх снайпер пулса тӑнӑ, наградӑсем тивӗҫнӗ[1].
СССР Аслӑ Канашӗн Президиумӗн 1944 ҫулхи ҫӗртмен 15-мӗшӗнчи хушӑвӗпе «тӑшманпа ҫапӑҫура командованин ҫапӑҫу заданийӗсене лайӑх пурнӑҫланӑшӑн тата ҫакӑн чухне кӑтартнӑ паттӑрлӑхпа хӑюплӑхшӑн» гварди аслӑ сержанчӗ Григорьев Илья Леоновича Совет Союзӗн Паттӑрӗ ятне панӑ, Ленин орденӗпе тата «Ылтӑн Ҫӑлтӑр» медаль (№ 4344) парнеленӗ[1][2].
1946 ҫулта лейтенант званипе запасӑна тухнӑ. Мускавра пурӑннӑ, Министерствăн транспорт строительствин Главтранспроектӗнче аслӑ инспектор пулса ӗҫленӗ[1]. Илья Леонович Григорьев 1994 ҫулхи майӑн 1-мӗшӗнче вилнӗ, Мускаври Пятницки масарӗнче пытарнӑ[1].
Хисепӗсем
- Совет Союзӗн Паттӑрӗ (1944 ҫулхи ҫӗртмен 15-мӗшӗ, Ленин орденӗ тата «Ылтӑн Ҫӑлтӑр» медаль № 4344)[1].
- Ленин орденӗ (1944 ҫулхи ҫӗртмен 15-мӗшӗ)[1].
- Отечественной войны I степень орденӗ[1].
- Мухтав орденӗ II степень[1].
- Мухтав орденӗ III степень[1].
Астӑвӑм
- Тверь облаҫӗнчи Жарковски районӗнче Григорьев И. Л. ятне асӑнаҫҫӗ[1].
Ӑнлантарусем
Вуламалли
- Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
