Журавлёв Пётр Алексеевич
Журавлёв Пётр Алексеевич (1919 ҫулхи ҫӑвӑн 10-мӗшӗ, Шацкий уезд[d], Тамбов кӗпӗрни[d] е Тамбов кӗпӗрни[d] — 1994, Мускав) — совет стрелокӗ, кӗҫӗн лейтенант, взвод командирĕ, Тӑван Ҫӗршывӑн Аслӑ вăрҫине хутшăннăскер, Совет Союзӗн Паттӑрӗ (1944).
Пурнăҫӗпе ӗҫӗ-хӗлӗ
1919 çулхи çăвăн 10-мĕшĕнче Тамбов кĕпĕрнин Дьячи ялĕнче (халĕ — Тамбов облаçĕн Моршан районĕ) çуралнă[1]. Пуçламăш пĕлӳ илнĕ, кайран тракторист пулса ĕçленĕ[1][2]. 1939 çулхи юпан 16-мĕшĕнче çара чĕннĕ[2]. Кĕçĕн лейтенант курссене пĕтернĕ[1]. 1942 çулхи август уйăхĕнченпе Тӑван Ҫӗршывӑн Аслӑ вăрҫинче çапăçнă. Вăл НКВД стрелоксен полкĕнче автоматчик пулса Сталинград хӳтĕлевне хутшăннă. 1943 çулта Орлов-Курск çапăçăвĕнче çапăçнă, Украинăна ирĕке кăларма хутшăннă[2]. 1943 çулта ВКП(б) йышне кĕнĕ. 1944 çулта 1-мĕш Украина фронтне ярса панă.
1944 çулхи утă уйăхĕнче 13-мĕш çарăн 350-мĕш стрелоксен дивизин 1180-мĕш стрелоксен полкĕн взвод командирĕ пулнă чухне палăрнă[1]. 1944 çулхи утăн 14-мĕшĕнче Журавлёв взвочĕпе атакана хăпартнă, тăшмана траншейрен кăларса Угнов ялне (Волынь облаçĕ) илнĕ[3]. Анăç Буг юханшыв урлă каçнă, Кристинополь хули (Львов облаçĕ) патĕнче плацдарма тытса тăнă, подразделенисене юханшыв урлă иртме пулăшнă[1]. 1944 çулхи çурлан 1-мĕшĕнче бойцăсемпе Висла юханшыв урлă каçнă, Копшивница пурăнан вырăнĕ (Польша, Сандомир хулинчен кăнтăр-анăçалла) патĕнче виçĕ тăшман контратакине сирсе янă, 30 яхăн тăшман салтакне пĕтернĕ, танкпа бронетранспортёр пĕтернĕ[3][4].
ССРП Аслă Канашĕн Президиумĕн 1944 çулхи авăнăн 23-мĕшĕнчи хушăвĕпе «командовани çапăçу заданисене тĕрĕс пурнăçланăшăн тата çав вăхăтра кăтартнă хăюлăхпа паттăрлăхшăн» кĕçĕн лейтенант Журавлёв Петр Алексеевича Совет Союзĕн Паттăрĕ ятне панă, Ленин орденĕпе тата «Ылтăн Çăлтăр» медальне (№ 4835) панă[4][3]. 1944 çулхи декабрь уйăхĕнче сывлăх тăрăх запаса тухнă[1][2]. Уфа хулинче «Ювелирторг» председателĕн заместителĕ, кайран Мускавра кожгалантерей фабрикинче ĕçленĕ[1]. 1991 çулхи июнĕн 19-мĕшĕнче Мускавра вилнĕ. Николо-Архангельск çăвинче пытарнă[4][3].
Хисепӗсем
Астăвăм
Ӑнлантарусем
- ^ 1, 2, 3, 4, 5, 6, 7, 8 Журавлёв Пётр Алексеевич. Тамбовская энциклопедия. Пӑхнӑ кун: 2026 ҫулхи утӑн 30-мӗшӗ.
- ^ 1, 2, 3, 4, 5, 6 Журавлёв Пётр Алексеевич. МФЦ Тамбовской области. Пӑхнӑ кун: 2026 ҫулхи утӑн 30-мӗшӗ.
- ^ 1, 2, 3, 4, 5, 6, 7, 8, 9 Журавлёв, Пётр Алексеевич. Википедия. Пӑхнӑ кун: 2026 ҫулхи утӑн 30-мӗшӗ.
- ^ 1, 2, 3, 4, 5, 6 Журавлёв Пётр Алексеевич. Герои страны. Пӑхнӑ кун: 2026 ҫулхи утӑн 30-мӗшӗ.
