Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кипечкассинчи сакӑр ҫул вӗренмелли шкул

Кипечкассинчи сакӑр ҫул вӗренмелли шкул — Шупашкар районӗнчи Кипечкасси ялӗнче 1988 ҫулччен ӗҫленӗ шкул[1].

Историйӗ

Кипечкасси шкулне 1927 ҫулта йӗркеленӗ, ун чухне вӑл пуҫламӑш шкул пулнӑ. Уроксем виҫе ялта иртнӗ: Шупашкаркассинче Елахов И.Р. тата Волкова И.П. килӗнче; Атӑльялта — Бондаревсен килӗнче; Кипечкассинче Антонов Е.В. килӗнче пуҫтарӑннӑ[2].

Шкула 1930 ҫулта официаллӑ майпа уҫнӑ. Ун чухнехи малтанхи вӗренекен ачасен хушшинче Смирнов И.В., Русаков Д.Е., Смирнов И.М., Пайманов М.В., Казаков П.В. пулнӑ, вӗсемех — шкулӑн пӗрремӗш пионерӗсем. Пионер организацине шкулта 1931 ҫулта йӗркеленӗ. Комсомол организацине — 1947 ҫулта[1].

1940 ҫулта шкул ҫичӗ ҫул вӗренмелли шкул пулса тӑнӑ, 1960 ҫултанпа — сакӑр ҫул вӗренмелли шкул[1].

1988 ҫулта Станьял ялӗнче ҫӗнӗ шкула хута янӑ хыҫҫӑн ӑна хупнӑ. Кипечкасси ялӗнчи ачасем хальхи вӑхӑтра Станьял ялӗнчи Ҫӳлтикасси вӑтам шкулне вӗренме ҫӳреҫҫӗ.

Малтанхи вӗрентекенсем

Шкул историйӗнче малтанхи вӗрентекенсен йышӗнче ҫаксем пулнӑ: Пайманов Григорий Никитич, Максимова Мария Максимовна, Елахов Иван Романович, Петрова Таисия Петровна, Смирнов Порфирий, Иванов Николай Иванович, Васильев Григорий Николаевич, Скородумова Дарья Даниловна, Гренадеров Александр Степанович[2].

Шкул директорӗсем

Кипечкасси шкулӗн директорӗсем ҫак ҫынсем пулнӑ[2]:

  • Гренадеров Александр Степанович;
  • Макарова Апполинария Петровна;
  • Семёнов Егор Семёнович;
  • Герасимов Иван Герасимович;
  • Павлов Николай Павлович;
  • Шляхин Варсонофий Алексеевич.

Нумай ҫул хушши ӗҫленӗ вӗрентекенсем

  • Ярусов Осип Илларионович;
  • Толстов Василий Захарович;
  • Маркитанов Павел Васильевич;
  • Кудряшова Римма Михайловна;
  • Смелова Зоя Михайловна;
  • Свидерская Лидия Петровна;
  • Забродина Елизавета Захаровна;
  • Моросина Зоя Семеновна;
  • Спиридонова Людмила Григорьевна;
  • Сидорова Анастасия Гавриловна;
  • Порфирьев Григорий Порфирьевич;
  • Ильина Зинаида Ермолаевна.

Ӑнлантарусем

  1. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 203. — 505 с.

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 203. — 505 с.

Каҫӑсем

Категорисем