Екимов Григорий Андреевич
Екимов Григорий Андреевич (1909, Алтай Ен — 1944 ҫулхи утӑн 17-мӗшӗ, Питкярантский район[d]) — Тӑван Ҫӗршывӑн аслӑ вӑрҫинче Хӗрлӗ Ҫар аслӑ сержанчӗ, Совет Союзӗн Паттӑрӗ (21.07.1944)[1] [2] [3]. Совет Союзĕн Паттăрĕн чысне илнĕ вăхăтра Карели фрончӗн 7-мĕш çарӗн 114-мĕш стрелоксен дивизийӗн 536-мĕш стрелоксен полкĕн взвод командирне пулăшаканĕ, аслă сержант.
Пурнӑҫӗпе ӗҫӗ-хӗлӗ
Григорий Екимов 1909 ҫулта Кӗҫӗн Елань ялӗнче (халӗ — Алтай крайӗ) ҫуралнӑ. Вӑл пуҫламӑш пӗлӳ илнӗ, хыҫҫӑн совхозра ӗҫленӗ.
1931—1933 ҫулсенче Хӗрлӗ Ҫарта хӗсметре тӑнӑ. Свободный хулинче (Амур облаҫӗ) пурӑннӑ тата ӗҫленӗ. 1942 ҫулхи нарӑсра Екимова тепӗр хут ҫара чӗннӗ тата Тӑван Ҫӗршывӑн Аслӑ вӑрҫин фронтне янӑ.
1944 ҫулхи утӑ уйӑх тӗлне аслӑ сержант Григорий Екимов 536-мӗш стрелоксен полкӗнче (114-мӗш стрелоксен дивизийӗ, 7-мӗш ҫар, Карел фрончӗ) взвод командирӗн пулӑшаканӗ пулнӑ.
1944 ҫулхи ҫӗртмен 21-мӗшӗнче Екимов хӑйӗн взвочӗпе Свирь юханшывӗ урлӑ каҫнӑ (Лодейное Поле хули, Ленинград облаҫӗ) тата унӑн хӗвеланӑҫ ҫыранӗнче плацдарм ярса илнӗ, нимӗҫ тата финн контратакисене пысӑк йышпа сирнӗ.
1944 ҫулхи ҫӗртмен 27-мӗшӗнче тӑшманӑн иккӗмӗш хӳтӗлев йӗркине татса кӗнӗ чухне (Обжа ялӗ, Олонец районӗ, Карел-Финн ССР) Екимов хӑйӗн взвочӗн салтакӗсемпе чӑрмавсене ҫӗнтерсе каҫнӑ тата дзот ҫулӑмне пуҫарнӑ, трофейсем илнӗ, 30 яхӑн тӑшман салтакӗпе офицерне пӗтернӗ. 1944 ҫулхи ҫӗртмен 30-мӗшӗнче Екимов взвочӗ Вагвозеро ялне кӗнӗ тата финн батальонӗн каялла каймалли ҫулсене каснӑ, кайран унӑн пур тапӑнӑвне те тытса тӑнӑ. 1944 ҫулхи утӑн 17-мӗшӗнче Екимов Питкяранта патӗнче ҫапӑҫура пуҫ хунӑ.
Питкярантӑри Горький урамӗнчи пӗрлехи пытару вырӑнӗнче пытарнӑ.
СССР Аслӑ Канашӗн Президиумӗн 1944 ҫулхи утӑн 21-мӗшӗнчи Указӗпе «нимӗҫ захватчикӗсемпе кӗрешӳ фронтӗнче командованиӗн ҫар заданийӗсене тӗрӗс пурнӑҫланӑшӑн тата ҫакӑн чухне кӑтартнӑ хастарлӑхпа паттӑрлӑхшӑн» Григорий Екимов аслӑ сержанта вилнӗ хыҫҫӑн Совет Союзӗн Паттӑрӗн ятне панӑ.
Астӑвӑм
Екимов ячӗпе Суражевка посёлокӗнчи (Свободненски районӗ, халӗ — Свободный хулин чиккинче) урама, Питкяранта хулинчи (Карел Республики) урама ят панӑ, унта асӑну хӑми вырнаҫтарнӑ, Свободныйпа Тындӑри шкулсене те унӑн ятне панӑ.
Ӑнлантарусем
- ^ Екимов Григорий Андреевич. Архивланӑ 2012 ҫулхи ҫурлан 17-мӗшӗ.
- ^ Екимов Григорий Андреевич. Архивланӑ 2012 ҫулхи ҫурлан 4-мӗшӗ.
- ^ Екимов Григорий Андреевич. Наградной лист. Страницы:1.2.
