Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Истомина Авдотья Ильинична

Авдо́тья (Евдоки́я) Ильи́нична Исто́мина (1799 ҫулхи кӑрлачӑн 6-мӗшӗ [17-мӗшӗ][1][2], Санкт-Петербург[3] — 1848 ҫулхи ҫӗртмен 26-мӗшӗ [утӑн 8-мӗшӗ] [1], Санкт-Петербург[3]) — Питӗрти балет ташӑҫи.

Пурнӑҫӗ

Авдотья Истомина 1799 ҫулхи кӑрлачӑн 6-мӗшӗнче Питӗр хулинче ҫуралнӑ. 1816 ҫулта Питӗрти театр училищине вӗренсе пӗтернӗ хыҫҫӑн Питӗрти Мӑн театрӑн сцени ҫинче пӗрремӗш хут ташласа кӑтартнӑ. Кӗҫех вӑл балет труппин ертсе пыракан ташӑҫи пулса тӑнӑ.

Вӑл Шарль-Луи Дидло паллӑ балетмейстерӑн чи пултаруллӑ вӗренекенӗсенчен пӗри пулнӑ. А. С. Пушкин ӑна хӑйӗн «Евгений Онегин» романӗнче мухтанӑ. Истомина «Зефир тата Флора», «Африка арӑсланӗ» (1818), «Багдад халифӗ», «Евтимий тата Евхариса», «Роланд тата Моргана», «Лиза тата Колен» (1820) тата ытти балетсенче питӗ ӑнӑҫлӑ ташланӑ. Хӑш-пӗр чухне вӑл сӑмах каламалли водевильсенче те выляса кӑтартнӑ.

Хӑйӗн илемӗпе пултарулӑхне пула Истомина тавра каччӑсем ялан нумай ҫаврӑннӑ. Ҫамрӑксем уншӑн пӗрре мар дуэльте тупӑшнӑ (ҫав шутра вилӗмпе вӗҫленнӗ паллӑ тӑваттӑллӑ дуэль те пулнӑ).

Балетран кайсан, 1840-мӗш ҫулсенче, Истомина П. С. Экунин драма актёрне качча тухнӑ.

Авдотья Истомина 1848 ҫулхи ҫӗртмен 26-мӗшӗнче холера чирне пула вилнӗ. Ӑна Питӗр хулинчи Большеохта масарӗнче пытарнӑ[4].

Ӑнлантарусем

  1. ^ 1, 2, 3, 4 Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ^ 1, 2, 3 Русский биографический словарь (выр.) / под ред. А. А. Половцов, Н. П. Чулков, Н. Д. Чечулин, В. В. Мусселиус, М. Г. Курдюмов, Ф. А. Витберг, И. А. Кубасов, С. А. Адрианов, Б. Л. Модзалевский, Е. С. Шумигорский — СПб., М..
  3. ^ 1, 2, 3, 4 Истомина Авдотья Ильинична // Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  4. ^ Алфавитный указатель исторических могил, находящихся на кладбищах гор. Петрограда и его окрестностей // Весь Петроград на 1917 год, адресная и справочная книга г. Петрограда. — Товарищество А. С. Суворина — «Новое время», 1917. — С. 487. — ISBN 5-94030-052-9.

Вуламалли

  • Эльяш Н. И. Авдотья Истомина. — Л.: Искусство, 1970. — 192 с. — (Корифеи русской и зарубежной сцены). — 50 000 экз.

Каҫӑсем

Категорисем