Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Коновалова Светлана Александровна

Коновалова Светлана Александровна (ҫур. 1997 ҫулхи авӑнӑн 21-мӗшӗ, Шупашкар) — Раҫҫей актриси. «Классная Катя» сериалта Софья Андреевна вырӑс чӗлхипе литература вӗрентекенне вылянӑ хыҫҫӑн палӑрнӑ[1].

Пурнаҫӗ

Светлана Коновалова 1997 ҫулхи авӑнӑн 21-мӗшӗнче Шупашкарта ҫуралнӑ. Шупашкарти 37-мӗш вӑтам шкулта пӗлӳ илнӗ май 5-мӗш музыка шкулӗнчи «Шевле» театр студине вӗренме ҫӳренӗ. Шкул пӗтернӗ хыҫҫӑн Мускаври ВУЗсене кӗме хӑтланнӑ. Пилӗк аслӑ вӗренӳ заведенине заявлени парса пӑхнӑ — нихӑшӗнче те йышӑнман. Патшалӑх шутӗнчи мар вӗренӳ заведенине вӗренме вырнаҫнӑ, анчах икӗ ҫултан унӑн аккредитацине пӑрахӑҫланӑ. Ҫакӑн хыҫҫӑн каллех Мускаври театр ВУЗӗсене кӗме хӑтланса пӑхнӑ. Вара тинех ГИТИС-а кӗме пултарнӑ, Андрей Кончаловский ертсе пыракан класа лекнӗ[2]. Театр ӳнерӗн институтӗнчен 2021 ҫулта вӗренсе тухнӑ[1].

Кинора студент пулнӑ май ӳкерӗнме пуҫланӑ. Пӗрремӗш хут «Последний мент» (реж. Михаил Жерневский, Алексей Шапарев) детективлӑ сериалта ӳкерӗннӗ. Кунта вӑл эпизодлӑ роле вылянӑ. Кайран Сергей Комаров режиссёрӑн «Солнечный круг» сериалта вылянӑ, кунта та ӑна эпизодлӑ сӑнар лекнӗ[3].

2018 ҫулта Антон Бильжон «Амбивалентность» фильмӗ тухнӑ, Светлана унта медсестра рольне вылянӑ. 2020 ҫулта ӑна Андрей Кончаловский картининче ӳкерӗнме чӗннӗ, унӑн забастовщица сӑнарне калӑплама тивнӗ. 2021 ҫулта актриса «Инсомния» сериалта ҫамрӑклӑхри тӗп сӑнарсенчен пӗрине вылянӑ[3].

2022 ҫулта «Классная Катя» ҫамрӑксен сериалӗнче вылянӑ хыҫҫӑн халӑх ӑна аван пӗлсе ҫитнӗ.

Ҫемье

Аппӑшӗ пур, вӑл ӑна ача чухне самай пулӑшнӑ — 5-мӗш музыка шкулне вырнаҫма сӗнекенни пулнӑ, кайран хутсене пухма пулӑшнӑ[2].

Фильмографи

  • 2016 — «Универ. Новая общага» — ӳсӗр хӗр
  • 2017 — «Не вместе» — Юля
  • 2017 — «Последний мент» — Даша Нарочная
  • 2017 — «Склифосовский» — студентка
  • 2017 — «Солнечный круг» — эпизодлӑ
  • 2017 — «Свидетели» — Скворцова
  • 2020 — «Дорогие товарищи» — забастовщица
  • 2021 — «Инсомния» — ҫамрӑклӑхри Люба
  • 2022 — «Классная Катя» — Софья Андреевна, вырӑс чӗлхипе литературине вӗрентекен
  • 2022 — «Марш утренней зари» — куракан

Ӑнлантарусем

  1. ^ 1, 2 Дарья Кошкина. Чебоксарка сыграла главную роль в молодежном сериале на СТС (выр.). ПроГород.Чебоксары (5 авӑнӑн 2022). Пӑхнӑ кун: 2025 ҫулхи юпан 22-мӗшӗ.
  2. ^ 1, 2 В большое кино привела детская мечта. Советская Чувашия (9 авӑнӑн 2022). Пӑхнӑ кун: 2025 ҫулхи юпан 22-мӗшӗ.
  3. ^ 1, 2 Михайлова, Татьяна. Классная Света. Актриса из Чебоксар снялась в молодежном сериале на СТС. Тӗрӗсленӗ: 2025 ҫулхи юпан 22-мӗшӗ.

Каҫӑсем

Категорисем