Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Дмитриев Илья Дмитриевич

Disambig gray.svg Дмитриев хушаматлă урăх çынсем çинчен РУВИКИ-ре статьясем пур.

 

Дмитриев Илья Дмитриевич (1912, Ҫатра Марка, Чикме уесӗ — ?) — экономика ӑслӑлӑхӗсен докторӗ, профессор, Львов университечӗн товароведени кафедрин заведующийӗ[1].

Пурнӑҫӗпе ӗҫӗ-хӗлӗ

1920–1924 ҫулсенче пуҫламӑш шкулта пӗлӳ илнӗ, ун хыҫҫӑн 1930 ҫулта Ишекри хресчен ҫамрӑкӗсен шкулӗнчен вӗренсе тухнӑ. Кайран пӗлӗвне Шупашкарти рабочисен факультетӗнче, Плеханов ячӗллӗ Мускав халӑх хуҫалӑхӗн институчӗ ҫумӗнчи аспирантурӑра ӳстернӗ[2].

Диссертацие хӳтӗлес умӗн вӑрҫӑ пуҫланнӑ. Рота командирӗ пулса Мускава хӳтӗленӗ, йывӑр аманнӑ[2].

Вӑрҫӑ хыҫҫӑн диссертацие ҫӗнӗрен ҫырнӑ та лайӑх хӳтӗленӗ[1].

Львов хулинче ӗҫленӗ. Кунтах доктор диссертацине хӳтӗленӗ, студентсене вӗрентнӗ, вӗренӳ кӗнекисемпе пособисем хатӗрленӗ[2].

Тӑван тӑрӑхӗпе ҫыхӑну ҫухатман[3], тӑтӑшах тӑван ялне килсе ҫӳренӗ.

Ҫемье

Илья Дмитриевичӑн кил-йышӗнче ӑсчахсем нумай пулнӑ:

  • Николай (пиччӗшӗ, Мускав ял хуҫалӑх академине вӗренсе пӗтернӗ, Ҫӗпӗрти тата Ишлейри пуҫак хуҫалӑхсенче агроном тата директор пулса ӗҫленӗ);
  • Дмитрий (шӑллӗ, Анаткасри шкулта ачасене вӗрентнӗ);
  • Мавра (йӑмӑкӗ, Вӑрманкас Ҫектер шкулӗнче ачасене вӗрентнӗ);
  • Феонила (йӑмӑкӗ, Ишлейри пысӑк вольтлӑ аппаратура савутӑн экономисчӗ пулнӑ);
  • Леонид (шӑллӗ, Шӑмӑршӑ районӗнчи пӗр шкулта ачасене вӗрентнӗ).

Дмитриевсен йӑхӗнче ҫӗнӗ ӑру ҫитӗннӗ, вӗсенчен чылайӑшӗ ӑслӑлӑх докторӗ, вӗрентекен, экономист пулса тӑнӑ.

Ӑнлантарусем

  1. ^ 1, 2 http://энциклопедии.наследиечувашии.рф/a/article/2049.html
  2. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 145. — 505 с.
  3. ^ https://www.kugesilib.ru/images/Velikie_ychenie.pdf

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 145. — 505 с.
  • История селений Причебоксарья : научно-популярный справочник / авт.-сост. В. И. Алиней. – 2-е изд., с доп. – Чебоксары : [б.и.], 2012 (РИО ЧГИГН). – 231 с.
  • Населенные пункты Чебоксарского района Чувашской Республики : справочник: [посвящ. 80-летию образования Чебоксар. р-на / сост. Валентин Алиней (Карпов В. И.)] ; сост. В. Алиней. – Чебоксары : [б.и.], 2008 (Тип. «Новое Время»). – 231 с. : карты, портр.
  • Павлов, Л. П. Сторона моя Чебоксарская : (материалы по истории Чебоксарского района Чувашской Республики) / Л. П. Павлов, В. П. Станъял. – Кугеси : [б.и.], 1997. – 446 с. + [4] л. ил.

Каҫӑсем

Категорисем