Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Игнатьев Владимир Ефимович

РУВИКИ-ре ҫак хушаматлӑ ытти ҫынсем пирки те статьясем пур: Игнатьев.

Игнатьев Владимир Ефимович (1955 ҫулхи кӑрлачӑн 13-мӗшӗ, Вӑрманкасси[d], Чăваш Автономиллĕ Социализмлă Совет Республики — 1994 ҫулхи юпан 14-мӗшӗ) — чӑваш графикӗ, живописецӗ, СССР художникӗсен пӗрлӗхӗн пайташӗ (1990).

Кун-ҫулӗ

1955 ҫулхи кӑрлач уйӑхӗн 13-мӗшӗнче Шупашкар районӗнчи Вурманкасси (Вӑрман-Ҫӗктер ял тӑрӑхӗ) ялӗнче ҫуралнӑ.

1977 ҫулта Чӑваш патшалӑх педагогика институчӗн ӳнерпе графика факультетӗнче пӗлӳ илнӗ. 1983 ҫулта пӗлӗвне В. И. Мухина ячӗллӗ Ленинградри ӳнерпе промышленноҫӗн аслӑ училищинче ӳстернӗ, кунта «Промышленность ӳнерӗ» факультетӗнче вӗреннӗ.

1979–1980 ҫулсенче Совет Ҫарӗнче хӗсметре пулнӑ[1].

1983 ҫултанпа РСФСР Ӳнер фончӗн Чӑваш пултарулӑхпа производство мастерскойӗнче (ЧТПМ ХФ РСФСР) ӗҫленӗ. 1993–1994 ҫулсенче Чӑваш патшалӑх ӳнер музейӗн коммерци директорӗ пулнӑ[2].

1994 ҫулхи юпа уйӑхӗн 14-мӗшӗнче Шупашкарта вилнӗ.

Ӗҫӗсем

Политика тата экологи тематикипе плакатсем ӳкернӗ, живопиҫпе аппаланнӑ.

Владимир Ефимович организатор пек те палӑрнӑ. Вӑл 1986 ҫулта американсем Хиросимӑпа Нагасаги ҫине атом бомбисем пӑрахнине пула вилнисене асӑнса ядерлӑ хӗҫпӑшала сарассине хирӗҫ иртнӗ эрнелӗхе халалласа тематикӑллӑ плакатсен куравне йӗркеленӗ, 1994 ҫулта — Пӗтӗм Раҫҫейри «Волга — боль России» курава.

Ӗҫӗсене АПШ, Канада, Мексика, Норвеги, Швеци тата ытти патшалӑхсенчи куравсенче кӑтартнӑ.

Унӑн ӗҫӗсен куравӗсем Шупашкарта 1986 тата 1995 ҫулсенче иртнӗ[3].

Плакатсем

  • «Воля каждого — воля планеты»;
  • «Диагноз — война. Рецепт — мир»;
  • «Наша политика — политика мира»;
  • «За баланс в природе»;
  • «Долги наши»;
  • «Губя природу — себя губишь»;
  • «Нет — вредным выбросам»;

Живопись картинисем

  • «Двое»;
  • «Одинокий»;
  • «Убегающие»;
  • тата ыттисем.

Ӑнлантарусем

  1. ^ Игнатьев Владимир Ефимович. Чӑваш патшалӑх ӳнер музейӗ. Пӑхнӑ кун: 2026 ҫулхи ҫӑвӑн 6-мӗшӗ.
  2. ^ Игнатьев Владимир Ефимович (выр.). Шупашкар энциклопедийӗ. Пӑхнӑ кун: 2026 ҫулхи ҫӑвӑн 6-мӗшӗ.
  3. ^ Игнатьев Владимир Ефимович (выр.). Чӑваш энциклопедийӗ. Пӑхнӑ кун: 2026 ҫулхи ҫӑвӑн 6-мӗшӗ.

Вуламалли

  • Викторов, Ю. В. Игнатьев Владимир Ефимович / Ю. В. Викторов, А. И. Мордвинова // Чувашская энциклопедия. — Чебоксары, 2008. — Т. 2 : Ж–Л. — С. 106–107.
  • Владимир Игнатьев // Союз художников Чувашии : 1935–2005. — Чебоксары, 2005. — С. 84.
  • Корейкина, Т. С. Искусство книжной графики на уроках изобразительного искусства в школе / Т. С. Корейкина // Наука XXI века. — Чебоксары, 2009. — С. 222–227.

Каҫӑсем

Категорисем