Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Иванов Прохор Иванович

РУВИКИ-ре ҫак хушаматлӑ ытти ҫынсем пирки те статьясем пур: Иванов.

 

Прохор Иванович Иванов ҫур. 1901 — Граждан вӑрҫине хутшӑннӑ ҫын[1], хӗрлӗ ҫар ҫынни[1]. Перекоп патӗнчи Турккӑ валӗн тӑшман форчӗсене штурмпа илнӗ чухне вилнӗ[1].

Пурнӑҫӗ

1901 ҫулхи нарӑсӑн 5-мӗшӗнче Етӗрне уесӗнчи (халӗ Элӗк районӗ) Йӑлкӑш (документсенче ҫавӑн пекех Мӑн Йӑлкӑш тесе аса илеҫҫӗ) ялӗнче хресчен ҫемйинче ҫуралнӑ[2][1]. Ҫамрӑк чухне хут купӑсҫӑ, хаваслӑ та ӗҫчен каччӑ пулнӑ, вырӑнти ҫамрӑксен чӑн ертӳҫи тата улахсенчи пуҫаруҫи шутланнӑ[2]. Кӗҫех ӑна Хӗрлӗ Ҫар ретне хӗсмете чӗнсе илнӗ[2].

1920 ҫулхи чӳкре Крымра Граждан вӑрҫи пыракан вӑхӑтра вилнӗ[1]. Перекоп районӗнче Турккӑ валӗн тӑшман форчӗсене штурмпа илнӗ чухне пуҫне хунӑ[1]. Вилнӗ хыҫҫӑн 15 ҫула яхӑн унӑн шӑпи пирки тӑван тӑрӑхӗнче нимӗн те пӗлмен, вӑл хыпар-хысӑрсӑр ҫухалнӑ тесе шутланнӑ[2].

1935 ҫулхи ҫурлара шывӗ чакнӑ Сиваш кӳллинче Прохор Ивановӑн лайӑх упраннӑ кӗлеткине тупнӑ[1]. Хӗрлӗ ҫар ҫыннин шӑм-шарне Армянск посёлокне куҫарнӑ, унта вӗсене ҫар чысӗпе пытарнӑ[1].

Астӑвӑм

  • Армянск посёлокӗнчи (Крым) урама Прохор Иванов ятне панӑ[1];
  • Тӑван Йӑлкӑш ялӗнчи урам унӑн ятне йӑтса пырать[1];
  • Демьян Бедный сӑвӑҫ ҫырнӑ «Красноармеец Иванов» (Иванов хӗрлӗ ҫар ҫынни) поэма[1];
  • Прохор Иванов пирки юрӑ (А. М. Михайлов кӗвви, В. А. Урдаш сӑмахӗсем, вырӑсла тексчӗ А. И. Дмитриевӑн)[1];
  • Б. К. Шорников ҫыравҫӑн хӗрлӗ ҫар ҫыннин шӑпине халалланӑ кӗнеки[1];
  • Йӑлкӑш ялӗнчи Прохор Иванов урамӗнче 1986 ҫулта ҫак ялта ҫуралнӑ В. Е. Сидоров, Л. Н. Кононов тата А. Л. Лукишов пуҫарнипе лартнӑ мрамор палӑк-стела[3];
  • Паттӑр ҫуралнӑранпа 120 ҫул ҫитнине май Элӗк музейӗн материалӗсем ҫинче хатӗрленӗ «Прохор Иванов – Сиваш паттӑрӗ» виртуаллӑ курав[2].

Ӑнлантарусем

  1. ^ 1, 2, 3, 4, 5, 6, 7, 8, 9, 10, 11, 12, 13 ИВАНОВ Прохор Иванович. Чувашская энциклопедия. Пӑхнӑ кун: 2024 ҫулхи ҫӑвӑн 24-мӗшӗ.
  2. ^ 1, 2, 3, 4, 5 Виртуальная выставка «Прохор Иванов – герой Сиваша» (к 120-летию со дня рождения). Аликовский муниципальный округ Чувашской Республики. Пӑхнӑ кун: 2024 ҫулхи ҫӑвӑн 24-мӗшӗ.
  3. ^ Памятник участнику Гражданской войны Иванову Прохору Ивановичу. Наследие Чувашии. Пӑхнӑ кун: 2024 ҫулхи ҫӑвӑн 24-мӗшӗ.

Вуламалли

Каçăсем

Категорисем