Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Колыванов Александр Александрович

Disambig gray.svg Колыванов хушаматлă урăх çынсем çинчен РУВИКИ-ре статьясем пур.

Колыванов Александр Александрович (1937 ҫулхи пушӑн 20-мӗшӗ, Заволжск, Иваново облаҫӗ, РСФСР) — СССР Хими промышленноҫӗн министерствин Ленин комсомолӗ ячӗллӗ Шупашкарти хими комбиначӗн аппаратчикӗ, Социализмла Ӗҫ Паттӑрӗ (1974).

Пурнӑҫӗпе ӗҫӗ-хӗлӗ

1937 ҫулхи пуш уйӑхӗн 20-мӗшӗнче Иваново облаҫӗнчи Заволжск хулинче служащисен ҫемйинче ҫуралнӑ. 1959 ҫулта тӑван хулинче М. В. Фрунзе ячӗллӗ Заволжск хими заводӗнче ӗҫлеме пуҫланӑ.

1964 ҫулта Заволжск хулин хула Канашӗн депутатне суйланнӑ.

1966 ҫулта Чӑваш АССРне куҫса Ҫӗнӗ Шупашкар хулинчи ҫӗнӗ хими комбинатӗнче — Ленин комсомолӗ ячӗллӗ Шупашкар «Химпром» производство пӗрлешӗвӗнче вӑй хума тытӑннӑ. Комбинатра хими хӗҫпӑшалне — наркӑмӑшлӑ япаласемпе тултарнӑ вӑрҫӑ хатӗрӗсем — кӑларнӑ, анчах ҫав производствӑна халӑх валли синтетикӑлла сӑрӑсем кӑларнӑ пек маскировка тунӑ.

Колыванов СССРти ОА тата ОМ бензонсен светостабилизаторсен пӗрремӗш производствин, мамӑк, йӗтӗн, пурҫӑн валли хастар синтетика сӑррисем туса кӑларакан 3-мӗш номерлӗ цехра, ҫурма фабрикатсен чӗртаварне хатӗрлекен ҫӗрте аппаратчик, унтан аслӑ аппаратчик пулса ӗҫленӗ. Унтан 55-мӗш цеха куҫнӑ, кайран — 83-мӗш цеха вӑрттӑн производствӑна. Шӑпах ҫак виҫҫӗмӗш производство текен цехра предприятин тӗп продукцийӗпе — наркӑмӑшлантаракан япаласемпе — ҫар хатӗрӗсене тултарнӑ. 1972 ҫулта кунта V-газсен промышленность кӑларӑмне йӗркелесе янӑ. Производство технологине лайӑхлатма, ӗҫлекенсен ӗҫ условийӗсене лайӑхлатма пулӑшакан чылай сӗнӳ кӗртрӗ.

СССР Аслӑ Канашӗн Президиумӗн 1974 ҫулхи акан 3-мӗшӗнчи хушӑвӗпе СССР правительствин ятарлӑ заданине пурнӑҫлас ӗҫре пысӑк ҫитӗнӳсем тунӑшӑн Колыванов Александр Александровича Ленин орденӗпе «Ҫурлапа Малатук» ылтӑн медаль парса Социализмла Ӗҫ Паттӑрӗ ята панӑ (хушӑва массӑллӑ информаци хатӗрӗсенче пичетлемен)[1] [2].

Чӑваш АССРӗн Ӗҫ Мухтавӗпе Паттӑрлӑх Хисеп Кӗнекине кӗртнӗ (1977).

Предприятире 1995 ҫулта пенсие тухиччен ӗҫленӗ. Предприятире ӑс паракансен канашӗн председателӗ пулнӑ.

Спортпа туслӑ пулнӑ, городки спорт тӗсӗпе — СССР спорт мастерӗ (1986)[1].

Ҫӗнӗ Шупашкар хулинче пурӑнать.

Обществӑлла ӗҫ

КПСС пайташӗ. СССР Аслӑ Канашӗн 10 суйлавӗн депутачӗ (1979—1984), Чӑваш АССРӗнчен суйланнӑ.

Хисепӗсем

Ӑнлантарусем

  1. ^ 1, 2 Мадебейкин И. Н. КОЛЫВАНОВ Александр Александрович , Wayback Machine çинчи 2018 ҫулхи ҫӗртмен 12-мӗшӗнчи копийӗ/ Чувашская энциклопедия. Электронная версия.
  2. ^ https://giachr-ext.kaisa.ru/html/K/073_kolyvanov.htm
  3. ^ https://mubiblioteka.ru/files/novchik/trud.pdf

Вуламалли

  • Eго высота // Советская Чувашия. — 1979. — 20 февр.
  • Колыванов, А. С думой о дне завтрашнем / А. Колыванов // Советская Чувашия. — 1978. — 22 дек.
  • Колыванов, А. А. А. А. Колыванов: Спецзадание — это вам не манную кашу варить : [беседа с Героем Соц. Труда Александром Александровичем Колывановым / записала С. Исаева] ; фот. М. Смирновой // Грани. — 2015. — 10 сент. — С. 8 : фот.
  • Колыванов Александр Александрович // Ими гордится Чувашия. — Чебоксары, 1987. — С. 180-181.
  • Кузьмин, Л. Главная награда / Л. Кузьмин // Советская Чувашия. — 1980. — 27 марта.
  • Мадебейкин, И. Н. Колыванов Александр Александрович / И. Н. Мадебейкин // Краткая чувашская энциклопедия. — Чебоксары, 2001. — С. 217.
  • Мадебейкин, И. Н. Колыванов Александр Александрович / И. Н. Мадебейкин // Чувашская энциклопедия. — Чебоксары, 2008. — Т. 2 : Ж-Л. — С. 295.
  • Сергеев, А. Звания почетного гражданина достойны / А. Сергеев ; фото М. Боброва // Грани. — 2021. — 28 авг. — С. 4 : фот. — (Спутник нашей жизни / ведущий полосы Андрей Сергеев).

Каҫӑсем

Категорисем